Daniel 2:2 - Labrador Inuttitut Heritage Bible

² Ataniublo ilisimajut, angakoillo, ilisêngniartullo, Kaldêarillo, ᴋaiᴋojauᴋovait, ataniᴋ nalonaijaivigivlugo sinnartômanirijanganik piᴋovlugit. Tikipullo nangilutiglo ataniub sângani.

Daniel 2:2 Iomraidhean Croise

Genesis 41:8

Kaulermalle, tarnimigut issumajârpoᴋ, tiliklerporlo ᴋairᴋovlugit aglangnik illisimajut tamaita, sillatujullo tamaita Egiptenemêtut, sinnaktômanerijanelo unipkautigivait tâpkonunga. Kissiane nallonaijaijungnartoᴋalungilaᴋ tamakkoninga Faraomut.

Ester 1:13

Atanniublo ilisimajut nunab ilusinginik ᴋaujimajut Oᴋarvigivait (atanniub illinganingit ilûnaita Pinniartaujariaᴋalaungmatta, ilisimajut idluarnernik ilutsiniglo sângine;)

Exodus 7:11

Tagva Faraub ilisimajut angakullo ᴋairᴋovait, tâpkoalo, Egiptenemiut ilisimajoᴋotingit aglangnik, taimailiorivut angakonermingnut.

Jesaiase 19:3

Egiptenemiullo maksoaningat pêromârpoᴋ illunginit, kajusimaningillo nungutitsomavakka. Tagva Gûdingoat appertsoromârpait nallautainerluktullo angakkullo pijomârtuksaniglo oᴋasôngojut.

Jesaiase 8:19

Imâglo oᴋauseᴋarpatta illipsingnut: Angakkullo nallautainerluktullo nipjârtut, issivsortut apperijartorsigik! — ajornarpoᴋ. Nunaᴋatigêt appertsoriaᴋangilât Gûdemingnik? Inôjut pivlugit toᴋungajut apperijartorlugit pijuksauvitâ?

Daniel 1:20

Sumiglo ilisimanimiglônêt silatunimiglônêt pijariaᴋartunik ataniub apitsoramigit, tamaini malugivait 10-ertorlutik ilisimanisaungmatta ilisimajunit angakonillo tamainit ataniovingminêtunit.

Daniel 1:4

Inôsuktunik ᴋanoingitsiartunik takominartuniglo, issumagiktunik, ilisimajuniglo, silatojuniglo, poᴋituniglo, ilusitsiariktuniglo sapilungitunik kivgartornimik ataniub iglungani; ajoᴋitoraksaringmagillo Kaldêarit aglanginik oᴋausinginiglo.

Daniel 2:10

Kaldêarit ataniᴋ akkivât, oᴋarlutiglo: Nunaᴋsoarmi inuᴋangilaᴋ nalonaijaijungnartomik ataniub oᴋautigijanganik; ataniᴋalaungilarlo nâlegaᴋalaungilarlônêt pitsartujoᴋalaungilarlônêt taimaitomik ᴋinujomik ilisimajomit angakomillônêt Kaldêaremillônêt.

Daniel 2:27

Danielib ataniᴋ akkivâ oᴋarlunilo: Nalonadlartoᴋ tamanna ataniub nalonairtauᴋojanga ilisimajullônêt, angakuillônêt, ilisimaniᴋsiortullônêt, uvloriaᴋsiortullônêt, nalonaijarungnangilât atanimut;

Daniel 3:8

Naliutomili tâpsomani Kaldêarit ilangit ᴋaivut, Judillo pasilugit.

Daniel 4:3

Nalunaikutangit angijôdlarput, tatamnartuliningillo pitsartudlarput! Nâlegauvinga issoᴋangitomut itsainarpoᴋ, atanioningalo kinguvârênit kinguvârênut ipok.

Daniel 4:6

Tamanna pivlugo piᴋojivunga Babilonib ilisimajungit tamaita itititauᴋovlugit najugamnut, nalonaijaiᴋovlugit uvamnut sinnartômanirub tukkigijanganik.

Daniel 5:7

Atanilo nippiᴋortovluni ᴋaigarsukpoᴋ angakuit, Kaldêarillo, uvloriaᴋsiortillo itititauᴋovlugit. Ataniublo Babilonib ilisimajungit oᴋautivait: Inuit naliat aglangnik tâpkoninga atuarsijungnartoᴋ, nalonaijaivigilungalo tukkigijanginik, annorârtaulârpoᴋ aupaloriktunik, ujamiktauvlunilo goldiojunik ᴋongisimigut, nâligauvingmalo pingajuanut ataniolârpoᴋ.

I Samuel 6:2

Filisterillo ajochertuijoᴋotitik nallautaijoᴋotitiglo ᴋaiᴋovait, oᴋarlutiglo: Kannok Nalekab iklervinga pinniarvigijaksarivittigo? Ajochertortigut sunakut tillikliutijaksarivittigo innigilauktanganut?