Amos 3:9 - Labrador Inuttitut Heritage Bible

⁹ ᴋaujititsileritse Asdodib igloksoangine, ᴋaujititsileritse nunab Egiptenib igloksoangine, oᴋarluse: Katimagitse Samariab ᴋakᴋaksoangine, takoniarluselo pikablâjoksoarnik tagvanêtunik, oᴋumaiksartitsijuniglo tâpkoa akorngane.

Amos 3:9 Iomraidhean Croise

II Samuel 1:20

Oᴋarniarase tamattominga Gatheme, unipᴋautiginiarassiuglo apᴋosinerme Askalonib iglungita akkorngane, Filisterit panningit ᴋuviasulerᴋonnagit, kippisimangitut panningit serridlarᴋonnagit.

Salomob Okâl 1:13

Perᴋutinnik pivianartunik sunatuinarnik Nachvâromavogut; iglovut aksarnigaujunnik tettatitsomavavut.

Salomob Okâl 11:16

Arnak ilusitsiariktok nertornautiksarsivok; pitsartuneliksuillo akluineksarsivut.

Okaluktok 4:1

Sangulaukpungalo, takkonârlaukpakkalo ilûnaita idluitulliviojut sekᴋerngûb atâne: ahâglo, idluitulliviojut ᴋugvingit tagvanêlaukput, manigoijeᴋalaungilello; idluitullilauktullo tâpkonunga pitsartuluarlaukput manigoijeᴋarungnarᴋonagit.

Jeremia 31:5

Vaineliksataliliortuksaulârivotit Samariab ᴋaᴋᴋangine; ilijijut ilijijomârput, nerrivlutiglo paunganginik.

Jeremia 46:14

Egipteneme oᴋâlagitse, Migdoleme unipkâritse, Nofeme Tapanêsemelo tusartitsileritse; oᴋaritse, Sagvarit, opalungairsarit, avatingnêtut saviksûb nungulermagit.

Jeremia 50:2

Oᴋâlagitse ᴋaujititsileritselo inôᴋatigêksuit akorngane, nalunaikusêgitselo; ᴋaujititsileritse angigutjiniaraselo; oᴋaritse, Babilon tigujauvoᴋ, Bel kangusuktitauvoᴋ, Merôdak serᴋomitauvoᴋ; gudingoangit kangusuktitauvut, gudingoaliarimajangillo serᴋomitauvut.

Hesekiel 36:8

Ilipsele, Israêlib ᴋaᴋᴋangit, nuititsijuksauvose akkerᴋupsingnik, tunitjijuksauvoselo paungapsingnik inuᴋotimnut Israêlikunut, neliutijaraklilermatta.

Hesekiel 37:22

Inôᴋatigêksoangortitsomârpakkalo atausiojut nuname, Israêlib ᴋaᴋᴋangine; atanerlo atauseᴋ ataniojomârpoᴋ tâpkonunga tamainut; kingornganelo inôᴋatigêksoangojungnairomârput magguinik, avitauniatsangilallo ataniovingnut maggungnut:

Hosea 7:1

Israele, inûlijomagapko, Efraimib idluitoᴋsôninga naipitauvoᴋ, Samariablo ajortoᴋsôninga; saglotiksanik piniarmatta; tigliktorlo itârpoᴋ, arᴋtaijoᴋatigêllo opakput silame.

Amos 1:8

Asdodemêtorlo kipijômavara, ataniublo ajaupianganik Askalonemit; aggakkalo sangutitsomavakka Ekronemut, Filisterillo amiakungit nungulârput, oᴋarpok Nâlegak Nâlegaujok.

Amos 4:1

Oᴋausek tamanna tusarsiuk, ilipse tuktuvaujose Bâsaneme, Samariab ᴋakᴋanganêtose, tatjartose aklujunik, sêmiksijose ajoksartunik, nâleganginullo oᴋartose: ᴋaitsigitse, imiᴋovluta.

Amos 5:11

Tamanna pivlugo aklujut tullerajarapsigik, aᴋsârapsigiglo sanaugaksanik: igloliorpose ujarᴋanik sanasimatsiartunik, inigijaksarilungilasele; perorsêviliorpose vaineliksatalingnik kajungernartunik, vainingalle imeraksaringilase.

Amos 6:1

Kapianarmek ilimasungitut Zioneme, terliktullo Samariab ᴋakᴋangane, erᴋanartut inôᴋatigêksuit angajoᴋângit, Israêlib ᴋitorngangita aivigijangit.

Amos 6:3

Ilipse ungasiktitsijose ilipsingnit uvlormik idluitomik, iksivavingmiglo idluituliviksamik ᴋanilertitsijose;

Amos 8:6

Pisiniarungnarᴋovluta aklujunik silberemut, ajoᴋsartuniglo kamingnut, sanaugaksallo piunginerlukungit aulailugît?

Migga 6:10

Idluitulinerub katersortangit idluitulijûb iglunganêᴋât sulle, ôktûllo mikinârtaujoᴋ ôminartôᴋ?

I Samuel 5:1

Filisterit Gudib iklervinga tiguvât âlugolo Ebenezeremit Asdodemut,