Apostelit Piniarningit 1:3 - Labrador Inuttitut Heritage Bible

³ Aniatitaunerme kingorngane taipkonunga sakᴋerᴋattarpok ômardlune, okpernartut unuktut piniarlugit, takotidlunelo taipkonunga uvlut 40 it nâvlugit, oᴋaᴋatigilugillo Gûdib nâlegauvinganik.

Apostelit Piniarningit 1:3 Iomraidhean Croise

Apostelit Piniarningit 13:31

Uvlunelo unuktune takojauvok Galilêamit Jerusalemut majoraᴋatigilauktaminut; tâpkoa kigligiutsijoᴋotigivait inungnut.

Johannese 20:26

Uvlullo sitamaujortut nângmatta, ilinniartut ama ᴋamanêlerivut, Tômasiblo ilagivait. Jêsuse tikipok, upkuat parngnanairsimatilugit, akornganelo nangerpok oᴋarlunelo: Ulapirsauteᴋaritse!

I Johannesib 1:1

Issuanit-ilauktok, ijiptingnut takolauᴋtavut, ᴋimigolauᴋtavut, aggaptingmullo aktulauᴋtavut, tussalauᴋtavut, oᴋausiᴋ inôgutaujoᴋ (oᴋautigivavut ilipsingnut).

Johannese 21:14

Tamadja pingajuat Jêsusib sakᴋerlaungningita ilinniartiminut, toᴋungajunit makiningata kingorngane.

Johannese 21:1

Mattoma kingorngagut Jêsuse sakᴋerivok ilinniartiminut Tibêriasib teseksoangata seniane. Imailiorlunele sakᴋerpok.

Mattêuse 28:9

Ilinniartinginullo tamattominga oᴋariartortillugik, ahâk, Jêsusib pâkpak, oᴋaudlugiglo: Salutitauleritik! Tâpkoalo tikipâk, itigangillo aktorpait, pâmakterlutiglo sânganut.

Apostelit Piniarningit 28:31

Gûdib nâlegauvinganik oᴋâlavlune, Nâlekamiglo Jêsusemik ajoᴋertuivok (inungnik) sivôranane inertertaunanelo.

I Tessalônikamiunut 2:12

Kigligiutjigaptalo Gûdib nâmagijanganut arvertarᴋovluse, ᴋaiᴋojilauᴋtub ilipsingnik nâlegauvingminullo ânanauvingminullo.

Kolossamiunut 1:13

Piulilaungmatigullo tâktub pitsartuninganit, nuktertilutalo Ernerme erdligijame nâlegauvinganut.

Rômiunut 14:17

Gûdib nâlegauvingata ilinganinga nerrinionanelo imerniongilaᴋ, idluarniovorle ulapirsautaularmelo ᴋuviasungniolunelo Anernerme ajunginerme.

Mattêuse 21:43

Tamanna pivlugo oᴋautivapse: Gûdib nâlegauvia aᴋsârnigaujomârpok ilipsingnit, tunijauvlunalo nalojunut paunganginik ᴋaitsijunut.

Deuteronomy 9:9

Taipsomane ᴋakᴋamut majorarsimatilunga aglagvîk ujaraujûk tigujomavlugik, tagva aglagvîk Nâlekab angerᴋatigêngneliarimajangata ilipsingnut aglaksimaviak, ᴋakᴋamêlauᴋpunga uvlunik 40nik unnuaniglo 40nik; nerᴋiksamik nerrinanga imiksamiglo imernanga.

Mattêuse 4:2

Uvlunalo 40 ine unnuanalo 40 ine nerringiname, kâlerpok.

Mattêuse 3:2

Oᴋarlunalo: ᴋaᴋialeritse, nâlegauvik ᴋilangmêtok ᴋanitomut tikisimangmat.

I Atannit 19:8

Makkiporlo, nerrilunelo imerlarmelo, pisukporlo nerᴋiksab tamattoma nakkoksititsininganut, uvlut 40 git unnuallo 40 git nâlugit, Gûdib ᴋakᴋanga Horebe tikkilugo.

Deuteronomy 9:18

Pâmakterpungalo Nâlekab sângane, sorlo sivorngane pilaurama, uvlut 40 unnuallo 40 nâvlugit; nerᴋiksamik nerringilanga imiksamiglo imingilanga; idluinise tamaita idluitulinerijase pivlugit, idluitomik piniarapse Nâlekab takkoane, tâmna ningarsârlugo.

Markuse 16:19

Nâlekablo taimâk oᴋautilauramigit, ᴋongmuartitauvoᴋ ᴋilangmut, ingitsartorlarmelo Gûdib talerpiata tungânut.

Apostelit Piniarningit 8:12

Filippusible oᴋâlaninginik Gûdib nâlegauvinganik Jêsusiblo Kristusib atinganik okpileramik, baptitaulerput angutillo arnallo.

Apostelit Piniarningit 19:8

katimavingmullo iterpok, oᴋâlavlunelo sivôranane takᴋinik pingasunik, kajungersarlugillo ajoᴋertorpait Gûdib nâlegauvinganik.

Apostelit Piniarningit 28:23

Uvlormiglo taingmatsuk, (naliutingmat) unuktut pulârpât siniktarviane; tâpkoninga ajoᴋertuivlune oᴋâlavok Gûdib nâlegauvianik, ajoᴋertorlugillo Jêsusemik, Môsesib perᴋojanginit nalautaijunillo, uvlâmit unnungmut.