Amos 8:9 - Labrador Inuttitut Heritage Bible

⁹ Imaitsomârporlo uvlorme tâpsomane, oᴋarpok Nâlegak Nâlegaujok; Seᴋinek nipitilârpara uvlub ᴋeterarningane, nunalo tâksilârpok uvlub ᴋerᴋane.

Amos 8:9 Iomraidhean Croise

Hiobe 5:14

Uvlôtillugo tâksiorᴋovlugit, uvlublo ketterarningane Tapsiᴋârᴋovlugit unnuametut;

Jesaiase 13:10

Kilaub uvloriangit siaktungillo ᴋaumanarungnairput, seᴋᴋinerlo târlune nuilerpoᴋ, taᴋᴋerlo ᴋaumangilaᴋ.

Jeremia 13:16

Opigijaunermik tunidjileritse Nâlakamut Gudipsingnut, Gude tâᴋsititsiᴋonago, itikaselo aporᴋonagit ᴋaᴋᴋane tâᴋsilertune; ᴋaumajoᴋsêtiluselo tâmna ablatsângortitsiᴋonago tamattominga toᴋub taggalininganut, tâᴋtoᴋsoangortilugolo.

Jeremia 15:9

Kitorngilauᴋtoᴋ 7nik anersaumilerpoᴋ, anernangerpoᴋ; seᴋᴋininga nippivoᴋ uvlôtilugo sulle; kangusudlalauᴋpoᴋ uimâlavlunalo; amiakungillo saviksoarmut tunijomavakka ômigijingita sângine, Nâlagaᴋ oᴋarpoᴋ.

Hesekiel 32:7

Kamikupkillo ᴋilak uligomârpara, uvloriangillo tâᴋtungorlugit; seᴋineᴋ uligomârpara nuvujanut, taᴋᴋiublo ᴋaumanine saᴋᴋijârtiniangilâ.

Amos 4:13

Tagva ahâk, tâmna ᴋakᴋanik sanajok, anoremik pingortitsijok, inungnullo nalonaijaijok issumagijanginik, uvlâmik tâktungortitsijok, nunablo poktoningine tullerajarijok: ate ᴋarpok Nâlekamik Gûdemik Zebaotemik.

Amos 5:8

ᴋenersiuk uvloritjanik killulerektunik siaktuniglo sanajok, toᴋub tagganganik ablatsangortitsijok uvlângordlugo, uvlorlo unnuaᴋtut tâᴋtungordlugo; ᴋaiᴋojijok imarbiub imanginik nunablo ᴋânganut kovilugit; Nâlekamik ateᴋartok;

Migga 3:6

Tamanna pivlugo unnuangolârpoᴋ ilipsingnut, takotitjuteᴋarungnaiᴋovluse; tâᴋtoᴋsôlârpoᴋ ilipsingnut, nalautaijungnarᴋonase; seᴋinerlo nipilârpoᴋ nalautaijunut, uvlorlo ᴋernersilârpoᴋ tâpkonunga.

Saggaria 14:7

Uvloinaujomârporle Nâlekab ilitarijanga; uvlôngitok, unnuangôngitorlônêt; unnuble naliutuksauningane ᴋaumajomârpok.

Mattêuse 24:29

Uvlulle taipkoa kappianartut kingorngatigut seᴋinerlo takᴋerlo ᴋaumajungnairomârpuk, uvloritjallo katagomârput ᴋilangmit, Kilaublo pitsartuningit aulataujomârput.

Mattêuse 27:45

Stundillo 6 inganit nuname ilûnâne tâᴋtoksôlerpok, stundit 9 ingat tikidlugo.

Markuse 15:33

Stundillo 6ingata kingorngagut nuname ilûnâne tâᴋtoksôlerpoᴋ stundit 9ingat tikilugo.

Lukase 23:44

Stundelo 6 olermat, nuname ilûnâne tâktoksôlerpok, stundit 9 ingat tikidlugo.

Takotitaunermik 6:12

Takogivunga, naᴋitjutit 6 ingat (Saugârsûb) angmarmago, ahâglo, nuna sajukpilâdlarpok, seᴋinerlo tâᴋtoksôlerpok pôksajatut merᴋunit senamajotut, taᴋᴋerlo auktun-ipok.

Takotitaunermik 8:12

Engelillo sitamangat tiptulausijarivok. Seᴋinek tagva pingasuililugo pingajuat, takᴋerlo pingasuililugo pingajuat, uvloritjallo pingasuililugit pingajuingit tâᴋtoksôlerput, uvlub ᴋaumaninga pingasuililugo pingajuat pêrlugo, unnuarlo taimainivok.