Amos 9:4 - Labrador Inuttitut Heritage Bible

⁴ Omigijimingnullo aularutijaugaloarunik, tagvangat saviksoak perᴋojomavara, tâpsomalo toᴋolârpait; ijîkalo tâpkonunga sangutitsomavâka ajortomut, ajungitomiglo pinanga.

Amos 9:4 Iomraidhean Croise

Genesis 44:21

Tagva kivgatit oᴋautivatit; Tamaungartisiuk uvamnut, takojomagapko.

II Kronika 16:9

Nalekab ijikita nunat illunaita tautungmattigik, pitsartutitsiᴋovlugo tapᴋoninga, omamut tamânut ungajunik tapsomunga. Sillaitomik pinniarlaukpotit; tamanna pivlugo mannamit unatadlartoᴋarniarpotit.

Imgerut 34:17

Ipkoa (idluartut) nipliaraikpatta, tagva Nâlegak tussarpok, piulilugillo ᴋanoêninginnit tamainit.

Exodus 14:24

Uvlârarsukullo pigârtib pigârvingane, Nâlekab Egiptenemiut sorsuktuksoaᴋotingit takonârpait nappajomit ikomamit nuvujamillo, siorniortipaillo Egiptenemiut sorsuktuksarsoaᴋotingit,

Jeremia 12:12

Asserorsaijut tikisimavut ᴋaᴋᴋanut merᴋuᴋangitunut tamainut sunaᴋajuitome, Nâlakab saviksoanga nungutsilermat nunab kiglingata aipânit nunab kiglingata aipanga tikidlugo, uvinilîllo naliallônêt ulapirᴋsauteᴋangilat.

Jeremia 21:10

Kênara sangutisimagapko iglugasaksoarnut makkonunga kapiasuktitsomavlugit, idluartulivigijomavlugi-ungitoᴋ, Nâlagaᴋ oᴋarpoᴋ; tunijaujuksaungmatta Babilonib ataningata agganginut, tâpsomalo ikilârpait ikomamut.

Jeremia 24:6

Ijîkka torârtitsomavâkka tâpkonunga ajungitulivigijomavlugit, utertitsomavakkalo nunamut mattomunga; âᴋiksoromavakkalo serᴋominagillo, perortitsomavakka nussungnagillo.

Jeremia 39:12

Tiguguk, pairitsiarlugolo, pikaluktaililugolo; piniarvigiugle sorlo tâpsoma oᴋautiniarmatit.

Jeremia 39:16

Oᴋariartorit Ebed-mêlekemut Etiopiamiomut, oᴋarlutit: Ahâk, oᴋausikka nalautsititsomavakka iglugasaksoarnut ukkununga idluiᴋutiksamut idluarᴋutiksamu-ungitorlo; sulilârpullo sângne uvlorme tâpsomane.

Jeremia 44:11

Taimaimat imâk oᴋarpoᴋ Nâlagaᴋ Zebaot, Israêlib Gudinga: Ahâk, kênara ilipsingnut sangutitsomavara idluitomut, Juda ilûnât nakatsomavlugo aglât.

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Hesekiel 5:2

Tâpkoa pingajuangit ikomamut ikitaksarivatit iglugasaksuit ᴋerᴋane, ilumajauningita uvlungit nâmaksikpatta: ama pingajuangit tigulârpatit serᴋalilugillo saviksoarmut; pingajuangillo tiktautilârpatit anoremut, uvangalo tâpkoa udlalugit saviksoaᴋ amujomavara.

Leviticus 17:10

Inuillo naliat Israêlib ᴋitornganginit, ilagingitapselônêt akunapsingnêtut naliat auktortok; kênara sâtitsomavara tarnelingmut tâpsomunga auktortomut, avigomavaralo inôᴋatime akornganit.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Amos 9:8

Ahâk, Nâlekab Nâlegaujûb ijingita nâlegauvik ajortolik takonârpât, pêjaromavaralo nunab ᴋânganit; Jâkob kinguvângit kissimik nungumarigomângituinarpakka, oᴋarpok Nâlegak.

Saggaria 8:10

Uvlut tâpkoa sivorngane inuit ikajûseᴋalaungilat, nergjutillônêt ikajûseᴋalaungilat; anijullo itertullônêt ulapirksauteᴋalaungilat, ômisukte pivlugo; inuit ilûnaita ômigijigêktilaurapkit.