Amos 6:1 - Labrador Inuttitut Heritage Bible

¹ Kapianarmek ilimasungitut Zioneme, terliktullo Samariab ᴋakᴋangane, erᴋanartut inôᴋatigêksuit angajoᴋângit, Israêlib ᴋitorngangita aivigijangit.

Amos 6:1 Iomraidhean Croise

I Atannit 16:24

ᴋakᴋarlo Samariamik atelik pissiariva Semeremit Tallentîngnut maggûngnut Silberemik, iglugaselliorlunelo ᴋakᴋab ᴋângane, iglugasaksuillo iglugasalliortane atserarpait ᴋakᴋab inuata Semerib atinga malliklugo Samariamik.

Imgerut 123:4

Tarnivut tattadlarput piojorijut mittauteᴋarninginnik pingijaitullo nachoningenik.

Salomob Okâl 1:32

Ilisimaitut ikligijamingnut toᴋotaungmatta, silaitullo pilloriᴋornermingnut nungutaulermatta.

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Jeremia 2:3

Israêle ivsornaitoᴋutaulauᴋpoᴋ Nâlakamut, perorsijaᴋotingita innerᴋârtungit; nungûtsijut tâpkoninga passijaksaulârput, tikitaulârput ogguarnartomut, Nâlagaᴋ oᴋarpoᴋ.

Jeremia 48:11

Moabe inôsungnerminit siornioriaᴋalaungilaᴋ, ᴋikkatsainarpoᴋ kinganeᴋumine, kovijauᴋattalaungilaᴋ ᴋattaujamit ᴋattaujamut, aularutijaulaungilarlônêt; taimaimat mamarnine pigitsairnarpâ, tipingalo soᴋositsangilaᴋ.

Jeremia 49:31

Makititse, majuaritselo inôᴋatigêksoarnut inilangatsiartunut, terliklutik inôjunut, oᴋarpoᴋ Nâlagaᴋ; upkoaᴋsoaᴋaratiglo itârtaugêkuteᴋangilat, apsimavlutik igloᴋarput.

Jeremia 5:5

Ilisimanersanut aijomavunga, tâpkoalo oᴋaᴋatigilugit; tâpkoa ᴋaujimavalungmatta Nâlakab apᴋotinganik, Gudingatalo idluarsaininganik. Tâpkoale ilagêklutik nangmaut navisimavât, ᴋelarutillo kiktorarlugit.

Jeremia 7:4

Sagloᴋattarnerit tatiginiarasigik, oᴋartut: Tamadja Nâlakab tempelinga, Nâlakab tempelinga, Nâlakab tempelinga.

Jeremiab Ogguarutigijangit 1:1

Sinaungamek! Iglugasaksuit inuᴋatsialauktut inuêrutingmatta! Uigarnertut iput! Angijôdlalauktut inôᴋatigêksuit akorngane, ataniublo paningatut ilingalauktut nunaᴋutaujut akorngane, akkilêjariaᴋartungorput!

Amos 3:2

Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Amos 3:9

ᴋaujititsileritse Asdodib igloksoangine, ᴋaujititsileritse nunab Egiptenib igloksoangine, oᴋarluse: Katimagitse Samariab ᴋakᴋaksoangine, takoniarluselo pikablâjoksoarnik tagvanêtunik, oᴋumaiksartitsijuniglo tâpkoa akorngane.

Amos 4:1

Oᴋausek tamanna tusarsiuk, ilipse tuktuvaujose Bâsaneme, Samariab ᴋakᴋanganêtose, tatjartose aklujunik, sêmiksijose ajoksartunik, nâleganginullo oᴋartose: ᴋaitsigitse, imiᴋovluta.

Amos 5:27

Tamanna pivlugo aularutijautitsomârpapse Damaskusib ungatânut, oᴋarpok Nâlegak, Gûdemik Zebaotemik atelik.

Amos 8:14

Tâpkoa angermariktut Samariab ajorninga taivlugo, oᴋartut: Sorlo mikseᴋârtomik Gudit inôngmat, Dane; imâglo: Sorlo mikseᴋârtomik ilusiojok Bersabame inôngmat; tâpkoa ilâ oggolârput, makiniarungnailutik.

Amos 9:10

Inuᴋotima idluitulijungit ilûnatik toᴋotaulârput saviksoarmut, oᴋartut: Idluinerub anguniangilâtigut agviarniangilâtigullônêt.

Migga 3:1

Oᴋarpungalo, Nâlalauritsetôᴋ, angajoᴋaujose Jâkokune, ilipselo Israêlib ᴋitorngangita aulatsijingit; idluarsainermik ᴋaujimajuksaungilasê?

Sefania 1:12

Pijoᴋalârporlo neliutome tâpsomane nanerusijarlunga Jerusalem nautsertoromârapko, pidlaromârpakkalo inuit kinganekumingne kingartut, ômatimingne oᴋartut: Nâlegak ajungitomiglônêt idluitomiglônêt piniaromângilak.

Jâkobusib 1:18

Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.

Jâkobusib 5:5

Inônatsoridlalaukpose nuname, ikligijase maliklugit, ômatise akᴋeartortidlarlugit, sorlo nerᴋiksanik toᴋotsiviane.

I Pêtrusib 5:7

Siardlernise tamaita tâpsomunga pitisigik, tâpsoma issumagitsainarmase.

Idluarsaijut 18:7

Tagva angutit tallimat tapkoa aularput, tikkilutiglo Laisemut, takolutiglo inuit tagvanetut terlingmatta, sorlo Zidonemiut illusingittitut, uimajaratik terliklutiglo; tagvanelo kiksartitsijoᴋalaungilak tapkoninga, kinakalaungilarlonêt angajoᴋaujomik tapkonunga; ungasidlalaukpullo Zidonemiunit, inuillo sullivigilaungilait.