Daniel 1:8 - Labrador Inuttitut Heritage Bible

⁸ Danielili kajusivoᴋ ômatimini ivsornartitsomanginami ataniub niᴋiksanganut mamagijanganut, vainimullo tâpsoma imiksanganut; taimaimallo aipaitôᴋojaujut angajoᴋânga ᴋinuvigivâ ivsornartitauᴋojaujomanani.

Daniel 1:8 Iomraidhean Croise

I Atannit 5:5

Ahâk, tagva isumavunga iglolioromavlunga iglomik Nâlekab Gûdima atinganut illingajomik, sorlo Nâlegak Oᴋauseᴋalaungmat atâtamnut Davidemut, oᴋalaungmallo: Ernivît, inangêrlutit ingititsomajama iksivautarnut, tapsoma atera iglolioraksariva.

Imgerut 106:28

Baal-Peorelo ungagivât, nerrilutiglo Gûdingoat innôseᴋangitut tunnergusianginit;

Imgerut 119:106

Angermarikpunga malligomavaralo, idluarnivit idluarijangit torᴋoromagapkit.

Imgerut 119:115

Aularitse uvamnit kassêtose; Gûdima perᴋojangit nâlagomavakka.

Imgerut 141:4

Omattiga ᴋajungertiniarnago sunamut idluitomut, Gûdeᴋangitut illusingit attorlugit idluitullijut illagilugit, nerrerᴋonanga taipkoa oêrijanginnit.

Salomob Okâl 23:3

Ikligungniarnak tapsoma nerᴋiksanginnik mamadlartunnik, nerᴋiksat tapᴋoa nellangaidlarmatta.

Daniel 1:5

Ataniublo tâpkoa niᴋiksaᴋartipait ᴋaut tamât uvlub piksanganik ataniub mamagijanganit, vainimiglo ataniub imiksanganit, inugoijauᴋovaillo jârit pingasut nâvlugit; jârit tâpkoa nâkpatta kivgartortuksauᴋovlugit ataniub sângani.

Daniel 5:4

Vainitorput, nitorpaillo gudingoat goldimit silbirimillo, ᴋaᴋorlimit, kikiangmillo, ᴋijungmit, ujarᴋanillo sanamajut.

Apostelit Piniarningit 11:23

Tâmna tagvunga pigame, Gûdiblo saimanersoanga misigileramiuk, ᴋuviasulerpok kaiblarlugillo tamaita pivait, ômamut ilûnânut nipingatsainarᴋovlugit Nâlekamut.

Apostelit Piniarningit 15:20

Aglagvigilugille Gûdeungitut salumainarninginik perᴋonagit, arnaniarᴋonagillo anguniarᴋonagillônêt; ipimajomiglo aungmiglo nerriᴋonagit.

I Korintemiunut 7:37

Kinale ômamigut kajusimagune, (agviaruteᴋarane issumaminik piniarungnarame); ômamine issumasimagune (panine) uigasuk aipaitôᴋovlugo, idluartomik pivok.

II Korintemiunut 9:7

Ilûnatik issumamignik tunijilit; ᴋuviasugatiungitoᴋ, perᴋojautuinarnermullônêt pinatik; ᴋuviasuklune tunijijoᴋ Gûdib naglingmago.

Deuteronomy 32:38

Nerrijut tunergutingita toᴋotaujut tunnuanik, imertullo tunergutingita imiksat vaininganîk? Tâpkoa makitarlit ikarjorluselo, tâpkoa serngnigilise.