Amos 4:2 - Labrador Inuttitut Heritage Bible

² Nâlegak Nâlegaujok angimarikpoᴋ ivsornaitoᴋsônine tungavigilugo: Ahâk, uvlut neliutijomârput ilipsingnut, aularutijomârmase erᴋiaktautinut erᴋiaktauvluse, kingorliselo ᴋargjusânut.

Amos 4:2 Iomraidhean Croise

Imgerut 89:35

Sukkutsiane oᴋamarilaukpunga ivsornainera malliklugo: Davide sagloᴋitsomangilara;

Imgerut 89:36

Kinguvâksanga issoᴋangituksauvok, iksivautangalo sâmne seᴋᴋinertut îtuksauvok;

Jesaiase 37:29

Tamanna pivlugo pikkablavigigamga, pingijainillo siutîmnut ᴋongmuarsimangmat, ᴋingarmiutaᴋartitsomavagit kingmiararlo illivlugo ᴋanernut uttertitsomavagillo apᴋutigilauᴋtakkut tamaunga.

Jeremia 16:16

Ahâk, aulasartunik unuktunik tilikleromavunga, Nâlagaᴋ oᴋarpoᴋ, tâpkoalo aulasaromârput tâpkoninga; kingornganalo tilikleromavunga ômajoᴋsiortunik unuktunik, tâpkoalo pinasualârpait ᴋaᴋᴋane tamaine, ᴋaᴋᴋârulangnalo tamaine, ᴋairosungnalo tamaine.

Hesekiel 29:4

Erᴋiaromârpagit aglerukut, mingeriallo kôksoarnêtut nipingatitsomârpakka kavisernut: ᴋaᴋititsomârpagillo kôksoaᴋotingnit, mingeriat ilûnatik nipingajut kavisernut ilagivlugit.

Hesekiel 34:16

Assiomalauᴋtoᴋ ᴋeneromârpara, ᴋemâtitaujoᴋ tikiutijomârpara, aᴋᴋunaᴋsimajorlo mangipseromârpara, ᴋanimajorlo nakoᴋsititsomârpara: ᴋoinijullo sôngojullo nungutsomârpakka; nerripkaromârpakka idluartomik.

Hesekiel 38:4

Sangutitsomârpagillo, ᴋargjusâniglo erᴋiaktitsijomârpunga aglerungnut, anititsomârpagillo sorᴋsuktuksarsoaᴋotitit ilûnaita, horsitillo, horsinullo ablângajoᴋotitit, ilûnatik annorâlijarlutik unatartut annorânginik, katimgajoᴋsuit sapûlutalijartut sagvingmiutalijartullo, saviksoarniglo tigumiartut:

Amos 6:8

Nâlegak Nâlegaujok ingminik taivlune oᴋarsimamarikpok, oᴋarpok Nâlegak, Gûde Zebaot: Jâkob pingijaidlarninga maᴋojugivara, igloksoangillo ômigivakka; tamanna pivlugo iglugasaksuit tamaitalo takamanêtut allaromavakka.

Amos 8:7

Nâlegak angimarilaukpok Jâkob inornarninga taivlugo: Piniarningita ilangillônêt puigoromangimarikpakka.