Amos 3:2 - Labrador Inuttitut Heritage Bible

² Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Amos 3:2 Iomraidhean Croise

Genesis 10:32

Tapkoangovut Noab erningita kinguvângit ingmikut illagêt, ingmikut inôᴋatigêt. Tâpkonangat inuit siamarsimavut nuname ullitornivaksûb kingorngagut.

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

Imgerut 147:19

Oᴋauserminik Jako ᴋaujitipâ, Israele illusioᴋojaminik, idluarijaminiglo.

Exodus 32:34

Taimaimat aularit mânna, inuillo tasiorkit iniksamut oᴋautigisimajamnut ilingnut: ahâk, Engeleᴋotima sivorliniarpâtit: kisianele idluitoᴋsôningit akkiniarutigijomârpakka, uvlok akiniarnermut naliutikpat.

Jesaiase 63:19

Attaneᴋajuitutitut illingnik illingavogut, taijaujuitutitut atternik.

Jeremia 1:15

Ahâk, erᴋârdlerêt ilûnaita ataniovingnit avanêtunit ᴋaiᴋojomârpakka, Nâlagaᴋ oᴋarpoᴋ, tikituksauvullo, ilûnatiglo atunit âᴋiksoijuksauvut iksivautamingnik Jerusalemib itertarvingita sivurâne, avaluᴋsoangitalo ilumajingita ilûnatik sivurâne.

Jeremia 10:25

Kaningajârnît nâviuk nalojunut ilitarᴋsingitunut ilingnik, ataniovingnullo niplialungitunut atternut. Tâpkoa Jâkokut nerrilugit nungulaungmagit, ila, nerrisimavait nungulugillo, iglungillo asserorsimavait.

Jeremia 11:22

Taimaimat Nâlagaᴋ Zebaot oᴋarpoᴋ imâk: Ahâk, akkiniaromavakka; angutingit inôsuktut toᴋotaujomârput saviksoarmut; erningit paningillo toᴋojomârput pêrlernermut;

Jeremia 13:21

Sumik oᴋaromârᴋêt nalipsarpatit taimâk? Tagva igvit nangmineᴋ sungiutisalauᴋpatit angajoᴋaulerᴋovlugit ilingnut. kapiasungnerit tigumiarniangilâtît, arnatut ernisuktotut itilutît?

Jeremia 14:10

Imâk Nâlagaᴋ oᴋarpoᴋ inôᴋatigêksoarnut tamakkonunga: Taimak angitigijomik namuttuinak arvertaromadlarput; itikatik noᴋangatitsomangilait; taimaimat Nâlakab pijomangilait; mânale idluituliningit erᴋaumajomavait, nâmangituliningillo sugiaromavait.

Jeremia 9:25

Ahâk, naliutsomârpoᴋ, Nâlagaᴋ oᴋarpoᴋ, pidlarnigomârama kipimajunik kipimangitut ilagilugit;

Hesekiel 5:9

Ilingnullo piniaromavunga piniarnerilauᴋsimangitamnik, kingornganelo taimaitunik piniaromângitamnik, maᴋojungnartulinivit unurningit pivlugit.

Hesekiel 9:6

Inuᴋoartut, nukapiat, uigasuit, sorutsit, arnallo toᴋosigik nungulugit: Kissimik nelunaikusertaumajut aktorniarasigik; iglumnelo pigialeritse. Pigiarput tagva angajoᴋângojune iglub sânganêtune.

Daniel 9:12

Nalautsitipaillo oᴋausini uvaptingnut idluarsaijiptingnullo uvaptingnik idluarsaijuksanut, oᴋautigijani, tikitauᴋongmatigut idluitomut angijomut; ᴋilaub ilûnarsoangata atâni piniarutaujoᴋalaungimat sorlo Jerusalimut piniarutaungmat.

Hosea 2:13

Uvlullo Baalenut atortangit akkiniarutigijomavakka tâpsomunga, tippigiksautinik isserluanititsivigijangit tâpkonunga, pinnarnarsitigame nangminerminik siumiutaminut pinnarnarsautiminullo, anguniaᴋatigijanelo ᴋeneriartoramigit, uvamniglo puigorlune, oᴋarpoᴋ Nâlegaᴋ.

Hosea 5:3

Efraim ilitarivara, Israêlelo ijersimangilaᴋ uvamnut; igvit Efraim, assiniarpotit mâna, Israêlelo ivsornadlarpoᴋ.

Hosea 8:13

Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Hosea 9:9

Sôngojomik idluitiput nangminermingnik sorlo Gibiab uvlungine; idluituliningit tâpsoma erᴋaumalârpait, nelipsalârpaillo ajorningit.

Amos 2:4

Imâk oᴋarpok Nâlegak: Idluitulinerit pingasut sitamallônêt pivlugit Jûda pidlartautailititsomângilara; Nâlekab perᴋojangit iperarmagit, tâpsomalo maligaksauᴋojangit malilungimagit, saglonermigle, atâtangita piniarnerilauktanginik malignermingnut tamartitaungmatta;

Amos 3:3

Maggûk pisuᴋatigêgungnarᴋâk angiᴋatigêksimangikunîk?

Amos 6:1

Kapianarmek ilimasungitut Zioneme, terliktullo Samariab ᴋakᴋangane, erᴋanartut inôᴋatigêksuit angajoᴋângit, Israêlib ᴋitorngangita aivigijangit.

Migga 2:3

Tamanna pivlugo imâk Nâlegaᴋ oᴋarpoᴋ: Ahâk, ᴋitorngarêngnut ukkununga idluitomik issumaksarsiorpunga, mattomangallo ᴋongesise nûgungnarniangilase, piojoriluselo arvertarniangilase; naliuneᴋ tamanna ajormat.

Nahum 3:4

Anguniarpaktûb takoranidlartûb ajortuliningita unuktoksôningit pivlugit, angakoktonermik ilisimadlartûb, inôᴋatigêksoarnik ajortulinerminut aulaijûb, ᴋitorngarêniglo angakonerminut.

Apostelit Piniarningit 17:26

Inugasaksuillo kinguvângoᴋatigêt tamaita pingortilaukpait aungmit atautsemit, nunaksoak ilûnât inuᴋalertilugo, sivorngagullo isumasimatigivait naliuningita sivitujariangit, ᴋanorlo ᴋaningitigijomut nunaᴋariangit;

Rômiunut 2:9

Kappianartomigle kiksanartomiglo pijomârput inuit idluitulijut tarningit ilûnatik, