Daniel 10:3 - Labrador Inuttitut Heritage Bible

³ Iklingnartomik nirringilanga, niᴋêjamiglo vainimiglo oᴋomisilungilanga, mingoarlungilangalônêt uvamnik, vôgit pingasumarît nâᴋârtinagit.

Daniel 10:3 Iomraidhean Croise

II Samuel 19:24

Mefibosethe Saulib ernguta ᴋailune attersarivok, attannek pachrearlugo. Ittikkanelo uminelonêt ipêrutilaungilait, annoranelo ergortorlaungilait uvlormit taipsomangat, attanniub aularvianit, uvlok taimna ullapirsauteᴋarlune uttermat tikkilugo.

Hiobe 33:20

Inôsingata nerᴋiksat makkojugilugit perᴋovlugo, tarningatalo nerᴋiksatsiat.

Daniel 10:12

Oᴋautivânga tagva: Erᴋsiniarnak, Danieli, uvlormit sivorlipâmit ômatit kamatsiartilaurangni, manigôtilauravillo Gudivît sângani, oᴋautsitit tusartauvut; tikipungalo oᴋautsitit pivlugit.

Daniel 11:8

Gudingoangillo inungoaliarimajangillo auktisimajut, piᴋutingillo pivianartut goldimit silbirimillo sanamajut, aularutijomârpait Egiptinimut; tâpsomalo jârit ilangit nâvlugit ataniᴋ avanimioᴋ unangmitaililârpâ.

Daniel 6:18

Atanilo igloᴋsoaminut angirarpoᴋ, nirritailivlunilo unnuaᴋ nâvlugo; nipjausijartoᴋangilarlo sângani, sinigungnangilarlo.

Amos 5:11

Tamanna pivlugo aklujut tullerajarapsigik, aᴋsârapsigiglo sanaugaksanik: igloliorpose ujarᴋanik sanasimatsiartunik, inigijaksarilungilasele; perorsêviliorpose vaineliksatalingnik kajungernartunik, vainingalle imeraksaringilase.

Nahum 2:9

Silberemik aᴋsârnialeritse, goldemik aᴋsârnialeritse; ᴋomergutaujut kigleᴋangimatta, perᴋutit pivianartut unuktovaksôngmatta.

Mattêuse 6:17

Nerritailijarangaville, niaᴋuit mingoaruk, ermiklutillo.

Lukase 7:46

Igvit niaᴋora napârtub orᴋsuanik mingoanginivat, ômale itigakka mingoalaukpait tippitsiariktomik.

I Korintemiunut 9:27

Timigale aᴋtorsartidlarlugo kivgautipara, assimnut oᴋâlajunga nangminek egitaksaujomananga.