Amos 4:10 - Labrador Inuttitut Heritage Bible

¹⁰ Nûsilingnartok tililaukpara akunapsingnut, sorlo Egipteneme pilaungmat; inôsuktose angutit toᴋolaukpakka saviksoarmut, horsiselo aularutidlarlugit; tangmârvipselo tippeâlua ᴋongmuartipara ᴋingapsingnut; sullele utilungilase uvamnut, oᴋarpok Nâlegak.

Amos 4:10 Iomraidhean Croise

II Atannit 10:32

Nalliutome taipsomane Nâlegak pigiarpok Israelitit ilangerlugit; Hasaeliblo sâlagivait Israelitit kiglilervingine ilunnaine,

II Atannit 13:3

Nâlekablo ningausinga ilunngertulerpok Israelitit pivlugit, tunnilaitalo Hasaelib Siriamiut atanningata agganginut, Benhadadiblo Hasaelib erningata agganginut, innôsingit nâlugit.

II Atannit 13:7

Taipsoma Joahase unnurnersanik amiakoᴋarkolaungimago ablangajunit 50 ginit horsit ᴋângine, kamutinillo aksalloalingnit 10 nit, angutinillo pissuktunit 10,000 dinit. Siriamiut atanningata toᴋolaungmagit, illingatilaukpaillo sanniktitut ᴋakᴋojaksat tullertautilugit sorlo.

II Atannit 8:12

Tagva Hasael oᴋarpok: Sôg nâlegara kêava? Tamna oᴋarpok: ᴋaujimavunga ᴋanok igvit Israelib ᴋitorngangit idluitullivigijomârangne. Iglugasaksoangit songojut ikkomamut ikkitsomârpattit anguteᴋotingit innuosuktut toᴋotsomârpattit saviksoarmut, sorrusiârsukotingillo toᴋotsomârpattit, arnakotingillo singaijut ullimârlugit avgoromârpattit.

Exodus 10:27

Nalekable Faraub ômatinga mangaitipâ, tâpsomalo aularᴋojomangilait.

Exodus 10:3

Moseselo Aronelo iterpuk tagva Faraomut, oᴋautivlugolo: Imâk oᴋarpok Nâlegak, Ebrêerit Gûdingat: ᴋanok sivitutigijomik manigotitailijomavêt ilingnik sâmne? Inuᴋotikka aularᴋokit, kivgartorvigijaksaringmanga.

Exodus 14:4

Faraublo ômatinga mangaititsomavara udlanerᴋovlugo tâpkoninga; opigijaujomavungalo Faraokut sorsuktuksarsoaᴋutingitigullo, Egiptenemiut tukisitsiarᴋovlugit uvangaugama Nâlegak. Taimailiorput tagva.

Exodus 15:26

Oᴋarlunelo: Nâlekab Gûdivit nipinga nâletsiaromagungne, piniaromavlugillo tâpsoma sângane idluarijaujut, siutit manijomagungne tâpsoma perᴋojanginut, maligaksaurᴋojangillo maligomagungne, ilijivigijomangilagit ᴋanimaserit nalianiglônêt tikitilauktamnik Egiptenemiunut: Uvangaugama Nâlegak inûliklertît.

Exodus 8:19

Tagva aglangnik ilisimajut oᴋarput Faraomut: Tamadja Gûdib aggangit! Farauble ômatinga mangaitilerpok tusaromangilaillo, sorlo Nâlegak oᴋarmat.

Exodus 9:12

Nâlekable Faraub ômatinga mangaitipâ, tusaromangilaglo tâpsoma, sorlo Nâlegak oᴋarmat Mosesemut.

Exodus 9:17

Sulle atangusiguvit inuᴋotimnut, aularᴋojomanagit,

Jesaiase 34:3

Toᴋotaujut egitaujomârput, toᴋungajullo tippelungningat ᴋongmuaromârpoᴋ, ᴋaᴋᴋallo aunginut auktitaujomârput.

Jesaiase 50:11

Okoᴋsê tamapse, ikkomamik ikkitsijose, ᴋargjolijartose ikkomalingnik, ingergaleritse ikkomakut ikkitapsigut ᴋargjuᴋtigullo ikkomaliktigut ikkitapsigut. Agganginit tamanna pivoᴋ illipsingnut, ãnernartome innangajuksauvose.

Jesaiase 9:12

Siriamiut Israêle êjomarpât sângannit Filisterillo tunnuannit, ᴋanitik aitarlugit. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 9:13

Nunaᴋatigêlle sâgiatsengilat sugiartimingnut, ᴋilangmiugasaksuillo Nâlegangat ᴋennilungilât.

Jesaiase 9:17

Taimaimat Nâlekab tâpkoa inôsuktoᴋotingit angutit ᴋuviagingilait, illiarsuᴋotingillo uigarneᴋotingillo nâpkigingilait, tâpkoa illunamasiatik tappatojôngmatta idluitullijôngmattalo, illũnatiglo ᴋaningit sillainartoᴋsoarmik oᴋauseᴋarmatta. Tamakkoalle tamaita Nâlekab ningausingata sorairutigingilait, aggangillo issamivut sulle.

