Daniel 1:20 - Labrador Inuttitut Heritage Bible

²⁰ Sumiglo ilisimanimiglônêt silatunimiglônêt pijariaᴋartunik ataniub apitsoramigit, tamaini malugivait 10-ertorlutik ilisimanisaungmatta ilisimajunit angakonillo tamainit ataniovingminêtunit.

Daniel 1:20 Iomraidhean Croise

Genesis 31:7

Atâtaptigle uiverivânga, akkilertaugiaralo tellimaujortorlune ablatsautipâ; kissiane Gûdib asseroitailitipâ uvamnik.

Genesis 41:8

Kaulermalle, tarnimigut issumajârpoᴋ, tiliklerporlo ᴋairᴋovlugit aglangnik illisimajut tamaita, sillatujullo tamaita Egiptenemêtut, sinnaktômanerijanelo unipkautigivait tâpkonunga. Kissiane nallonaijaijungnartoᴋalungilaᴋ tamakkoninga Faraomut.

Nehemia 4:12

Judille taipkoa saniane nunaᴋalauktut, tikkimatta oᴋautilutalo tamattominga, tallimaujortoêrtorlutik aglât, inninit nunagijamingnit tamainit avatiptingne;

Hiobe 19:3

Mânna tallimaujortoertorluse mittautigilaukpapsinga, kangusuktaililuselo avavâtinapsinga.

Imgerut 119:99

Kaujimanersauvunga ajochertortimnit tamainit; kigligiutsinitit issumaksarsiorutigigapkit.

Exodus 7:22

Egiptenemiullo ilisimajoᴋotingit aglangnik taimailiorivuttauk angakonermingnut. Taimaimat Faraub ômatinga mangaitilerpok tusaromangilaglo, sorlo Nâlegak oᴋarmat.

Exodus 8:19

Tagva aglangnik ilisimajut oᴋarput Faraomut: Tamadja Gûdib aggangit! Farauble ômatinga mangaitilerpok tusaromangilaillo, sorlo Nâlegak oᴋarmat.

Exodus 8:7

Aglangniglo ilisimajut taimailiorivuttauk angakonermingnut, narrâjit timuartilugit Egiptenemiut nunanganut.

Jesaiase 19:3

Egiptenemiullo maksoaningat pêromârpoᴋ illunginit, kajusimaningillo nungutitsomavakka. Tagva Gûdingoat appertsoromârpait nallautainerluktullo angakkullo pijomârtuksaniglo oᴋasôngojut.

Hesekiel 28:3

Ahâk, ilisimanersauvotit Danielemit; nelonartoᴋangilaᴋ ijerungnartanginik ilingnit;

Daniel 1:17

Inôsuktulli tâpkoa sitamat Gudib silatutilugillo poᴋitipait aglalerinini tamaini ilisimanimilo: Danielilo tukkisivoᴋ takotitjutinik sinnartômaniniglo tamainik.

Daniel 2:13

Piᴋojaᴋ tagva ᴋaujijautitauvoᴋ, ilisimajullo toᴋotaksauᴋojauvut; Danielilo ilangillo ᴋinipait toᴋotsomavlugit.

Daniel 2:21

Tâpsoma naliunirit iliorviksallo ablatsângortipait; atanît pêjarpait, atanîllo ilivait; ilisimaniᴋ tunivâ ilisimajunut, silatunilo tâpkonunga silatunimik ᴋaujimajunut;

Daniel 5:17

Tagva Danieli kiovluni ataniub sângani oᴋarpoᴋ: Tunigutitit pigituinarkit, akkiliutigijomajatillo assimnut tunikit; aglaᴋsimajulli atuaromavakka atanimut, nalonaijaivigivlugolo tukkigijanganik.

Numbers 14:22

Inuit makkoa ilûnatik tautulauᴋtut ânanaunimnik nelunaikutamniglo piniartamnik Egipteneme sunaᴋajuitomelo, 10ertorlutigle pikablâviᴋartut uvamnik, nipigalo nâlengnago;