Amos 4:9 - Labrador Inuttitut Heritage Bible

⁹ Annauvapse panermut sapᴋarmullo; perorsêvipse vaineliksatalit napârtupselo paungatannalit orᴋsulillo unurningit ᴋopergunut sujuktauvut: sullele utilungilase uvamnut, oᴋarpok Nâlegak.

Amos 4:9 Iomraidhean Croise

I Atannit 8:37

Kâkalerangat, nusilinartoᴋalerangallonêt, perortullonêt ᴋakᴋojaksat ᴋernersilerangatta, piglertaujartoᴋalerangallonêt nerrijoksoarnik, omigijingitalonêt nuname ittertarvingit illumarangagit, pagvinartoᴋalerangallonêt, ᴋannimaseᴋalerangallonêt, nellianik;

II Kronika 6:28

ᴋâviᴋalerangat nuname, nûsilingnartoᴋarangallonêt, perorsijat ᴋaᴋᴋojaksat ᴋernersilerangattalonêt, piglertaujartoᴋadlarangallonêt nerrijoksoarnik, omigijingitalonêt nuname ittertarvingit illumajarangagit, pagvinartoᴋarangallonêt, ᴋannimaseᴋarangallonêt nallianik;

Jesaiase 1:5

Naukut annaujaksauvisê sulle, idluitullinise unuksivalliatitsainarapsigik? Niaᴋoᴋ illũnane ãniavoᴋ, õmallo illũnane ᴋanimavoᴋ.

Jesaiase 50:11

Okoᴋsê tamapse, ikkomamik ikkitsijose, ᴋargjolijartose ikkomalingnik, ingergaleritse ikkomakut ikkitapsigut ᴋargjuᴋtigullo ikkomaliktigut ikkitapsigut. Agganginit tamanna pivoᴋ illipsingnut, ãnernartome innangajuksauvose.

Jesaiase 9:12

Siriamiut Israêle êjomarpât sângannit Filisterillo tunnuannit, ᴋanitik aitarlugit. Tamakkoale tamaita Nâlekab ningausingata sorairutigingilait, aggangillo issamivut sulle.

Jeremia 3:10

Sullele tamakkoa pigaloartilugit, najanga tunganaitoᴋ Juda utersimangilaᴋ uvamnut ômamut tamânut, takkormôrdlunele, oᴋarpoᴋ Nâlagaᴋ.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Hosea 11:5

Egiptenemut utertuksaungilaᴋ; Assiriamiorle atanerilârpât, sâgiaromangimatta.

Joel 1:4

Kopergut minaumikliutigijangit piglertârait nerrivait piglertâraillo minaumikliutigijangit piglertat nerrivait, piglertallo minaumikliutigijangit piglertaujat nerrivait.

Joel 1:7

Napârtuga vaineliksataliksaᴋ asserorpât, napârtugalo paungatannaktaliksaᴋ serᴋomipât; sunairutimarikpât suksaujungnaitilugolo; akkerungit ᴋaᴋorsititauvut.

Joel 2:25

Nâmaksititsomavakkalo ilipsingnut jârit ᴋopergut piglertâraillo piglertallo piglertaujallo sorᴋsuktokatigêksoama ilipsingnut tililauᴋtama nerrijangit.

Amos 4:6

Tunitjivigivapselo kigutinik kupᴋealungitunik iglugasaksoapsingne tamaine, ajoksarnermiglo nerᴋiksanik inigijapsingne tamaine: sullele utilungilase uvamnut, oᴋarpok Nâlegak.

Amos 4:8

Taimaimat nunaᴋartut iglugasaksoarne magguine pingasuinelônêt ingerarput iglugasaksoarnut atautsinut imeromavlutik, nâmaksiniaratigle: sullele utilungilat uvamnut, oᴋarpok Nâlegak.

Habakûb 3:17

Napârtoᴋ paungatannaᴋut nuvugulâᴋtâlungikaloarpat, vaineliksataliglo paungatâlungipat, orᴋsuliub napârtunga sulijungnaigaloarpat, perorsêvillo nerᴋiksanik sakᴋêlungipatta, saukat ungalulingmit nungugaloarpatta, nergjuteᴋaullo nergjutetaᴋangipat;

Haggai 2:17

Annaulauᴋpapsi paniliᴋovlusi, sapᴋamullo nataᴋonanullo aggapsi suliangini tamaini; sullili utilungilasi uvamnut, oᴋarpoᴋ Nâlegaᴋ.

Mâlaki 3:11

Pivluselo nerrijiniktoᴋ inerteromârpara, asseroiᴋonago nunapse perortunginik; vaineliksataliselo kataiᴋonagit paungamingnik perorsêvingme neliutiᴋârtinago, oᴋarpoᴋ Nâlegaᴋ Zebaot.

Deuteronomy 28:22

Nâlekab annaulârpâtit uvinêrutinermut, olingnartoksoarmullo, kiaksoarmullo ikomaujârtotut, imairutinermullo, anoremullo toᴋonartomut, sapᴋarmullo; tâpkoalo unangmilârpâtit nungutauᴋârtinak.

Deuteronomy 28:42

Napârtoᴋotitit tamaita, nunavîllo paungangit, piglertaujat pigijomârpait.