Daniel 11:32 - Labrador Inuttitut Heritage Bible

³² Angiᴋatigêngnimullo idluiliortut tâpsoma ivsornartungortitsomârpait oᴋautsinut pingitsitortunut; inuilli ilitarᴋsijut Gudimingnik sôngosidlaromârput sulijomârlutiglo.

Daniel 11:32 Iomraidhean Croise

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

Nehemia 4:14

Allakausijarpungalo parngnailerlungalo, oᴋarlungalo Erᴋanartunut angajoᴋaunerôjunullo, inugasaksoarnullo assinginut: Sivuraginiarassigik, Nâlegaksoarle erᴋsinartoksoak erᴋarsiuk, ᴋatangutiselo erniselo, paniselo, nuliaselo, igloᴋotiselo sorsugutigisigik.

Imgerut 9:10

Taimaimât tattigivâtit atternik illitarksijut; igvit ᴋemalunginangne illingnik Nâlegak ᴋennertut.

Salomob Okâl 19:5

Nellonailejok nellangaitok pitlartautailiniangilak; saglonerniglo iktoriktailune oᴋauseᴋartok asserorniarpok.

Salomob Okâl 26:28

Oᴋak nellangaitok omisukpok kiksartitiminik; ᴋanerlo takkomornelik asserornermik sanavok.

Jeremia 31:34

Naliatalo inûᴋatine ᴋatangutinelônêt ajoᴋertoriaᴋaromângilâ oᴋarlunalo: Nâlagaᴋ ilitariniaruk! Ilûnatik ilitarijomârmanga mikinerpâmit anginerpâk tikidlugo, oᴋarpoᴋ Nâlagaᴋ; idluituliningit issumagijungnairomârapkit, ajorningillo erᴋaumajungnairomârapkit.

Daniel 11:21

Tâpsomalo iningani naggonartoᴋ nikovilârpoᴋ, tunitjiviolaungitoᴋ atanioviub nitortaujutiksanganik: tâmnali tikilârpoᴋ ilimanarani, atanioviglo pilârpâ pingitsitornikut.

Daniel 11:34

Oggogaloarunigli ikajortaujomârput ikajornimut mikijomut; unuktullo ilangutijomârput tâpkonunga oᴋautsitigut pingitsitortutigut.

Saggaria 10:12

Pitsartutitsomârpakkalo Nâlekame; ingeraromârpullo tâpsoma atingane, oᴋarpok Nâlegak.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

I Johannesib 5:20

Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.

Takotitaunermik 6:11

Atunillo tâpkoa tunitsiviovut annorâmik ᴋaᴋortamik, oᴋautjauvlutiglo, sulle neliutomik anikitomik merngoêrserᴋovlugit, kivgauᴋatitik ᴋatangutitiglo sulle toᴋotauniartut tâpkotitunak illautsiarilugit.