Daniel 12:8 - Labrador Inuttitut Heritage Bible

⁸ Tusarpungalo tukkisinangali; tagva oᴋarpunga: Nâlegara, ᴋanoᴋ tamakkoa maliktoᴋalârᴋât?

Daniel 12:8 Iomraidhean Croise

Daniel 10:14

Tikipungali mâna ajoᴋitoromavlutit naliutijomârtunik inuᴋotingnut uvluni kingorliojuni: takotitjut uvlut unuktut ᴋângipatta kissiani nalaulârpoᴋ.

Daniel 12:6

Aipâtalo angut miᴋoᴋangitomik ᴋaᴋortamik annorâlik, kôb imanganik ᴋolangiartok, oᴋautivâ: Kanoᴋ akunêrtigilârᴋâ tatamnartut makkoa naggatiksangat tikidlugô?

Daniel 12:7

Angullo miᴋoᴋangitomik ᴋaᴋortamik annorâlik, kôb imanganik ᴋolangiartoᴋ, tusarpara, aggani talipîllo saumîllo issângmagit ᴋilangmut, angimariklunilo inôtsainartoᴋ issoᴋangitomut taivlugo, oᴋartoᴋ: tamanna naliuniᴋ atausiᴋ, naliunîglo maggûk, naliunirublo abvanga nâvlugit sivitutigijomârpoᴋ; noᴋarpattalo inuit ivsornaitut pitsartuningit siᴋalilugit, tamakkoa tamaita nâmaksititaujomârput.

Daniel 12:9

Oᴋarporlo: Aularit, Danieli, oᴋautsit matujaungmatta naᴋititauvlutiglo naggatiksab naliuninga tikidlugo.

Daniel 8:13

Ivsornaitullo ilangat oᴋartoᴋ tusarpara; ivsornaitorlo tâpsoma assia oᴋarpoᴋ tâpsomunga oᴋartomut: Kanoᴋ sivitutigilârᴋâ takotitjut tunigutit noᴋajuitut pivlugit, idluinilo assirosaijoᴋ pivlugo, ivsornaitovik katimgajoᴋsuillo tullirajârtaungmattâ?

Lukase 18:34

Tamakkoale tamaita tukkisingilait, oᴋausingillo nalonadlalaukput tâpkonunga, ᴋaujimanatiglo oᴋauserilauktanginik.

Johannese 12:16

Ilinniartingitale tamanna tukisilaungilât sivorngane; Jêsusele ânanausijaungmat, tagva erᴋarpât, taimaitomik aglaksimajoᴋarmat tâpsominga, taimaglo piniarvigilauramitsuk.

Apostelit Piniarningit 1:7

Oᴋautivaille: Naliunermik stundemiglônêt ᴋaujijuksaungilase Atâtab ajugaᴋanginerminut ilingatitanganik.

I Pêtrusib 1:11

Issumaksarsiorutigilauramigit neliunerit ilusingillônêt nelît Kristusib Anerningata tâpkoa iluanêtub oᴋautigingmangâgit, sivorngagut kigligiutsilaurame âniatitaunernik Kristusemêtunik ânanaudlartoᴋaromârtomiglo kingorngane.