Amos 5:11 - Labrador Inuttitut Heritage Bible

¹¹ Tamanna pivlugo aklujut tullerajarapsigik, aᴋsârapsigiglo sanaugaksanik: igloliorpose ujarᴋanik sanasimatsiartunik, inigijaksarilungilasele; perorsêviliorpose vaineliksatalingnik kajungernartunik, vainingalle imeraksaringilase.

Amos 5:11 Iomraidhean Croise

Hiobe 20:19

Aklujok oᴋumaiksartilaungmago, ᴋemalauklugolo; iglut aksorornermut nangmineliutilaukpait, sanalaungitane.

Jesaiase 16:10

Serrineᴋ ᴋuviasungnerlo sorairpuk perorsêvingme, ᴋaᴋᴋanelo vaineliksatalingne serrijoᴋangilaᴋ nipliajoᴋangilarlõnêt. Vainemik tukkarniktoᴋangilaᴋ iptêjaivingme, nipliadlarningat sorairtipara.

Hesekiel 26:12

Perᴋutitillo aᴋsârnigarijomârpait, niorvgutitillo arᴋtautigilugit; avaloᴋsoatillo serᴋomilârpait, iglotillo takominartut asserorlugit; ujarᴋatillo ᴋejuktillo siorᴋatillo egitsomârpait imânut.

Hesekiel 34:21

Senerarmikapse tuingmiluselo, sangêtullo nakjungmigarlugit siamartigapsigik;

Hosea 9:2

Senaugaksat katjugvingata paungallônêt iptêjaivingata aᴋeartortiniangilait, tâmnalo ajoᴋsalârpoᴋ vainemik nutâmik.

Leviticus 26:16

Uvangatauk imailiorvigijomavapse: kapianadlartok tikititsomavara ilipsingnut, uvinêrutinek ôlingnartorlo, ijinik asseroijok, tarnemiglo ilungôtitsijok; sulinaselo perorsijaksase karngasulârpase, ômigijipse nerᴋiksarilârmagit.

Amos 2:6

Imâk oᴋarpok Nâlegak; Idluitulinerit pingasut sitamallônêt pivlugit Israêl pidlartautailititsomângilara; idluartut aulaingmagit silberemut, ajoksartullo kamiksiniutigilugit;

Amos 2:7

Anernârsulivullo nunab saningit aklujut niaᴋunginêtok pijomavlugo, sinaungaitullo apᴋutingat sangutipât; angut atâtangalo tutingnikpuk uigasungmik tâpsomingatsainak, attera ivsornaitok naggonartitsomavlugo;

Amos 3:15

Annaujomârpâkalo iglo okêvik iglolo aujivik; iglullo tôgâjamit sanamajut asserolârput, iglullo unuktut nungutaulârput, oᴋarpok Nâlegak.

Amos 3:9

ᴋaujititsileritse Asdodib igloksoangine, ᴋaujititsileritse nunab Egiptenib igloksoangine, oᴋarluse: Katimagitse Samariab ᴋakᴋaksoangine, takoniarluselo pikablâjoksoarnik tagvanêtunik, oᴋumaiksartitsijuniglo tâpkoa akorngane.

Amos 4:1

Oᴋausek tamanna tusarsiuk, ilipse tuktuvaujose Bâsaneme, Samariab ᴋakᴋanganêtose, tatjartose aklujunik, sêmiksijose ajoksartunik, nâleganginullo oᴋartose: ᴋaitsigitse, imiᴋovluta.

Amos 6:11

Ahâk, Nâlegak perᴋojivok, iglolo angijok ᴋopaᴋadlaromârpok, iglolo mikijok annêneᴋaromârpok.

Amos 6:12

Horsit pangalisôngovât ᴋairtunê? Tagvanelônêt makperteraijoᴋarniarᴋâ tuktuvangnût? Idluarsainek mumigapsiuk sungartut ilingatilugo, idluarnerublo paungangit sungârnitotut;

Amos 8:4

Tamanna tusarsiuk, ilipse ajoᴋsartunik êsijose, aklujuniglo nuname ajulertitsijose,

Amos 9:14

Inuᴋotimalo Israêlikut aularutijaujungit utertitsomârpakka, iglolioromârpullo iglugasaksoarnik asserortaumajunik, inigilugillo; perorsêvilioromârpullo vaineliksatalingnik, vainingalo imerlugo; perorsêvilioromârpullo, paungangillo nerrilugit.

Migga 1:6

Taimaimat Samaria aᴋtarlukungortitsomarpara perorsêvingme, perornerluktutitullo vaineliksatalingme; ujaraᴋtangillo korungmut sitortitsomârpakka, tungavingillo saᴋᴋijârtilugit.

Migga 2:2

Perorsêvingnik uningârput, arᴋtautigilugillo; igluniglo, aᴋsârnigarilugillo; oᴋumaiksartitsivullo inungmik iglungalo tigulugo, kinatuinaᴋ taimailivât kingormgutijangalo.

Migga 6:15

Karngasoijomârpotit, katersoiniangilatille; paungat orᴋsuliksat tukkaromârpatit, mingoarniatsangilatille ilingnik orᴋsumut; paungallo vaineliksat tukkaromârpatit, vainetorniangilatille.

Sefania 1:13

Tâpkoa perᴋutingit aᴋsârnigaujomârput, iglungillo Nunguniᴋungoromârput; ilâ, iglolioromârput iniginagille; vaineliksataliksaniglo ilijijomârput, vainetorviginagille.

Haggai 1:6

Unuktunik karngasoivosi, ikittunigli itârᴋaivosi; nerrivose, nâmaksilungilasili; imerposi, imerugungnailungilasele; annorârposi, ᴋiujajungnailungilasili; akkiliutiksarsijûblo akkiliutiksane pôᴋpait pôrmut killalingmut.

Mâlaki 1:4

Edome oᴋaraloarpat: asserorsimavogut, uteromavogulle serᴋomakut âᴋiksoromavlugit; imâk oᴋarpoᴋ Nâlegaᴋ Zebaot: tâpkoa âᴋiksoilârput, uvangale oggotitsilârpunga: inuillo tailârpait: kiglemik idluilinermik, inôᴋatigêniglo Nâlekab ningarînartanginik.

Deuteronomy 28:30

Nulianigomârpotit, assivîlle tutilârpâ, igloliolârpotit, iniginagole; vaineliksatalingmik perorsêviliolârpotit, paungangille atorniatsangilatit.

Jâkobusib 2:6

Ilipsele aklujok nachogivase. Akluitut tâpkoangongilât aksorôtijise, kiglisiniarvingmullo pitilusê?