Amos 4:8 - Labrador Inuttitut Heritage Bible

⁸ Taimaimat nunaᴋartut iglugasaksoarne magguine pingasuinelônêt ingerarput iglugasaksoarnut atautsinut imeromavlutik, nâmaksiniaratigle: sullele utilungilat uvamnut, oᴋarpok Nâlegak.

Amos 4:8 Iomraidhean Croise

I Atannit 18:5

Taimâk Ahab Obadja oᴋautiva mânna: Nuna ingerarvigiuk, imektarvingnut, kôngnullo ilûnnainut, iviksukanik nachvârungnarmangapta, horsillo, horsiojartullo piulilugit, nergjutit ilûnnamasiatik toᴋoᴋonnagit.

Jesaiase 9:12

Siriamiut Israêle êjomarpât sângannit Filisterillo tunnuannit, ᴋanitik aitarlugit. Tamakkoale tamaita Nâlekab ningausingata sorairutigingilait, aggangillo issamivut sulle.

Jeremia 23:14

Maᴋojungnartomiglo takosimagivunga nalautaijune Jerusaleme; assiniarput, arvertarpullo saglonerme, idluitulijullo aggangit pitsartutipait, sâgiartoᴋarᴋonago idluitulinerminit; uvamnut ilûnatik Sodomatut iput, inungillo Gomorratut iput.

Jeremia 3:3

Tamanna pivlugo silaluk operngâme noᴋᴋarᴋojauvoᴋ, silaluglo kingorliojoᴋ tikiᴋojaungilaᴋ; igville ᴋauᴋarpotit assiniarpaktûb ᴋaungatut, kangusugungnangilatillo.

Jeremia 3:7

Tamakkoninga tamainik piniarsimaᴋârtilugo oᴋalauᴋpunga: Uterniarpoᴋ uvamnut; utilaungilarle; najangatalo tunganaitub Judab takovâ tamanna.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Hosea 11:5

Egiptenemut utertuksaungilaᴋ; Assiriamiorle atanerilârpât, sâgiaromangimatta.

Hosea 7:10

Israêliblo pingijaininga kigligiutjivoᴋ kênangata sângane; sullele utilungilat Nâlekamut Gudimingnut, ᴋenilungilâllônêt taimaigaloartilugo.

Amos 4:6

Tunitjivigivapselo kigutinik kupᴋealungitunik iglugasaksoapsingne tamaine, ajoksarnermiglo nerᴋiksanik inigijapsingne tamaine: sullele utilungilase uvamnut, oᴋarpok Nâlegak.

Migga 6:14

Nerrijomârpotit kâgungnainiatsangilatille; ilumiᴋarungnainîllo ilingnêtsainalârpoᴋ; torᴋoijomârpotit, torᴋortatille anigoiniatsangilat; anigoijatillo tunijomârpakka saviksoarmut.

Haggai 1:6

Unuktunik karngasoivosi, ikittunigli itârᴋaivosi; nerrivose, nâmaksilungilasili; imerposi, imerugungnailungilasele; annorârposi, ᴋiujajungnailungilasili; akkiliutiksarsijûblo akkiliutiksane pôᴋpait pôrmut killalingmut.

Haggai 2:17

Annaulauᴋpapsi paniliᴋovlusi, sapᴋamullo nataᴋonanullo aggapsi suliangini tamaini; sullili utilungilasi uvamnut, oᴋarpoᴋ Nâlegaᴋ.