Amos 5:1 - Labrador Inuttitut Heritage Bible

¹ Oᴋausek tamanna tigujara ogguarutigijomavlugo pivluse tusarsiuk, ilipse Israêlib ᴋitorngangit.

Amos 5:1 Iomraidhean Croise

Jeremia 18:13

Taimaimat imâk oᴋarpoᴋ Nâlagaᴋ: Apertsoritse inôᴋatigêksuit akorngane: Kina taimaitunik tusalauᴋsimavâ? Israêlib uigasunga piniarsimavoᴋ maᴋojungnadlartomik.

Jeremia 7:29

Nujatit sallikit, egilugillo ilingnit, ogguarillo ᴋaᴋᴋane merᴋuᴋangitune; Nâlakab ningarnermine kinguvârêt ukkua ajaktormagit pingujarlugillo.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:17

Nâlagaᴋ Zebaot imâk oᴋarpoᴋ: Issumaksarsioritse, arnallo ogguarpaktut ᴋaiᴋolersigik tikiᴋovlugit; arnallo silatojut aᴋpârtauᴋolersigik tikiᴋovlugit;

Jeremia 9:20

Sullele Nâlakab oᴋausinga tusarsiuk, ilipse arnaujose, siutipse Nâlakab ᴋaningata oᴋausinga ilaliorlitsuk, paniselo ajoᴋertorsigik ᴋeanermik, silaliselo ogguarnermik.

Jeremia 9:9

Nalipsaraksaringilakkâ tamakkoa pivlugît? Nâlagaᴋ oᴋarpoᴋ; tarniga akkiniartuksaungilâᴋ inôᴋatigêksoanik taimaitunîk?

Hesekiel 19:1

Igville Israêlib angajoᴋângit oggorikit,

Hesekiel 19:14

Ikomalo anisimavoᴋ akkerungita ilanganit, nungutsivoᴋ paunganginik, sôngojomik akkeroᴋarungaiᴋovlugo ajaupiaksaujomik atanermut. Tamadja ogguarutiksaᴋ, ogguarutiksaulârporlo.

Hesekiel 26:17

Oggualârpullo pivlutit, oᴋautilutillo: Sinaungamêk asserortaugavit igvit inigijaulauᴋtotit imarbiksiortunut, iglugasaksoangojotit nertugaujoᴋ, imarbingme pitsartulauᴋtotit, igvit inuᴋotitillo kapiasûtiksaulauᴋtose tagvane nunaᴋartunut.

Hesekiel 27:2

Igvillo, inûb erninga, ogguarit Tiruse pivlugo;

Hesekiel 28:12

Inûb erninga, Tirusib ataninga pivlugo ogguarit, oᴋautiuglo: Imâk oᴋarpoᴋ Nâlegaᴋ Nâlegaujoᴋ: Naᴋitjuteovotit innersimajoᴋ, ilisimanermik tatadlarlutit, adseᴋangitotit ânanaunerme.

Hesekiel 32:16

Tamadja ogguarut ogguarutigilârtangat; inôᴋatigêksuit paningita ogguaᴋatigilârpait; Egipten pivlugo, inugiartoᴋsoangillo pivlugit ogguarutigilârpât tamanna, oᴋarpoᴋ Nâlegaᴋ Nâlegaujoᴋ.

Hesekiel 32:2

Inûb erninga, Farao, Egiptenib ataninga, pivlugo ogguarit, oᴋautiuglo; Adsiutitaulauᴋpotit loevemut inôtsumut inôᴋatigêksoarne: ᴋuglugiaᴋsoangojârtotulle imarbiksoarmêtotut ilingavotit; aulajadlalauᴋpotit kôksoarne, ittigangnullo imeᴋ issortipat, kôngit salumaitidlarlugit.

Amos 3:1

Tusarsiuk oᴋausek mânna, Nâlekab oᴋauserijanga ilipsingnut Israêlib ᴋitornganginut, ᴋitorngarêksoarnut tamainut majorartitamnut nunamit Egiptenemit, oᴋarlunga:

Amos 4:1

Oᴋausek tamanna tusarsiuk, ilipse tuktuvaujose Bâsaneme, Samariab ᴋakᴋanganêtose, tatjartose aklujunik, sêmiksijose ajoksartunik, nâleganginullo oᴋartose: ᴋaitsigitse, imiᴋovluta.

Amos 5:16

Tamanna pivlugo imâk oᴋarpok Nâlegak, Gûde Zebaot, Nâlegaujok: apᴋosinerne tamaine ogguadlartoᴋaromârpok, apᴋosineâlungnelo tamaine oᴋartoᴋaromârpok: Kappê! Kappê! Perorsêvilerijorlo ᴋaiᴋojomârpât kiksarᴋatauᴋovlugo, ogguarnermiglo ilisimajut ogguarᴋovlugit.

Amos 8:14

Tâpkoa angermariktut Samariab ajorninga taivlugo, oᴋartut: Sorlo mikseᴋârtomik Gudit inôngmat, Dane; imâglo: Sorlo mikseᴋârtomik ilusiojok Bersabame inôngmat; tâpkoa ilâ oggolârput, makiniarungnailutik.

Migga 2:4

Uvlorme tâpsomane adsiujomik atulârput pivluse, oggualârpullo ogguarutimut kiksarnelingmut, oᴋarlutik: Asserortaumarikpogut; inuᴋotima pigijaksangat ablatsangortipâ; pêjaivigivânga; perorsêvivullo tâpsoma avgorpait pikablâjunut.