Amos 8:10 - Labrador Inuttitut Heritage Bible

¹⁰ Uvloksiorviselo ablatsangortitsomârpakka kiksarnartovingortilugit, imgerutiselo ilûnaita ogguarutinut; makitiselo ilûnaita atititsomârpakka pôksajavinernik, niaᴋullo tamaita nujairlugit; ilingatitsomârparalo sorlo ernetuak oggorijaungmattut, nâningalo uvloktut allianaidlartotut.

Amos 8:10 Iomraidhean Croise

Genesis 21:16

Ailunelo ᴋargjub tupvingatut ᴋaningitigijomik, akkianut ingilerpoᴋ, oᴋarame: Nukapiab toᴋolerninga takolugo sapperpara. Akkianut ingilerpoᴋ, nipliadlarlunelo ᴋeavoᴋ.

Hiobe 20:23

Natjak atausiarlutik tatalerniarpûk; Gûdib ningarnime ilûngertudlarninga tilliniarpâ tâpsomunga, sillalugvioᴋoniarpa tamattomunga nerrimârtillugo.

Hiobe 3:5

Târnerub tacharnerublo sâlagilikko, nuvujallo ivjojut ᴋânganêtsainarlit, pujublo uvlôtillugo takkoranêtiliuk.

Hiobe 30:31

Harfekotiga, ârusungningorpok, nipsauteᴋotigalo ᴋêangningorpok.

Jesaiase 3:24

Tagva tippitsiariksauteᴋarungnairlutik aunersungnitoᴋaromârput, tapseruteᴋarungnairlutik aklunâvineᴋaromârput, nujaᴋarungnairlutik âᴋiksimatsiartunik nujaᴋangitomik kabjeᴋaromârput, ulliksoaᴋarungnairlutik pôksajanik annorâᴋaromârput. Takkorannêtsomârput ânanaujungnairlutik.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 48:37

Niaᴋut ilûnatik nujairmatta, umillo ilûnatik salijaumangmatta; kileᴋarpoᴋ aggangne tamaine, makkiternalo pôᴋsajaᴋarpoᴋ.

Jeremia 6:26

Inuᴋotima paningat, attisilerit pôᴋsajavinernik, aksapalloalerillo arᴋjane; kiksalerit, sorlo ernetuaᴋ pivlugo, ogguarnermut sôngojomut; asserorsaijub tikiaᴋiniarmattigut.

Jeremiab Ogguarutigijangit 5:15

Omatipta ᴋuviasungningit sorairput; oᴋigêsernivullo ablatsangortitauvok kiksarnermut.

Hesekiel 7:18

Pôᴋsajanik attisilârput, ᴋeungominerublo ulilârpait; kangusungneᴋ kênanginêlârpoᴋ tamaine, merᴋoêrnerlo niaᴋungine tamaine.

Hesekiel 7:2

Igvillo, inûb erninga, imâk, oᴋarpoᴋ Nâlegaᴋ Nâlegaujoᴋ Israêlib nunanganut; Naggatiksaᴋ, naggatiksaᴋ tikipoᴋ nunab terreᴋunginut sittamanut.

Hosea 2:11

Aliagijangit tamaita sorairtitsomavakka, uvloᴋsiorvingit, taᴋᴋêlaᴋsiorvingillo, sabbatingillo, katimaviksauᴋojangillo tamaita.

Hosea 2:13

Uvlullo Baalenut atortangit akkiniarutigijomavakka tâpsomunga, tippigiksautinik isserluanititsivigijangit tâpkonunga, pinnarnarsitigame nangminerminik siumiutaminut pinnarnarsautiminullo, anguniaᴋatigijanelo ᴋeneriartoramigit, uvamniglo puigorlune, oᴋarpoᴋ Nâlegaᴋ.

Joel 1:8

Ogguarit uigasuktut poksajamik atisimajotut inôsungnime uiksanga pivlugo.

Leviticus 13:40

Inublo nujangit pêjarpatta niaᴋoanit, merᴋoêrongne liovok; sullele sujungaipok.

Amos 5:21

Uvloᴋsiorvise ômigilugillo naggogivakka, katimaniksaselo kuksasungnartut ᴋuviagingilakka.

Amos 5:23

Pêjarᴋit uvamnit imgerutivît pervalungningit; nipjautivît erinangit tusaromanginapkit.

Amos 8:3

Imgerutsillo katimavingme atortut erinaloaᴋiningoromârput uvlorme tâpsomane, oᴋarpok Nâlegak Nâlegaujok; timit toᴋungajut unuktôlârput; ilûnâne egipait nipangerlutik.

Nahum 1:10

Kakilauteliktitut ilaᴋemajutitut îgaloarunik, sitsiulâraloaruniglo sorlo imertudlarnermut, nungutaumarilârput ivit kipakungititut.

Saggaria 12:10

Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.

Deuteronomy 16:14

Serridlarlutillo uvloᴋsiortuksauvotit, igvit, ernîllo, panîllo, kivgallo angut, kivgallo arnak, Leviteojorlo, takorngartarlo, iliarsuglo, uigarnerlo, itertarvingnêtut.