Amos 9:1 - Labrador Inuttitut Heritage Bible

¹ Nâlegak takolaukpara tunerguserviub ᴋângane nangertoᴋ: oᴋarporlo: Annaulerkit napajut nuvungit, tungavingit sajuᴋovlugit; serᴋomilugillo ilûnaita niaᴋungitigut; kingorlingit tagva toᴋotsomavakka saviksoarmut; atautsemiglônêt tagva ᴋemâjoᴋarniangilak, atauserlônêt anigoiniangilak.

Amos 9:1 Iomraidhean Croise

II Kronika 18:18

Tamnale oᴋarpok: Tamanna pivlugo Nalekab oᴋausingit tussarsigik: Nalegak takkolaukpara iksivatillugo iksivautaksoarmine, ᴋillangmiugasaksuillo illunamasiatik nangertillugit tallerpiane saumianelo.

Imgerut 68:21

Gûdible ômigijime niaᴋungit egilugit serᴋomitsomârpait, tâpkoa ᴋabsingit, agvertaranertut passijaksaunermingne.

Imgerut 68:22

Nâlegak oᴋarpok: Basanemit uttertitsomavakka; uttertitsomavakka imarbiksub ittininginnit.

Jesaiase 30:16

Oᴋauseᴋarposelo: Aukak, horsit attorlugit ᴋemâlauᴋta! tamanna pivlugo ᴋemâjuksauvose. Ammalo: Kamêlelijarta pangaliktunik! tamanna pivlugo unangmijise pangaligomârput.

Jesaiase 6:1

Jareme taipsomane, attaneᴋ Usia toᴋongmat, Nâlegaᴋ takkovara iksivajoᴋ iksivautaᴋsoarme ᴋotsiktome poᴋtojomelo, annorângatalo siningata igloᴋsoaᴋ ullikpâ.

Jeremia 11:11

Taimaimat imâk oᴋarpoᴋ Nâlagaᴋ: Ahâk, ogguarnartomik tikiutjijomavunga tâpkonunga, ᴋemâjungnangitanginik; nipliaviginiarpângalo tusaromangilakkale.

Jeremia 42:16

Tagva saviksûb sivôragijapse angujomârpâse taikane nuname Egipteneme, kângnartoᴋsûblo kapiasûtigijapse udlalârpâse taikane Egipteneme; taikanalo toᴋojomârpose.

Jeremia 48:44

Kemâjoᴋ erᴋsinartomit katagomârpoᴋ itersâlungmut, ᴋaᴋᴋijorlo itersâlungmit pijaulârpoᴋ nigamut; Moabemut tikiutjijomârama nalipsartauvingata jâringanik, oᴋarpoᴋ Nâlagaᴋ.

Hesekiel 1:28

Ajagutab nuvujanêtub silalungnerub uvlungane tautuatut, taimak ᴋaumajoᴋsoaᴋ avatâne tautuᴋarpoᴋ. Tamanna tagva Nâlekab ânanauningata adsingata tautua. Takogapkolo pâmangalerpunga, tusarpungalo oᴋartub nippinganik.

Hesekiel 10:4

Nâlekablo ânanauninga ᴋangatarpoᴋ kerubimit, iglub sânganut nûlune; iglolo tatatauvoᴋ nuvujamut, avaluliorsimajorlo tatatauvoᴋ Nâlekab ânanauningata ᴋaumajoᴋsôninganut.

Hesekiel 15:7

Kênaralo allartitsomavara tâpkonangat; ikomamit anigaloarunik ikomab sulle nungulârpait; ᴋaujijuksaulârposelo uvanga Nâlegaugama, kênara allarapko tâpkonangat.

Hesekiel 9:2

Ahâglo, angutit pingasojortut tikilerput itertarviub timerdliub avunga sangmijub apᴋutâgut, atunit tigumiarlutik sakkomingnik toᴋotsijûtinik; angulle atauseᴋ akuliovoᴋ tâpkonane ᴋaᴋortamik annorâlik, aglaktub pôᴋtanganik ᴋeterumiutalik. Iterpullo nangerlutiglo tunerguserviub ᴋaᴋorliub seniane.

Amos 3:14

Uvlorme akkiniariartoromavimne Israêlib tapaninginik tâpsomunga, Betelib tunerguservingit nelipsaromagivakka, tunerguserviublo nakjungit nakkataulârput nunamut kataklutik.

Amos 7:17

Tamanna pivlugo imâk oᴋarpok Nâlegak: Nuliat anguniarpaktungoromârpok iglugasaksoane, ernitillo panitillo saviksoarmut toᴋotaujomârput, nunalo avgortaujomârpok ôktûtemut; igvillo nangminek toᴋolârpotit nuname ivsornartome, Israêlelo aularutijaujomârpok nunaminit.

Amos 7:9

Israêliblo poᴋtoningit sunairutijomârput, Israêliblo ivsornaitovingit asserortaulârput; saviksoalijarlungalo Jerobeamib ᴋitorngangit pigiaromârpakka.

Habakûb 3:13

Anivotit inûᴋotitit piulijomavlugit, mingoartavît piulijauniksanganut; idluitûb iglungane niaᴋôjoᴋ nakalauᴋpat, tungavinga saᴋᴋijârtilugo ᴋongaseᴋ tikidlugo aglât. (Sela.)

Sefania 1:12

Pijoᴋalârporlo neliutome tâpsomane nanerusijarlunga Jerusalem nautsertoromârapko, pidlaromârpakkalo inuit kinganekumingne kingartut, ômatimingne oᴋartut: Nâlegak ajungitomiglônêt idluitomiglônêt piniaromângilak.

Sefania 2:14

Nergjutillo nujuartut akᴋorilârput tagvane, nergjutit adsigêngitut ilûnatik: tingmiat miagôrtut ilâᴋosîllo siniktalârput sukkaksoangita katigoliunganingine; nippingit tusartaujomârput igalânginit; aunek takuksaujomârpok upkoangita abloriangine: ikângit sidereojut ilupiarutaijartaulârmatta.

Johannese 1:18

Gûdemik takomajoᴋangilak. Ernetuab, Atâtab sarliartangata, tamattominga nelojungnaitilauᴋpâtigut.

Johannese 1:32

Johanneselo kigligiutjivok oᴋarlunelo: Takolauᴋpunga, Anernek akᴋarmat ᴋilangmit, tingmiatut Taubetut, tâpsomanêlerdlunelo.

Apostelit Piniarningit 26:13

Nagliktara atanek, uvlok ᴋeterarmat, apᴋomêtilunga, ᴋaumajok ᴋilangmit pijok takovara, seᴋerngub ᴋaumaninganit ᴋaumaluartok, tamattoma ᴋaumarsarpânga ingergaᴋatikkalo.

Josua 10:18

Josua oᴋarpok: Tagva ujaraksuit aksakartisigik ᴋairosub pânganut, anguteᴋarᴋojileritselo udsertortunik taipkoninga.

Takotitaunermik 1:17

Takolerapkolo, itiganginut ochovunga toᴋojotut; talerpingminulle patingmivlunga oᴋarvigivânga: Erᴋsiniarnak; uvanga sivorliovlungalo kingorliovunga,

Takotitaunermik 8:3

Engelillo tâpkoa asingat sakᴋerpok, Altârib sanianut pivlune, iluleᴋullo iserluanititsivik golde tigumiarpâ, unuktuniglo iserluanerutiksanik tunitsiviolerpok, tunijerᴋovlugo ivsornaitut ilûnatik tuksiarninginut, Altareme goldeme iksivautaᴋsûb sânganêtome.