Amos 4:5 - Labrador Inuttitut Heritage Bible

⁵ Tunitjititselo tunergutiksamik ᴋujalitiksamik puvertisimajomik, tunergutiniglo pijârijunik oᴋâlagitse ᴋaujijautilugillo: tamanna ᴋuviagigapsiuk, ilipse Israêlib ᴋitorngangit, oᴋarpok Nâlegak Nâlegaujok.

Amos 4:5 Iomraidhean Croise

Imgerut 81:12

Taimak issumainâᴋitilaukpakka, agvertarᴋovlugit attannertuinitik malliklugit.

Jesaiase 1:1

Tamadja Jesaiasib, Amosib erningata takkotitaunerilauᴋtangit Jûda Jerusalemelo pivlugik, Usia Jôtamelo Ahaselo Hiskialo attaniotillugit Judame.

Jesaiase 1:11

Tunergutipse unurningit suksauvât uvamnut? oᴋarpoᴋ Nâlegaᴋ. Angusalluit ikkoalajaksat ᴋuinijullo orᴋsungit arriupakka, tuktuvaillo saugârsuillo angusalluillo aungat ᴋuviagingilara.

Jeremia 7:10

Nangeriartoromavluselô sâmne iglome tamattomane, attimnut taijaujome, oᴋarluselô: Piulijaumavogut; tamakkoninga tamainik maᴋojungnartulijungnarᴋovluse sullê?

Jeremia 7:9

Tigligomavisê, inuaromavluselô, nuliarêngnermiglo asseroijomavlusê, angeromavluselô soᴋoserungnangitomik saglovluse, isserluanititsijomavluselô Baalemut, maligomavluselô Gudib assinginik ilitarilaungitapsingnik,

Hosea 9:1

Kuviasuklutit, Israêle, ᴋiggertarniarnak inôᴋatigêksoatitut, Gudît tunulugo assiniaravit, assiniarnerub akkiksanga ungagidlarangne senaugaksat issiptervingine tamaine.

Hosea 9:10

Israêle naipilauᴋpara sorlo vaineliksat paungangit sunaᴋajuitome; atâtase takolauᴋpakka sorlo paungatannait innerᴋârtut paungatannaᴋuteme pijariortome: tikilauᴋpulle Baal-peoremut, kangunartomullo ingmikôrtiput, ungagijingititullo maᴋojungnartigijôvut.

Leviticus 23:17

Niaᴋôjângnik sanervaiᴋitârtitaksângnik maggûngnik efab tallimaujoatut maggûktut oᴋumaitigijûngnik ᴋaitsijuksauvose iglupsingnit; sanaugatsiarmit sanajaujuksauvuk, pubjusauteᴋartilugik igajaujuksauvuk, pijariorutiovlutik Nâlekamut.

Amos 5:21

Uvloᴋsiorvise ômigilugillo naggogivakka, katimaniksaselo kuksasungnartut ᴋuviagingilakka.

Amos 5:22

Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.

Mattêuse 15:9

Sulinatigle kivgartorpânga, inuit ajoᴋertûsetuinangit ajoᴋertuitigigamigit.

Mattêuse 23:23

Kappianamêk ilipse, aglangnik ilisimajut Farisêerillo, takkormôrtose! Perortoarsuit tippigiktut tauvluᴋutiksallo tallimaujunginik tunijigapse; perᴋojanêtullo pijariarᴋortonerpângit tunupase, imaitut: idluarnerlo, nâpkiningnerlo, okpernerlo! Makkoa piniaraksarivase, ipkoalo iperarnagit.

Mattêuse 6:2

Taimâk pivlugo pilitsijomaguvit tunergutiksarnik, nipjausijarᴋojijuksaungilatit sivunerne, takkormôrtut ilusingititut katimavingne apᴋosineâlungnalo, nertortaujomavlutik inungnut. Âhamarik, oᴋautivapse: Akkilertaujarêrput.

Rômiunut 1:28

Sorlo Gûde illitarivlugo pijariaᴋarasugilaungimatta, Gûdibtauᴋ allarivait kataktidlugit erᴋarsautiâlungnut, mamainartulerᴋovlugit;