Daniel 10:5 - Labrador Inuttitut Heritage Bible

⁵ Arlorpunga takosarlungalo, ahâglo, angut miᴋoᴋangitomik ᴋaᴋortamik annorâlik, makitimigullo tapsirutilik goldiojomik Ufazemit pijomik;

Daniel 10:5 Iomraidhean Croise

Jesaiase 11:5

Idluarneᴋ tapserutigijomârpâ ᴋettermigut, nallâgôrneᴋ tapserutigivlugo makkitîngmigut.

Jeremia 10:9

Tarsisemit tikiutjivut silberemik katjuksimajomik amertajangordlugo, goldemiglo Ufasemit, sanasôngojub sanajanganik, goldelerijublo aggangita sanajanginik; tungujoᴋtamik aupaloriktomiglo annorâksanginut; iluengarlutik suliangovut ilisimajut suliarijanginik.

Hesekiel 9:2

Ahâglo, angutit pingasojortut tikilerput itertarviub timerdliub avunga sangmijub apᴋutâgut, atunit tigumiarlutik sakkomingnik toᴋotsijûtinik; angulle atauseᴋ akuliovoᴋ tâpkonane ᴋaᴋortamik annorâlik, aglaktub pôᴋtanganik ᴋeterumiutalik. Iterpullo nangerlutiglo tunerguserviub ᴋaᴋorliub seniane.

Saggaria 1:8

Unnuarme takotitjutikut takovunga, ahâglo, angut ikimajok horsemut aupaluktamut, tâmnalo nangerpok ukpigait tipitsiariktut taggalinermêtut akorngane; tâpsomalo tunuane horseᴋarpok aupaluktanik, milaktaniglo, ᴋaᴋortaniglo.

Efêsusemiunut 6:14

Tagva makitipsigut tapserusijaritse mikseᴋârnermik, idluarnerlo atimavlugo, sagvingmiutarivlugo.

Josua 5:13

Pijoᴋalaukporlo Josua Jerichub ᴋannitanganêdlune, ijingminut takkosarlaurame, mallugosulerporlo nangertoᴋangmat sakᴋamine angumik, tigumiartomik aggangminut saviksoarmik poksimangitomik. Josuablo aivigivlugo oᴋautiva: Uvaptingnut illingavît, omigijiptingnullonêt?