Amos 9:8 - Labrador Inuttitut Heritage Bible

⁸ Ahâk, Nâlekab Nâlegaujûb ijingita nâlegauvik ajortolik takonârpât, pêjaromavaralo nunab ᴋânganit; Jâkob kinguvângit kissimik nungumarigomângituinarpakka, oᴋarpok Nâlegak.

Amos 9:8 Iomraidhean Croise

Genesis 6:7

Nâlegarlo oᴋarpoᴋ: Inuit pingortitakka pêjaromavakka nunamit inuillo nergjutillo pâmgortullo tingmitjallo aglât ᴋilaub atânêtut, ᴋaᴋᴋialerama pingortigapkit.

Genesis 7:4

Uvlut sepat nâkpatta, uvlut 40 unnuallo 40 nâvlugit sillalurᴋojijomârpunga nunamut, nunamit pêjaromavlugit ômajut tamaita pingortitakka.

I Atannit 13:34

Tamânnalo illingalaukpok Jerobeamib iglungata idluitullininganut, asserortauᴋovlugo pêjartauᴋovlugolo nunamit.

Salomob Okâl 15:3

Nâlekab ijingit ilûnanêmiunik tautukput, ilûnainik idluitunnik idluartunniglo.

Salomob Okâl 5:21

Ilûnâmasiatik atunît apᴋotingit Nâlekab ijikita sangangnêput, ainingillo tamaita nautsertorpait.

Jeremia 30:11

Ilingnênama, oᴋarpoᴋ Nâlagaᴋ, piulijomavlutit; inôᴋatigêksuit ilûnaita siamangatitauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagillo.

Jeremia 44:27

Ahak, kamagijomavakka idluitomut, ajungitomu-ungitorlo; Judablo inungit ilûnaita nuname Egipteneme nunaᴋartut nungutaujuksauvut saviksoarmut kângnartoᴋsoarmullo nungumariᴋârtinagit.

Jeremia 46:28

Sivôranak, Jâko kivgara, oᴋarpoᴋ Nâlagaᴋ, ilagigapkit; inôᴋatigêksuit ilûnaita ajaktortauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagille.

Jeremia 5:10

Majoraritse ᴋarmaᴋsoanginut, asseroiluselo; nungumariniarasigigle; akkerungit (ᴋitorngangit) aularutisigik; pêrᴋutaungimatta Nâlakamut.

Hosea 1:4

Nâlekablo oᴋautivâ: Jesreelemik atseraruk; mânakut Jesreelib aunga akkiniarutigijomagapko Jehub kinguvânginut, Israêliblo ᴋitorngangita ataniovingat sorairtitsomavlugo.

Hosea 1:6

Taimnalo singailerivoᴋ, paningmiglo ernivoᴋ. Nâlekablo oᴋautivâ: Atseraruk Lo-ruhamamik: Israêlib ᴋitorngangit nâpkigojomairapkit, issumagijungnaivigijomangimarikpakkalo.

Joel 2:32

Imaitsomârporlo, neliaᴋ Nâlekab attinganut ᴋiagarsuktoᴋ piulijaujomârpoᴋ: ᴋaᴋᴋame Zioneme Jerusalememelo piulijauviksaᴋaromârpoᴋ, sorlo Nâlegaᴋ oᴋarsimangmat, amiakôjunelo Nâlekab ᴋaiᴋojangine.

Amos 3:12

Imâk oᴋarpok Nâlegak: Sorlo mianersijûb okpatîk maggûk siutib ilangalônêt piulingmagit loevib siggunganit, taimak piulijaulârput Israêlib ᴋitorngangit iksivajut nalangaviub terreᴋoane sinigviublo akkitingine piojune Samariame.

Amos 7:17

Tamanna pivlugo imâk oᴋarpok Nâlegak: Nuliat anguniarpaktungoromârpok iglugasaksoane, ernitillo panitillo saviksoarmut toᴋotaujomârput, nunalo avgortaujomârpok ôktûtemut; igvillo nangminek toᴋolârpotit nuname ivsornartome, Israêlelo aularutijaujomârpok nunaminit.

Amos 9:10

Inuᴋotima idluitulijungit ilûnatik toᴋotaulârput saviksoarmut, oᴋartut: Idluinerub anguniangilâtigut agviarniangilâtigullônêt.

Amos 9:4

Omigijimingnullo aularutijaugaloarunik, tagvangat saviksoak perᴋojomavara, tâpsomalo toᴋolârpait; ijîkalo tâpkonunga sangutitsomavâka ajortomut, ajungitomiglo pinanga.

Deuteronomy 4:31

Nâlegak Gûdît Gûdeongmat nâpkigosuktok; tâpsoma ᴋujanârutiginiangilâtit asserorniangilâtillônêt, puigorniangilarlo angernermik angerutigilauᴋtaminik atâtagijarnut.

Deuteronomy 6:15

Nâlegak Gûdît akunapsingnêtok Gûdeongmat ilungertortok; Nâlekab Gûdivît ningarninga ilingnik katsungailiaᴋiᴋonago, pêrᴋsiᴋonagolo ilingnik nunab ᴋânganit.