Daniel 1:17 - Labrador Inuttitut Heritage Bible

¹⁷ Inôsuktulli tâpkoa sitamat Gudib silatutilugillo poᴋitipait aglalerinini tamaini ilisimanimilo: Danielilo tukkisivoᴋ takotitjutinik sinnartômaniniglo tamainik.

Daniel 1:17 Iomraidhean Croise

I Atannit 3:12

Ahâk tagva oᴋautsitit malliklugit pinniarpunga. Ahâk omamik illisimajomik, sillatôjomiglo tunnitsivigimavagit, illiktut îtoᴋalaungimat sivunerne, pittaᴋarniangimallo kingunerne.

I Atannit 3:28

Idluarsainerlo tamânna, atanniub attorlauktanga tusaumajaulerpok Israelitit ilûnnnamasianginut, atannerlo sivoragivât; takkogamik Gûdib ilisimaninga tapsomanêmat, idluarsainermik attorlune.

II Kronika 1:10

Tagva manna tunnitsivigilaunga sillatunermik, illitarksinermiglo, innugasaksuit tapᴋoa sângine anniᴋovlunga itterᴋovlungalo; kiale ukkoa innugasaksoaᴋotitit idluarsarungnarᴋagit?

II Kronika 1:12

Tagva sillatunermik illitarksinermiglo tunnitsiviomavotit; tamakkoalo tappilugit akluinermik, perᴋutiniglo, nertortaunermiglo tunnitsivigijomavagit, attannît akkorngane adseᴋalauᴋonak sivunerne, kingunernelo, pittaᴋarᴋonaglonêt.

II Kronika 26:5

Gudelo ᴋennerpa taimak akkunêrtigijomik Sacharja, tukkisijok Gudib takkotitanginik, innôtillugo; taimaglo akkunêrtigijomik Nalegak ᴋennerlaungmago, Gudib sullidlarᴋolaukpa.

Hiobe 32:8

Annernerle inungmêtok tâmnauvok, ajugaᴋangitublo annerningata sillatutipait.

Salomob Okâl 2:6

Nâlegak ilisimanermik tunnijingmat; tapsoma ᴋaninganit illitarksinek silatunerlo pivuk.

Okaluktok 2:26

Inuk nâmagijane tunnitsivigingmago ilisimanermik sillatunermiglo ᴋuviasungnermiglo; ajortorle tunnitsivigivâ siorniornermik kattersuikovlugo ᴋallerêktitsilunelo, tunijaukovlugille sulle tâpsomunga Gûdib nâmagijanganut. Tamanna sullinginiogivok, ogguarnarniolunelo.

Jesaiase 28:26

Tagva illũnaita nãmaktomik piniarvigivait, ajoᴋertortangame Gûdiminut.

Hesekiel 28:3

Ahâk, ilisimanersauvotit Danielemit; nelonartoᴋangilaᴋ ijerungnartanginik ilingnit;

Daniel 1:18

Uvlullo ataniub piᴋojijutigijangit tâpkoa saᴋᴋijârtitaugianginut nângmatta, aipaitôᴋojaujut angajoᴋângata ititipait Nebukadnezarib sânganut.

Daniel 1:20

Sumiglo ilisimanimiglônêt silatunimiglônêt pijariaᴋartunik ataniub apitsoramigit, tamaini malugivait 10-ertorlutik ilisimanisaungmatta ilisimajunit angakonillo tamainit ataniovingminêtunit.

Daniel 1:4

Inôsuktunik ᴋanoingitsiartunik takominartuniglo, issumagiktunik, ilisimajuniglo, silatojuniglo, poᴋituniglo, ilusitsiariktuniglo sapilungitunik kivgartornimik ataniub iglungani; ajoᴋitoraksaringmagillo Kaldêarit aglanginik oᴋausinginiglo.

Daniel 10:1

Koresib, Persiamiut ataningata, jâringita pingajuani oᴋausiᴋ nalonaijartauvoᴋ Danielimut, Beltesasarimik atsirataujomut; oᴋausilo miksiᴋârtôvoᴋ, tamadja sorᴋsungnisoarmik; tâpsomalo oᴋausiᴋ tukkisilugo takotitjut ipaksigivâ.

Daniel 2:19

Tagva nalonadlartoᴋ tamanna nalonaijartauvoᴋ Danielimut takotitjutikut unnuarmi. Danieliblo ᴋilaub Gudinga nakoridlarpâ.

Daniel 2:21

Tâpsoma naliunirit iliorviksallo ablatsângortipait; atanît pêjarpait, atanîllo ilivait; ilisimaniᴋ tunivâ ilisimajunut, silatunilo tâpkonunga silatunimik ᴋaujimajunut;

Daniel 2:23

Kujagivagit nakorilutillo, igvit atâtagilauᴋtama Gûdingat, tunitjivigigamga ilisimanimiglo pitsartunimiglo, mânalo nalonaijaivigigamga ᴋinuarijaptingnik ilingnit; nalonaijaivigigaptigut ataniub pinganik.

Daniel 2:30

Uvangali pivlunga, nalonartoᴋ tamanna nalonaijartaulungilaᴋ uvamnut ilisimaniᴋarnisaugama inôjunit tamainit, imâgli pivlugo, tukkigijanga nalonaijartauᴋovlugo atanimut, ᴋaujimaᴋovlutillo ômativît issumanginik.

Daniel 4:6

Tamanna pivlugo piᴋojivunga Babilonib ilisimajungit tamaita itititauᴋovlugit najugamnut, nalonaijaiᴋovlugit uvamnut sinnartômanirub tukkigijanganik.

Daniel 5:14

Tusaumavagit gudit aniningat ilumigigangni, ᴋaumarsartaunilo, issumatonilo, silatunilo piojoᴋ naipitaungmatta ilingni.

Daniel 7:1

Belsazarib, Babilonib ataningata, jâringita sivorlipângani, Danieli sinnartômavluni takotitjumik takovoᴋ niaᴋomigut, iglimini inangagami: sinnartômaniᴋ tagva aglagutigivâ, pijoᴋartullo unipkautigilugit.

Daniel 8:1

Ataniub Belsazarib atanioningata jâringita pingajuani takotitjut saᴋᴋipoᴋ uvamnut Danielimut, sivorngani uvamnut saᴋᴋitûb kingorngani.

Numbers 12:6

Tâmnalo oᴋarpoᴋ: Oᴋausikka tusarsigik; nelautaijoᴋarpat akunapsingne, uvanga Nâlegaujunga nelonaijaromavunga uvamnik tâpsomunga takotitjutikut, oᴋarvigijomavara sinnartomanekut.

Lukase 21:15

Uvanga ᴋanermik ilisimanermiglo tunitjivigijomavapse, ômigijise ilûnaita kionermik akkerartornermiglo ilipsingnut sapilertilugit.

Apostelit Piniarningit 6:10

Sillatuningalo anernerlo oᴋâlajutigijanga akkerartorungnangilaᴋit.

Apostelit Piniarningit 7:10

Piulivlugolo kappiasungninginit tamainit, saimartilâllo silatutipâ Faraub Egiptenemiut ataningata sângane; tâpsoma angajoᴋângortipâ Egiptenemiunut, iglominêtunullo ilûnainut.

Apostelit Piniarningit 7:22

Môseselo ajoᴋertortaulerpok Egiptenemiut ilisimaninginik tamainik, pitsartudlalilarmelo oᴋautsinik piniarnerniglo.

Kolossamiunut 1:9

Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.

Jâkobusib 1:17

Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.

Jâkobusib 1:5

Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.