Amos 7:1 - Labrador Inuttitut Heritage Bible

¹ Imaitomik Nâlekab Nâlegaujub takotilaukpânga: ahâglo, piglertaujaliortoᴋarpok unuktunik iviksukat kingorliksat nuitalerviata neliutilerviane; ahâglo, kingorliksat ataniub kibluititsiningata kingorngane nuitalerput.

Amos 7:1 Iomraidhean Croise

Jesaiase 33:4

Aᴋsârnigarijase nungutaujomârput, sôrlo piglertaujârtut nungutsivangmatta, piglertatitut pangaliktutitut (akkerartortise) pangaligomârput tagvane.

Jeremia 24:1

Nalekab unertutjivigilauᴋpânga, sunaubvalo amargaujâk maggûk paungatannaktalîk Nâlakab katimavingata sânganut ilijaujûk; Nebukadnezarib Babilonib ataningata aularutjiningata Jekoniamik, Jojakimib erninganik, Judab ataninganik, Judablo angajoᴋâᴋsoanginik, sanajiniglo, sabviortiniglo Jerusalemit tikiutilugillo Babilonemut, kingorngane.

Hesekiel 11:25

Tagva aularutijaujut oᴋautivakka tamainik Nâlekab unertutigijanginik uvamnut.

Joel 1:4

Kopergut minaumikliutigijangit piglertârait nerrivait piglertâraillo minaumikliutigijangit piglertat nerrivait, piglertallo minaumikliutigijangit piglertaujat nerrivait.

Joel 2:25

Nâmaksititsomavakkalo ilipsingnut jârit ᴋopergut piglertâraillo piglertallo piglertaujallo sorᴋsuktokatigêksoama ilipsingnut tililauᴋtama nerrijangit.

Amos 4:9

Annauvapse panermut sapᴋarmullo; perorsêvipse vaineliksatalit napârtupselo paungatannalit orᴋsulillo unurningit ᴋopergunut sujuktauvut: sullele utilungilase uvamnut, oᴋarpok Nâlegak.

Amos 7:4

Imaitomik Nâlekab Nâlegaujub takotilaukpânga: ahâglo, Nâlekab Nâlegaujub ikoma ᴋaiᴋovâ pidlautigijomavlugo; tâpsomalo itinersoak angijok nungupâ, nunalo nungunajalaukpâ.

Amos 7:7

Imaitomiglo takotipânga: Ahâglo, Nâlegak nangerpok ᴋarmab, nausaikumut sanamajub, ᴋângane, nausaikumik tigumiarlune.

Amos 8:1

Imaitomik Nâlekab takotilaukpânga, ahâglo, amargaujak paungatalik aujanitanik.

Saggaria 1:20

Nâlekablo unertutjivigivânga sabviortinik sitamanik.

Mâlaki 3:11

Pivluselo nerrijiniktoᴋ inerteromârpara, asseroiᴋonago nunapse perortunginik; vaineliksataliselo kataiᴋonagit paungamingnik perorsêvingme neliutiᴋârtinago, oᴋarpoᴋ Nâlegaᴋ Zebaot.