Daniel 1:7 - Labrador Inuttitut Heritage Bible

⁷ Aipaitôᴋojaujullo angajoᴋângata attitârtipait; Danielelo atsirarpâ Beltesasaremik, Hananialo Sâdrakemik, Misailelo Mîsakemik, Asarialo Abednegomik.

Daniel 1:7 Iomraidhean Croise

Genesis 41:45

Faraublo Josefe atserarpâ: Sapnat-panîamik, nuliaᴋartipâlo Asnatemik, ajoᴋertuijub Onemêtub Potiferab paninganik. Tagva Josefib Egiptene takojartorpâ.

II Atannit 23:34

Faraublo Nechob Eliakime Josiab erninga atanningortipa atâtanga innangêrlugo, atingalo ablatsangortipa Jojakimemut. Joahasele neksarpa, âlâlo Egiptenemut, tagvane toᴋolaukpok.

II Atannit 24:17

Babelemiullo atanningata Methanja, akkanga atanningortipa innangêrlugo, atingalo ablatsangortipa Zedekiamut.

Daniel 1:19

Ataniublo oᴋaᴋatigivait, ilûnatiglo akorngani naipitaujoᴋangilaᴋ Danielitut Hananiatullo Misailetullo Asariatullo; taimaimat tâpkoa ataniub sângani ᴋikarᴋojauvut.

Daniel 1:3

Ataniublo Aspinâsi, aipaitôᴋojami angajoᴋângat, oᴋarvigivâ itititsiᴋovlugo Israêlib ᴋitorngangita ilanginik, tagva ataniub kivgangita iᴋanartullo ilanginik;

Daniel 10:1

Koresib, Persiamiut ataningata, jâringita pingajuani oᴋausiᴋ nalonaijartauvoᴋ Danielimut, Beltesasarimik atsirataujomut; oᴋausilo miksiᴋârtôvoᴋ, tamadja sorᴋsungnisoarmik; tâpsomalo oᴋausiᴋ tukkisilugo takotitjut ipaksigivâ.

Daniel 2:26

Atanerublo akkivâ, Danielilo, Beltesasarimik attipsâlik, oᴋautivâ: Igvit nalonaijaivigijungnarpingâ sinnartômanimik takojamnik tukkigijanganiglô?

Daniel 2:49

Danieliblo ataniᴋ ᴋinuvigivâ, Sâdrakilo Mîsakilo Abednigolo aulatsijungortipait Babilonib nunangata pijaksanginik; Danielili ataniub itiviksoanganêtuarpoᴋ.

Daniel 4:5

Takovunga sinnartômanimik ᴋoaᴋsârûtigijamnik; issumaliornimalo iglimnêtilunga niaᴋumalo takotitjutigijangita ulapipânga.

Daniel 4:8

Kingornganili Danieli itipoᴋ najugamnut, Beltesasarimik attilik, gudima attinga maliklugo, ilumilik Gudit ivsornaitoᴋsôjut anininganik; sinnartômanilo unipkautigivara tâpsomunga, oᴋarlunga:

Daniel 5:12

Aniniᴋ opinartoᴋ, ilisimanilo, issumatonilo, nalonaijainilo sinnartômanirit tukkigijanginik, nalonartuniglo nalonaijainiᴋ, ilaᴋudjârnilo ilaᴋêmajunik naipitaungmatta Danielimi tâpsomani, ataniub atsirartangani Beltesasarimik; tagva mâna Danieli ᴋaiᴋojauli, tâpsomalo tukkigijanga nalonairniarpâ.