Daniel 10:13 - Labrador Inuttitut Heritage Bible

¹³ Persiable ataniovingata angajoᴋâᴋsoangata akkiratorpânga uvlut 21 nâvlugit; sunaubvali Migailib, angajoᴋaunirojut ilangata ikajoriartorpânga: uvangalo Persiab ataninginêtualauᴋpunga.

Daniel 10:13 Iomraidhean Croise

Esra 4:24

Tagva sullijaksak Gudib iglungane Jerusalemêtome noᴋᴋarpok, taimailingalunelo Dariusib Persiamiut attanningata Jaringita aipanga tikkilugo.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Efêsusemiunut 6:12

Uviningmullo aungmullo sorsugiaᴋanginapta, ataniviksoarnulle pitsartujoᴋsoarnullo, silaᴋsûb ataninginut, silaᴋsûb mattoma tâᴋtôningane ataniotijunut, anernernut ajortunut ᴋilaub atânêtunut.

Kolossamiunut 2:10

Ilipselo nâmaksivose tâpsomane, nâlegauvîllo pitsartunerillo ilûnamatsiatik niaᴋorijangane.

I Tessalônikamiunut 2:18

Tamanna pivlugo uvagut tikitsomalauᴋpapse, uvanga Pauluse, atausiarnanga; Sâtanasible agvialauᴋpâtigut.

I Pêtrusib 3:22

Tâmna ᴋilaliarame, Gûdib talerpiata tungânêpoᴋ, Engelillo, atanersuillo, pitsartudlartullo naipertorpât.

Jûdasib 1:9

Miggailible, Engelit angajoᴋângata, Sâtanase akkerartoramiuk, oᴋautjudlarlugo Môsesib timinga pivlugo, erᴋartorlugo sapperpâ oᴋautsit mitautelît atorlugit, oᴋarporle: Nâlekab pidlarniarlitit!

Takotitaunermik 12:7

Angijomiglo sorsuktoᴋalerpok ᴋilangme: Miggailib Engelingitalo ᴋuglugiaksoarâluk sorsugvigingmatsuk, ᴋuglugiaᴋsoarâlublo Engelingitalo sorsugvigivait,