Amos 5:16 - Labrador Inuttitut Heritage Bible

¹⁶ Tamanna pivlugo imâk oᴋarpok Nâlegak, Gûde Zebaot, Nâlegaujok: apᴋosinerne tamaine ogguadlartoᴋaromârpok, apᴋosineâlungnelo tamaine oᴋartoᴋaromârpok: Kappê! Kappê! Perorsêvilerijorlo ᴋaiᴋojomârpât kiksarᴋatauᴋovlugo, ogguarnermiglo ilisimajut ogguarᴋovlugit.

Amos 5:16 Iomraidhean Croise

II Kronika 35:25

Jeremiablo Josia ârusutigiva; imgerpaktullo illunatik angutit arnallo ogguarsiutitik oᴋâlatigivait Josia pivlugo, uvlok tamanna tikkilugo, illusiotitaulaukporlo Israeleme. Ahâk aglaksimavok imgerutine ogguarsiutine.

Jesaiase 15:8

Nippivaksuit tussaksauvut Moab erᴋâne illũnâne, âladlarput Eglaime tikkidlugo, âladlarput Beer-Elime tikkidlugo.

Jesaiase 22:12

Nalliutomelo taipsomane Nâlegaᴋ, ᴋilangmiugasaksuit Nâlegangat ᴋearᴋojijomârpoᴋ ogguarᴋojivlunelo, sallimajoᴋarᴋojijomârpoᴋ pôksajaniglo annorâᴋartoᴋarᴋojivlune.

Jeremia 30:5

Imâk oᴋarmat Nâlagaᴋ: Tusarsimavogut ᴋoaᴋsâdlarnerub nippinganik, erᴋsinerub ulapirᴋsauteolungitub.

Jeremia 4:31

Nippimik tusarsimagama sorlo ernisuktûb nippinganik, sorlo ernisuᴋârtûb kapiasungninganik, Zionib paningata nippinganik, anerterikaluktûb, aggangminiglo issivitsijûb, oᴋartûblo: Kapianarmêk uvanga! Tarniga nukingêrutivoᴋ inuartut pivlugit.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:16

Siamartitsomavakka inôᴋatigêksuit akornganut, tâpkoalônêt atâtangitalônêt ilitarilaungitanginut; udlartautitsomavakkalo saviksoarmut, nungutsiᴋârtinanga tâpkoninga.

Hosea 4:3

Tamanna pivlugo nuna oggualârpoᴋ, ilûnatiglo tagvane nunaᴋartut âlalârput, naternaub nergjutingit, tingmiallo ᴋilaub ikianganêtut ilagilugit; ilâ, mingeriat imarbingmêtut aglât pêjartaulârput.

Joel 1:11

Kangusudlaritse, ilipse perorsêvilerijose, ᴋeadlaritse, ilipse vaineliksalerijose, senaugaksat senaugâluksallo pivlugit; katersoraksat perorsêvingme sujudlarmatta.

Joel 1:14

Nerritailiviksamik âᴋiksoileritse, katimaniksamik opinartomik katimaᴋojileritse, angajoᴋaujut nunablo inungit ilûnatik katimalit Nâlekab Gudipse iglungane, Nâlekamullo ᴋaigarsugitse.

Joel 1:15

Kapianarmêk uvloᴋ tâmna, Nâlekab uvlunga ᴋanidlarmat, tikilârporlo asserorsaijotut Ajugaᴋangitomit.

Joel 1:8

Ogguarit uigasuktut poksajamik atisimajotut inôsungnime uiksanga pivlugo.

Amos 3:13

Nâlagitse, kigligiutsileritselo Jâkob ᴋitornganginut, oᴋarpok Nâlegak Nâlegaujok, ᴋilangmiugasaksuit Gudingat.

Amos 5:27

Tamanna pivlugo aularutijautitsomârpapse Damaskusib ungatânut, oᴋarpok Nâlegak, Gûdemik Zebaotemik atelik.

Amos 8:10

Uvloksiorviselo ablatsangortitsomârpakka kiksarnartovingortilugit, imgerutiselo ilûnaita ogguarutinut; makitiselo ilûnaita atititsomârpakka pôksajavinernik, niaᴋullo tamaita nujairlugit; ilingatitsomârparalo sorlo ernetuak oggorijaungmattut, nâningalo uvloktut allianaidlartotut.

Amos 8:3

Imgerutsillo katimavingme atortut erinaloaᴋiningoromârput uvlorme tâpsomane, oᴋarpok Nâlegak Nâlegaujok; timit toᴋungajut unuktôlârput; ilûnâne egipait nipangerlutik.

Migga 1:8

Tamanna pivlugo ogguaromârpunga erinaluaᴋilungalo, annorairlunga usingavlungalo arvertaromârpunga; ᴋingmeujârtotut nujoartotut miagôromârpunga, tingmiaᴋsoatullo ᴋatigarᴋortojotut âlajomârlunga.

Migga 2:4

Uvlorme tâpsomane adsiujomik atulârput pivluse, oggualârpullo ogguarutimut kiksarnelingmut, oᴋarlutik: Asserortaumarikpogut; inuᴋotima pigijaksangat ablatsangortipâ; pêjaivigivânga; perorsêvivullo tâpsoma avgorpait pikablâjunut.

Takotitaunermik 18:10

Nangeromârpullo ᴋaningitangane kappiasuktitauninga erᴋsigivlugo, oᴋarlutiglo: Kappianarmêk, kappianarmêk iglugasaksuit angijut Babilône, iglugasaksuit sôngojut! Stundeme atautseme erᴋartortaunît neliutivok.

Takotitaunermik 18:19

Sannîllo karngautigivait niaᴋomingnut, ᴋeavlutiglo ogguadlarnerniglo nipliadlarput, oᴋarlutiglo: Kappianarmêk, kappianermêk iglugasaksuit angijut tâpkonane ilûnatik imarbingme umiaᴋsoakartut akluitigilaukpait niorvgotiksangit! Stundeme atautseme asserorsimangmatta.