Amos 7:10 - Labrador Inuttitut Heritage Bible

¹⁰ Amazialo ajoᴋertuijok Beteleme tiliklerpok Jerobeamut Israêlib ataninganut, oᴋarᴋojivlune: Amosib akkerartortipait ilingnik Israêlib ᴋitorngangita akorngane: oᴋausingit nunab aktorpait.

Amos 7:10 Iomraidhean Croise

Genesis 37:8

Tagva ᴋatangutingata oᴋautivât: Igvit attanerijaksarigalloarpitigît nâlagaksarivlutillo? Sugaluluartomiglo omigilerpât sinnaktômaningit pivlugit oᴋausingillo pivlugit.

I Atannit 13:33

Pijoᴋartuble tamattoma kingorngane Jerobeamib apᴋotigijane idluitok allârlungila, amale ajuᴋertuijungortitsivok inungnit erᴋanangitonerpângôjunit; nelliallo pijomajok ajuᴋertuijungortitauvok, iglunut poktôjunêtunut.

I Atannit 18:17

Ahablo Elia takkogamiuk, Ahab oᴋautiva: Igviovit Israelitinik asseroijotit?

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Jeremia 36:16

Pijoᴋarporlo, oᴋautsit tamaita tusarêramigit, ᴋoaᴋsângalutik sângautivut, Bârungmullo oᴋarput: Oᴋautsit tamakkoa tamaita oᴋautigijariaᴋarniarpavut atanermut.

Jeremia 38:4

Tagva angajoᴋâᴋsuit oᴋarput atanermut: Angut una toᴋotauᴋoleruktôᴋ; sorᴋsuktuksat iglugasaksoane ukkunane amiakôjut aggangit, inuillo ilûnatik aggangit, nukingêrutingmagit, oᴋauseᴋarvigivlugit taimaitunik; angutib oma inuit idluarᴋutiksarsiulungimagit, idluiᴋutisanigle pingmat.

Amos 1:1

Amosib, mianersijut Tekoame ilangata, oᴋausingit, Israêle pivlugo takotitangit Usiab, Jûdab ataningata, uvlungine, Jerobeamiblo, Jôasib erningata Israêlib ataningata, uvlungine, jârîk maggûk nunab sajukpiludlarningata sivorngane.

Amos 3:14

Uvlorme akkiniariartoromavimne Israêlib tapaninginik tâpsomunga, Betelib tunerguservingit nelipsaromagivakka, tunerguserviublo nakjungit nakkataulârput nunamut kataklutik.

Amos 5:10

Tâpkoa ômigidlarpait inerterijut itertarvingme, maᴋojugivâllo idluartomik oᴋâlajok.

Amos 5:5

Betelele ᴋenerniarasiuk, Gilgalemullo iterniarase, Bersabamullo ingerarniarase: Gilgalemêtut aularutijaujomârmatta, Betelelo suksaujungnairomârmat.

Amos 7:11

Imâk Amos oᴋarmat: Jerobeam saviksoarmut toᴋotaksauvok, Israêlelo nunaminit aularutijaulârpok.

Mattêuse 21:23

Katimavingmullo itermat, ajoᴋertuitilugo, ajoᴋertuijoksuit inuillo angajoᴋângita tikipât oᴋautivlugolo: Kimut perᴋojauvêt taimailiorlutît? Kialônêt pitsartunermik mattominga tunitjivigivâtît?

Lukase 23:2

Pasidlalerpâllo oᴋarlutik: ᴋaujimavavut, inuit nâlegungnairtingmagit; ataniviksoarmullo kenaujat nunaliksiutauᴋojaujut tunijauᴋungilait, Kristûseovlunelo atanersoak oᴋartok.

Apostelit Piniarningit 24:5

Angut una tukisilaukpavut uivêtoksoak, silaksoarme ilûnâne Jûdit tamaita pikablâtilaukpait, Nazaremiut ajoᴋertusikullunginik ajoᴋertuinersat ilangat.

Apostelit Piniarningit 5:28

Oᴋarlunelo: Inertilaungilapsê ilungertorluta, ajoᴋertuerᴋonase tâpsoma atinganê? Ahâglo, ilipse Jerusalemiut ilumertipase ajoᴋertûtipsingnut tamattomunga, inûblo tâpsoma aunga uvaptingnut pititsomavase.

Apostelit Piniarningit 7:54

Tamanna tusaramitsuk, ômateroktauvut, nêrᴋolârtsivlutiglo tâpsomunga.