Amos 6:8 - Labrador Inuttitut Heritage Bible

⁸ Nâlegak Nâlegaujok ingminik taivlune oᴋarsimamarikpok, oᴋarpok Nâlegak, Gûde Zebaot: Jâkob pingijaidlarninga maᴋojugivara, igloksoangillo ômigivakka; tamanna pivlugo iglugasaksuit tamaitalo takamanêtut allaromavakka.

Amos 6:8 Iomraidhean Croise

Genesis 22:16

Oᴋarlunelo: Nangminimnik taivlunga angervikpunga, oᴋarpoᴋ Nâlegaᴋ, taimailioravit, ernituallo ivleringinangne,

Imgerut 106:40

Tagva Nâlekab ningarninga illungertulerpok innugasaksoaᴋotine pivlugit, kingormgutijanelo makkojugililaukpait.

Imgerut 47:4

Kingormgutijaksaptingnik annerosugvigivâtigut, Jakob nagligijame ânanaudlarninganik, Sêla.

Imgerut 50:12

ᴋâgajaruma, oᴋautijomanajangilapse; nunaksoak perᴋutigigapᴋo, tâpsomanêtullo tamaita.

Imgerut 78:59

Gûdiblo tamana tussaramiuk illungertudlalaukpok egidlarpaillo angijomik Israelitit;

Salomob Okâl 8:13

Sivôranerub Nâlekamik idluinek, pingijainerlo, piojorinerlo apᴋullo idluitok omigivait, ᴋanerlo mumiksimajok ᴋenugivara.

Jesaiase 28:1

Kappianarmek Efraimikkut tallatut niaᴋôtingat ânanaudlartoᴋ, nuvugulângat ᴋunorlertoᴋ, ânanaudlartoᴋ allianartorlo, naᴋsab perorsijaᴋtaliub ᴋollânẽtoᴋ, vainemut tallatitaujut pingat!

Jeremia 12:8

Kingormgutijama ilingavigivânga loevetut napârtunêtotut, erinaluaᴋidlarvigivânga; taimaimat ômigivara.

Jeremia 22:14

Oᴋartoᴋ: Iglolioromavunga igluksamnik nerrotojomik, iglutsiaksaniglo igvidliornangitomik; igalâksanganiglo sanatitsivoᴋ, ᴋejutsiamiglo Sêdaremik ilupâksaᴋartilugit mingoarlugillo aupaluktamut.

Jeremia 22:5

Oᴋautsille tamakkoa tusaromangikupsigik, angermarikpunga uvamne, oᴋarpoᴋ Nâlagaᴋ, iglo tamanna asserortaudlaromârmat.

Jeremia 44:26

Tamanna pivlugole Nâlakab oᴋausinga tusarsiuk, ilipse ilûnase Judakut nuname Egipteneme nunaᴋartose; Ahâk, attera angijoᴋ taivlugo angersimamarikpunga, oᴋapoᴋ Nâlagaᴋ, attera ᴋanimiutaujungnaituksaungmat Judab inungita nalianut nunamêtomut Egipteneme ilûnâne, oᴋarlune: Sorlo Nâlagaᴋ Gude inôngmat.

Jeremia 49:13

Uvamnik taivlunga angimarilaurama, oᴋarpoᴋ Nâlagaᴋ, Bosra tataminiarutiksangoromârmat, mitautiksangordlunalo, asserorningordlunalo, ôminarsitiksangordlunalo; iglugasaksoangillo ilûnatik asserorningortuksauvut soraijuitomik.

Jeremia 51:14

Nâlagaᴋ Zebaot ingminik taivlune angimarilauᴋpoᴋ, oᴋarlune: Ilumeromavagit inungnik ᴋuglugiatitut unuktigijunik; ᴋuggudlarvigijomârpâtillo.

Jeremiab Ogguarutigijangit 2:5

Nâlegak ômisuktotut ilingavok, Israêl êvâ; igloᴋsoangit tamaita êvait, iglungillo sôngojut asserorlugit; kiksarnartullo ogguarnartullo unuksitipait Judab paningane.

Hesekiel 24:21

Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ivsornaitoviᴋotiga, pitsartunipse inornautâ, ijipse ᴋuviagijangat, tarnipse kajungervigijangat ivsornaijungnaititsomavara; erniselo paniselo ᴋemaktase oggotitaujomârput saviksoarmut.

Hosea 11:6

Saviksoarlo katagomârpoᴋ iglugasaksoanginut palangairutingit asserorlugit nungulugillo, kajusijûtitik nangminerijatik pivlugit.

Leviticus 26:11

Tuperalo âᴋiksoromavara akunapsingne; tarnimalo naggoginiangilâse.

Leviticus 26:30

Poktojoᴋotiselo asseroromârpakka, seᴋiningoaᴋotiselo oggotitsomârpakka, timiviniselo êgilârpakka Gûdingoaᴋotipse timingoavininginut, tarnimalo maᴋojugilârpâse.

Amos 3:10

Ilisimalungimatta idluartulinermik, oᴋarpok Nâlegak, torᴋuivut aksorotjinermik arᴋtainermiglo igloksoamingne.

Amos 3:11

Tamanna pivlugo imâk oᴋarpok Nâlegak Nâlegaujok: Omisuktoᴋalârpok nuna ilumamariklugo pijunik: aᴋsâromârpâtillo pitsartunernik, igloksoatillo asserortaulârput.

Amos 4:2

Nâlegak Nâlegaujok angimarikpoᴋ ivsornaitoᴋsônine tungavigilugo: Ahâk, uvlut neliutijomârput ilipsingnut, aularutijomârmase erᴋiaktautinut erᴋiaktauvluse, kingorliselo ᴋargjusânut.

Amos 5:21

Uvloᴋsiorvise ômigilugillo naggogivakka, katimaniksaselo kuksasungnartut ᴋuviagingilakka.

Amos 8:3

Imgerutsillo katimavingme atortut erinaloaᴋiningoromârput uvlorme tâpsomane, oᴋarpok Nâlegak Nâlegaujok; timit toᴋungajut unuktôlârput; ilûnâne egipait nipangerlutik.

Amos 8:7

Nâlegak angimarilaukpok Jâkob inornarninga taivlugo: Piniarningita ilangillônêt puigoromangimarikpakka.

Saggaria 11:8

Mianersijullo pingasut kipipakka takᴋerme atauserme; ariulaurapkit, tâpkoalo tarningita ᴋuinagivânga.

Deuteronomy 32:19

Nâlekablo takolauᴋpâ tamanna, maᴋojugilugolo, erningita paningitalo naggosartautigigamigit.