Amos 9:9 - Labrador Inuttitut Heritage Bible

⁹ Tagva ahâk, perᴋojijomavunga, Israêliblo ᴋitorngangit aulajârtitsomârpakka inôᴋatigêksuit ilûnatik akorngane, sorlo sanaugaksat aulajârtitaungmatta killapatâme, atausiarsuglônêlle nunamut katangniangilak.

Amos 9:9 Iomraidhean Croise

Jesaiase 27:12

Taipsomane Nâlegaᴋ katjugomârpoᴋ sullugainernik kôksûb kiglinganit Egiptenib kôksoanga tikkidlugo; illipselo, Israêlikkut, nallekârluse kattititaujomârpose.

Jesaiase 28:28

Kaᴋᴋôjaksat tullertaugalloarput, kissianele soraijuitomik tullertaulunginivut; ᴋammutinut aksalloalingnut horsinullo ᴋângagôrviogalloarlutik serᴋalijaummarilungilat.

Jesaiase 30:28

Anerningalo kôksoatut-ipoᴋ kutjertotut, inûb ᴋungasinganut tikkidlune, nallojut siamartillugit poagitemut asserornartomut, nunaᴋatigêksuillo erᴋimiutaᴋartillugit noᴋilautemik tammanartomik.

Jeremia 31:36

Aᴋiksortaumajut makkoa sorairpatta sâmne, oᴋarpoᴋ Nâlagaᴋ, tagva Israêlib kinguvângit sorairtuksaujomârivut inôᴋatigêngojungnailutik sâmne issoᴋangitomut.

Jeremia 46:28

Sivôranak, Jâko kivgara, oᴋarpoᴋ Nâlagaᴋ, ilagigapkit; inôᴋatigêksuit ilûnaita ajaktortauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagille.

Jeremia 49:36

Elamemullo tikiutitsomavakka anorit sittamat ᴋilaub issunginit sittamanit, anorinullo tâpkonunga tamainut siamartitsomavakka; inôᴋatigêksoaᴋarniangilarlo tikitaulungitunik Elamemit ᴋemâtitaujunut.

Hesekiel 20:38

Akunapsingnillo pêjaromavakka nâlegungnaitut tapatojullo uvamnik; anititsomavakka nunamit tujormivigijanginit, itertuksaungilalle Israêlib nunanganut; ᴋaujijuksauvoselo uvangaugama Nâlegaᴋ.

Hesekiel 36:19

Siamartilauᴋpakkalo inôᴋatigêksuit akornganut, siamartilauᴋpullo nunanut: apᴋutingit piniarningillo maliklugit erᴋartulauᴋpakka.

Hesekiel 39:28

Kaujijuksaulârpullo uvanga Nâlegaᴋ Gudeogama tapkonunga, aularutijautilaurapkit inôᴋatigêksoarnut, katersormigapkillo nunanganut; tâpkonangallo atautsimiglônêt ᴋemaijomângilanga tagvane.

Hesekiel 5:10

Taimaimat angajoᴋât nerrijomârput ᴋitorngamingnik ilingne, ᴋitorngallo nerrijomârput angajoᴋâmingnik; erᴋartuinikkalo piniaromavakka ilingne, amiakotillo tamaita siamartitsomârpakka anorinut tamainut.

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Lukase 22:31

Nâlegarle oᴋarpok: Simon, Simon, ahâk Sâtanasib pijomagalloarpâse sannêjaromavluse sorlo ᴋakᴋôjaksatitut.

Deuteronomy 28:64

Nâlekablo siamartitsomârpâtit inôᴋatigêksuit akorngane nunab issuanit aipânit nunab issuanut aipanganut; tagvanelo Gûdib assingit, igvit atâtagijavîllônêt ilitarilaungitase, kivgartulârpase, ᴋejuit ujargallo.