Daniel 11:40 - Labrador Inuttitut Heritage Bible

⁴⁰ Naggatiksablo naliuniksangani ataniub ânimiub pâgomârpâ, atanilo avanimioᴋ tâpsomunga tikitsomârpoᴋ ulajujaᴋsoatut, ᴋamutiniglo horsilijartuniglo umiaᴋsoaniglo unuktunik ilaᴋarluni; nunanullo itâromârpoᴋ siamârlunilo ᴋângilunilo.

Daniel 11:40 Iomraidhean Croise

Jesaiase 21:1

Tamadja oᴋauseᴋ inerterijutiksaᴋ (nunamut) inuerutijomut kôksoarmẽtomut. — Sôrlo aᴋᴋunaᴋ ângat ᴋeaksungmat, taimak pijoᴋarpoᴋ inuᴋajuitomit, nunamit erᴋsinartolingmit.

Jesaiase 5:28

Kargjungit ipikput, pittiksingillo illũnatik noᴋarsimavut. Horseᴋotingita kukkiujangit ᴋairtotut illingarᴋôrput ᴋamutingitalo aksalloangit aᴋᴋunaᴋsoatut.

Jesaiase 66:15

Ahâgle, ikkomakut Nâlegaᴋ tikkitsomârpoᴋ, ᴋamutingillo aᴋᴋunaᴋsoatut-iput, ningaumajârnine saᴋᴋijârtipâ ikkomakut suangadlarninelo ikkomab ikkoalaningagut.

Jeremia 4:13

Ahâk, tikilârpoᴋ nuvujatitut, ᴋamutingillo aksaloalît ullalujaᴋtut; horsingillo sukkalinersauvut naktoralingnit. Kapianarmêk uvagut, asserortaugapta.

Hesekiel 38:4

Sangutitsomârpagillo, ᴋargjusâniglo erᴋiaktitsijomârpunga aglerungnut, anititsomârpagillo sorᴋsuktuksarsoaᴋotitit ilûnaita, horsitillo, horsinullo ablângajoᴋotitit, ilûnatik annorâlijarlutik unatartut annorânginik, katimgajoᴋsuit sapûlutalijartut sagvingmiutalijartullo, saviksoarniglo tigumiartut:

Hesekiel 38:9

Igvillo takpaungalârpotit, aᴋᴋunaᴋsoatut tikiaᴋilutit, nuvujatut ilingajomârpotit nuna mattujomavlugo, igvit siaktitatillo ilûnatik, inôᴋatigêksuillo unuktut ilagilutit.

Daniel 11:10

Erningilli unataromârput, sorᴋsuktoᴋatigêksoarnik, unuktunik katisoilutik, tikitsomârpullo ullitornersoartut, ᴋângiutivlutiglo; utiromârpullo unatarlutik, taluksoangit tikidlugit aglât.

Daniel 11:11

Atanilo ânimioᴋ ningarnisoarmut aulataujomârpoᴋ, anijomârporlo unatarvigidlarlugo ataniᴋ avanimioᴋ; katisoilauᴋtoᴋ sorᴋsuktoᴋatigêksoarnik, sorᴋsuktoᴋatigêksuilli tunijaujomârput tâpsoma agganginut.

Daniel 11:13

Ataniᴋ avanimioᴋ utiromârmat, saᴋᴋêvluni sorᴋsuktoᴋatigêksoarnik ununisanik sivornganimit; tikilârporlo naliunirit nâlerpatta, ilâ, jârit nâlipatta, sorᴋsuktoᴋatigêksuit ilagivlugit piᴋutiᴋavaksoarlunilo.

Daniel 11:22

Talinullo pitsartujunut tâpsoma pêjaromârpait siᴋomilugillo, ilâ, angajoᴋâᴋsoaᴋ angiᴋatigijanga tapilugo.

Daniel 11:25

Pitsartunini ᴋoaᴋsângaininilo aulatsomârpâk ataniᴋ ânimioᴋ opaktoromavlugo sorᴋsuktoᴋatigêksoarnut; atanilo ânimioᴋ sorᴋsugomârpoᴋ unatarnimi sorᴋsuktuᴋatigêksoarnut unuktovaksoarnut pitsartujoᴋsoarnullo; nangirungnaromângilarli, issumalugomârmatta pikalugvigijomavlugo.

Daniel 11:35

Silatujullo ilangit oggojomârput sujungaititauᴋovlugit, ivsornaititauᴋovlugillo, ᴋaᴋorsartauᴋovlugillo, naggatiksab naliuniksanga tikidlugo; naliutomut kajusijutaujomut sulli ilingangmat.

Daniel 11:39

Iglugasaksuillo sôngonerpâmik avaluliosimajut suliarijomârpait gudib takorngartab ikajorninganut; tâpsominga opiguktut opigijaudlartitsomârpait; nâligangortitsomârlugillo unuktunut, nunalo avgoromârpâ akkimut.

Daniel 11:7

Tâpsomali amângita akkiroâgulangita ilanganit nikovitoᴋaromârpoᴋ inimini, tikitsomârlunilo sorᴋsuktoᴋatigêksoarnut, itârlunelo ataniub avanimiub taluksoanganut, opaktorlugolo, ajugauvlunilo;

Daniel 12:4

Igvilli, Danieli, oᴋautsit matukit, aglaillo naᴋitikit, naggatiksab naliuninga tikidlugo; unuktut aᴋpasugomârput utitaᴋatalutik, ilisimanilo aglivaliajomârpoᴋ.

Daniel 12:9

Oᴋarporlo: Aularit, Danieli, oᴋautsit matujaungmatta naᴋititauvlutiglo naggatiksab naliuninga tikidlugo.

Daniel 8:17

Nangivingma ᴋanitanganôrpoᴋ tagva; tikingmallo iᴋsilipunga, pâmaklungalo kênara pûlugo; oᴋautivângali, Tukkisilirit, inûb ininga, naggatiksab naliuniksanganut ilingangmat takotitjut tamanna.

Habakûb 3:14

Sorᴋsuktuksangita niaᴋorijangat putolauᴋpât ᴋalugiaminut; tâpkoa ulajujaᴋsoatut tikilauᴋput siamartitsomavlunga; ᴋuviasûtigilauᴋpâllo aklujut nerrijomavlugit, angijivlutik.

Saggaria 9:14

Nâlegarlo sakᴋijâromârpok tâpkoa ᴋolâtigut, ᴋargjungalo anijomârpok ᴋaumalaktut: Nâlegarlo Nâlegaujok tiptulausijaromârpok, ingeraromârporlo uarngniluakut.

Takotitaunermik 16:12

Engelillo 6 ingata iluleᴋutime imanga kovivâ kôksoarmut Eufratemut; imersoanga tagva ipterilerpok, apᴋotiksaulerᴋovlugo atanernut seᴋiniub nuilervianit pijunut.

Takotitaunermik 9:16

Sorsuktuksallo horsit ᴋângine iksivajut unurningit 200 Milliôneovut, unurningillo tussarpakka.