Amos 5:2 - Labrador Inuttitut Heritage Bible

² Israêlib uigasua pâlaksimavok; makiniarungnaiporlo; nunaminut egitaumavok; makititsijoᴋangilak tâpsominga.

Amos 5:2 Iomraidhean Croise

II Atannit 15:29

Pekab Israelitit atanningata nalliuningane, Tiglat Pilesser Assiriamiut atanningat tikkipok, tigulaitalo Hion, Abel, Bethmaecha, Janoha, Kedes, Hazor, Gilead, Galilialo, Naftalikullo nunangat ilunnât, aularutivaillo Assiriamut.

II Atannit 17:16

Nâlekable Gûdemik perkojangit ilunnaita kemmakpait, sennalutiglo ingmingnut nochangoangnik kovijaumajungnik, nappartuniglo; tuksiarlutiglo ᴋilaub ᴋattimgajoksoanginut ilunnainut kivgartorlarmiglo Baalemik;

Jesaiase 14:21

Kitornganginut toᴋotauviksamik âᴋiksoileritse sivorlingita idluitulliningit pitjutigivlugit. Aglijuksaungilat, nuna perᴋutigivlugo nunablo ᴋânga nãmavlugo iglugasaksoarnik.

Jesaiase 24:20

Nuna majangadlarpoᴋ tallatotut, aulajârpoᴋ ᴋângattaujarviktut, idluitulliningita nênermatsuk, ochojuksauvoᴋ makkitsungnarane.

Jesaiase 3:8

Jerusaleme pâlasimavoᴋ, Jûdalo ochosimavoᴋ, oᴋangita piniarningitalo Nâlegaᴋ akkerartormatsuk, ijîgik nâlengnartoᴋsoâk kamaginagik.

Jesaiase 37:22

Tagva Nâlekab oᴋausingit taimna pivlugo imaiput: Uigasûb Zionib panningata nachogivâtit mittautigivlutillo, Jerusalemib panningata illeᴋettamârutigivâtit.

Jesaiase 43:17

Kamutiniglo horsiniglo sorsuktuksaᴋsoarniglo pitsartuneliksoarniglo annerᴋojijoᴋ, inariartortillugit makkinermiglo ajulertillugit ᴋammilugillo, sôrlo manneᴋ ᴋammingmat:

Jeremia 14:17

Oᴋauserlo tamanna oᴋauserijaksarivat tâpkonunga: Ijîkka ᴋugviudlarlik ᴋugvingnik unnuarme uvlôtilugolo sorairatik; uigasuk inuᴋotima paningat serᴋomitaungmat serᴋomitsinermut angijomut, killermut piungitoᴋsôjomut.

Jeremia 18:13

Taimaimat imâk oᴋarpoᴋ Nâlagaᴋ: Apertsoritse inôᴋatigêksuit akorngane: Kina taimaitunik tusalauᴋsimavâ? Israêlib uigasunga piniarsimavoᴋ maᴋojungnadlartomik.

Jeremia 2:27

Oᴋartut ᴋejungmut: Atâtagivagit; ujarᴋamullo: Ernerivarma; taipkoa tunupânga sâvigingilângalo; kapiasungnermiglo naliuningane oᴋaromârput: Nikovilaurit piulilutillo.

Jeremia 31:4

Attauk, sananiarpagit pijarêrsimaniarpotillo tagva, uigasôjotit Israêle; ᴋillausijarlutit pinnarnarsititaujomârivotit, anijuksauvotillo ᴋuviasuklutillo oᴋigêsertut ilagilugit.

Jeremia 4:20

Asseroijut ᴋaigarsudlarput asseroijunut assimingnut; nuna ilûnât asserortaungmat; suilamnit tupikka asserortauvut, ᴋalerᴋakka ijib sikungilarningane.

Jeremia 50:32

Piojorijorlo naukiutilune oᴋpikaromârpoᴋ, makititsijoᴋarniangilarlo tâpsominga; ikomamiglo ikitsijomavunga iglugasaksoangine, avatânetunik tamainik nungutsijuksamik.

Jeremia 51:64

Oᴋalârpotillo: Taimak Babilon kivijuksauvok, ᴋaᴋiniarungnailune idluitoᴋ pivlugo tikiutijomajara tâpsomunga; merngortudlaromârpullo. Tagvane Jeremiab oᴋausingit kiglerᴋarput.

Jeremia 8:4

Okautijaksarivatillo sulle, Imâk Nâlagaᴋ oᴋarpoᴋ: Pâlalauᴋtoᴋ makitsungnairomârkâ? Tammalauᴋtoᴋ uterungnairomârᴋâ?

Jeremia 9:21

Toᴋo itârsimangmat igalâptigut, itersimavoᴋ igloᴋsoarijaptingnut; sorutsit silamêtut kibloromavlugit, inôsuktullo apᴋosineâlungnêtut.

Jeremia 9:9

Nalipsaraksaringilakkâ tamakkoa pivlugît? Nâlagaᴋ oᴋarpoᴋ; tarniga akkiniartuksaungilâᴋ inôᴋatigêksoanik taimaitunîk?

Jeremiab Ogguarutigijangit 2:13

Sunamik kigligiutjuteᴋartuksauvingâ ilingnût? Sunamut adsiutitaksarivagît, igvit, Jerusalemib paningâ? Suna adseᴋartok ilingnut oᴋautigijaksarivigô, manigoiᴋovlunga ilingnik, Zionib paninga uigasôjotît? Asserorsimanît imarbiktut angitigingmat; kia inûlijungnarpâtît?

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Hosea 6:2

Uvluk magguk ᴋângerpanik tâpsoma ômartilârpâtigut, uvluglo pingajuangne makitilârpâtigut, inôlârpogullo tâpsoma sângane.

Amos 8:14

Tâpkoa angermariktut Samariab ajorninga taivlugo, oᴋartut: Sorlo mikseᴋârtomik Gudit inôngmat, Dane; imâglo: Sorlo mikseᴋârtomik ilusiojok Bersabame inôngmat; tâpkoa ilâ oggolârput, makiniarungnailutik.

Amos 9:11

Uvlorme tâpsomane Dâvidib tupersoanga oggosimajok napartitsomârpara, angmarningillo matulugit; asserorningillo napartitsomârivakka, inertorlugillo itsartut;