Jeremia 11:22

Taimaimat Nâlagaᴋ Zebaot oᴋarpoᴋ imâk: Ahâk, akkiniaromavakka; angutingit inôsuktut toᴋotaujomârput saviksoarmut; erningit paningillo toᴋojomârput pêrlernermut;

Jeremia 15:3

Tikitauᴋojomavakkalo oᴋumainartunut sittamanut, Nâlagaᴋ oᴋarpoᴋ, saviksoarmut toᴋotsijomut, ᴋingminut aliktuijunut, ᴋilaub ikkiangata tingmianginut, nunablo ômajoâlunginut, nungutsijunut asserorsaijunullo.

Jeremia 16:4

Kanimaseâlungmut toᴋojomârput; oggorijaujomângilat iluvertaujomângilallônêt; aᴋtarnerlukkotitulle ilingajomârput nunab ᴋângane; nungutaujomârpullo saviksoarmut kângnartoᴋsoarmullo; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 18:21

Taimaimat ᴋitorngangit tunikit kângnartoᴋsoarmut, unertutigikillo saviksûb pitsartuninganut; arnangit ᴋitorngairtaulit uigarniovlutiglo; angutingit toᴋotaulit, inôsuktungillo annaujaulit saviksoarmut unatarnerme.

Jeremia 48:15

Moabe sunairutijauvoᴋ, iglugasaksoangit issingorsimavut, inôsuktungillo piloriktoᴋutaujut atersârsimavut toᴋotauvingmut, oᴋarpoᴋ Ataneᴋ, Nâlakamik Zebaotemik attelik.

Jeremia 49:26

Tamanna pivlugo inôsuktungit okpikâromârput apᴋosineâlungine, angutillo unatarpaktut ilunatik nipangertitaujomârput uvlorme tâpsomane, oᴋarpoᴋ Nâlagaᴋ Zebaot.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 6:11

Taimaimat tattadlarpunga Nâlakab ᴋaningaumajârninganik; nunnomangudlarpunga; kovileruk sorutsinut apᴋosinernêtunut, inôsuktunullo katimgajunut; tagva angut nuliangalo tigujaujuksauvuk, inuᴋoartoᴋ uvloᴋartorlo unuktunik.

Jeremia 9:22

Oᴋarit: Imâk Nâlagaᴋ oᴋarpoᴋ: Inuit timingit toᴋungajut katagomârput aᴋtarnerlukutitut perorsêvingme, ᴋippitatitullo kibluijub tunuane, ᴋatersortaujomângilallo.

Hosea 11:5

Egiptenemut utertuksaungilaᴋ; Assiriamiorle atanerilârpât, sâgiaromangimatta.

Joel 2:20

Sorᴋsuktoᴋatigêksuillo avangat pijut ungasiktomut ilipsingnit nûtilârpakka, ajaktorlugillo nunamut panertomut sunataᴋangitomullo, sivorlingit imarbingmêtilugit kitidlerme, kingorlingillo imarbingme ᴋangidlerme; tipersoangalo igunâniningalo ᴋongmualârpuk, angijoᴋsoarnik piniarneᴋalaungmatta.

Leviticus 26:16

Uvangatauk imailiorvigijomavapse: kapianadlartok tikititsomavara ilipsingnut, uvinêrutinek ôlingnartorlo, ijinik asseroijok, tarnemiglo ilungôtitsijok; sulinaselo perorsijaksase karngasulârpase, ômigijipse nerᴋiksarilârmagit.

Leviticus 26:25

Tikiutjijomârpungalo saviksoarmik ilipsingnut, akkinialârtomik angerutaujûb ningadlarninganik; katimgatitaulârposelo iglugasaksoapsingne, nusilingnartorlo tililârpara akunapsingnut; unertutijaulârposelo ômigijipse agganginut.

Amos 4:6

Tunitjivigivapselo kigutinik kupᴋealungitunik iglugasaksoapsingne tamaine, ajoksarnermiglo nerᴋiksanik inigijapsingne tamaine: sullele utilungilase uvamnut, oᴋarpok Nâlegak.

Amos 8:3

Imgerutsillo katimavingme atortut erinaloaᴋiningoromârput uvlorme tâpsomane, oᴋarpok Nâlegak Nâlegaujok; timit toᴋungajut unuktôlârput; ilûnâne egipait nipangerlutik.

Haggai 2:17

Annaulauᴋpapsi paniliᴋovlusi, sapᴋamullo nataᴋonanullo aggapsi suliangini tamaini; sullili utilungilasi uvamnut, oᴋarpoᴋ Nâlegaᴋ.

Deuteronomy 28:21

Nâlekab nusilingnartok unangmiklertiniarpâ ilingnik, pêjartauᴋârtinak nunamit aivigijarnit pigijomavlugo.

Deuteronomy 28:22

Nâlekab annaulârpâtit uvinêrutinermut, olingnartoksoarmullo, kiaksoarmullo ikomaujârtotut, imairutinermullo, anoremullo toᴋonartomut, sapᴋarmullo; tâpkoalo unangmilârpâtit nungutauᴋârtinak.

Deuteronomy 28:60

Egiptenemiullo ᴋanimanerilauᴋtangit sivôragijatit tikitilârivait ama ilingnut; tâpkoalo unangmidlalârpâtit.

Deuteronomy 7:15

Nâlekablo ᴋanimanerit tamaita pêjarniarpait ilingnit; nelipsartautiniangilâtillo Egiptenemiut ᴋanimasealungita ilitarijavît nelianut, pitilârpaille tamainut ômigijingnut.