Daniel 10:16 - Labrador Inuttitut Heritage Bible

¹⁶ Ahâglo, inûb, ᴋitorngangatut adsiᴋartûb ᴋangasinâka aktorpâk; ᴋanira aitarpara tagva, okarlungalo oᴋautivara sâmni nangitoᴋ: Nâlegara, takotitjut tamanna pitjutigillugo, kiksautigijakka utiput uvamnut, nukiᴋarungnaipungalo.

Daniel 10:16 Iomraidhean Croise

Exodus 4:10

Mosesele oᴋarpok Nâlekamut: Takûk, Nâlegak, oᴋaloritsangilanga, sivornganelônêt mânnalônêt oᴋauseᴋaravit kivgarnut, ᴋaneralo oᴋaralo oᴋumaingmanik.

Exodus 4:13

Oᴋarporle: Nâlegak, tililauruktôk kinalônêt tilijomajat.

Okaluktok 1:18

Nanele ilisimanekartome unuktunik, issumajârnekarivok unuktunik; unuktuniglo ilinniaromajok unuktunik âniajariaᴋarpok.

Jesaiase 6:7

Kaneralo tâpsomunga aktorpâ oᴋarlunelo: Ahâk, ôma ᴋangasinâkik aktormagik, idluitullinitit illingnit pêrtauvut, ajornitillo issumagijaujungnairput.

Jeremia 1:9

Nâlakablo aggane issakpait, ᴋaneralo aktorlugo; Nâlakablo oᴋautivânga: Ahâk, oᴋausikka ilivakka ᴋanernut!

Hesekiel 1:26

Issivisimajôjârtublo niaᴋungita ᴋolânêtub ᴋolâne iksivautaᴋsoangojârtoᴋarpoᴋ, ujarᴋab Safiremik atteliub tautuatut: iksivautaᴋsoangojârtomelo iksivajoᴋarpoᴋ inôjârtomik.

Hesekiel 3:27

Oᴋarvigigupkille ᴋanît angmaromavara, oᴋautijaksarivatillo: Imâk oᴋarpoᴋ Nâlegaᴋ Nâlegaujoᴋ: Nâlagomajoᴋ nâlakle, nâlagomangitorlo nâlangile: ᴋitorngarêngongmatta tapatojut.

Hesekiel 33:22

Nâlekable aggangita ᴋolangialauᴋpânga unnungme anigoijub tikiningata sivorngane, ᴋaneralo angmarpâ, tikiᴋârtinago uvamnut uvlâkut; ᴋaneralo angmarpoᴋ oᴋâlajungnairomangilangalo.

Daniel 12:8

Tusarpungalo tukkisinangali; tagva oᴋarpunga: Nâlegara, ᴋanoᴋ tamakkoa maliktoᴋalârᴋât?

Daniel 4:19

Danieli tagva, Beltesasarimik attipsâlik, kakilâdlarpoᴋ anikitomik, issumamilo ulapipât. Atanili niplipoᴋ oᴋarlunilo: Beltesasar, sinnartômanirub tukkigijangatalônêt ulapiniaranitit. Beltesasarilo akiluni oᴋarpoᴋ: Nâlegara, sinnartômaniᴋ tamanna ômigijingnut, tukkigijangalo akkiratotingnut ilingali.

Daniel 7:15

Uvangali Danieli, aninira kiksarpoᴋ timimni, niaᴋumalo takotitjutigijangita ulapipânga.

Daniel 7:28

Tamakkoa tagva nâvut tamâni. Uvangali Danieli, issumama ulapidlarpânga, tautugalo ablatsangolipoᴋ; tamannali torᴋorpara ômatimni.

Daniel 8:15

Pivorlo, uvanga Danieli, takotitjut tâmna takogapko, tukkigijanga tukkisinasuarpara; ahâglo, angutitut tautulik nangipoᴋ sâmni.

Daniel 8:17

Nangivingma ᴋanitanganôrpoᴋ tagva; tikingmallo iᴋsilipunga, pâmaklungalo kênara pûlugo; oᴋautivângali, Tukkisilirit, inûb ininga, naggatiksab naliuniksanganut ilingangmat takotitjut tamanna.

Daniel 8:18

Oᴋausiᴋartilugo uvamnut ᴋaujimangipunga, kênara nunamut pûtilugo; tâpsomali aktorpânga, makitilungalo nangivigilauᴋtamni.

Daniel 8:27

Uvangalo Danieli ᴋaujimangipunga, uvlullo ᴋapsit nâvlugit ᴋanimavunga; kingornganili makipunga, atanimullo suliangoᴋojaujut suliarivakka; takotitjulli tataminiarutigivara, tamannali malugijaulungilaᴋ kimut.

Daniel 9:21

Ilâ, tuksiarnimi oᴋâlatilunga, angut imna Gabrieli, takotitjutimni takojara pigiarnimi, tingisaraititauvluni, aktorpânga, tunigutit unnuksiutit tunijauningita tungâni.

Lukase 1:64

Tagvainarlo Zacharîasib ᴋaninga oᴋangalo angmartitauvuk, oᴋalerdlunelo Gûde nakoridlarpâ.

Lukase 21:15

Uvanga ᴋanermik ilisimanermiglo tunitjivigijomavapse, ômigijise ilûnaita kionermik akkerartornermiglo ilipsingnut sapilertilugit.

Johannese 20:28

Tômasib kiovâ oᴋautivlugolo: Nâlegara Gûdigalo!

Josua 5:14

Tamna oᴋarpok: Aukak, angajoᴋaksoangovungale Nalekab kattimgajoᴋotinginnut, tikkipungalo manna. Tagva Josua kênaminik pûlune nunamut pamakterpok, tuksiarlunelo oᴋautiva: Kannoêtunik Nalegara oᴋausiksaᴋarᴋa kivgaminut?

Takotitaunermik 1:13

Nannergoarvîllo tâpkoa 7 it ᴋerᴋanêtomik tautulerpunga inûb erningata adsinganik; tâmna annorârsimajok angijoktamik, ᴋeterusersimavlunelo sakiangmigut ᴋeterumik goldemik.

Idluarsaijut 13:8

Tagva Manoab Nâlegak tuksiarvigiva oᴋarlunelo: Nâlegak, Gûdib anguteᴋotinga tillilauktat, ᴋailaungmile uvaptingnut, ajuᴋertuiᴋovlugo uvaptingnik pinniaraksaptingnik nukapiame erniangoniartome.

Idluarsaijut 6:13

Gideonible oᴋautiva: Nâlegâk, Nâlekab ilagikpattigut, sôgle tagva tamakkoninga tamainik pilaukita? Naneᴋâllo tattamnartulliningit tamaita atâtagijapta unipkautigilauktangit uvaptingnut, oᴋarlauklutiglo: Nâlekab Egiptenemit tasiorlaukpâtigut? Mannâle Nâlekab ᴋemalaukpâtigut, tunilutalo Midianiterit agganginut.

Idluarsaijut 6:15

Tamnâle oᴋarpok tapsomunga. Nâlegâk, sunamut Israelitit piulijaksarivakka? Ahak illakka mingnerôvut Mânnassekunit, uvangalo mingnerôvunga Atatama Iglomioᴋotinginit.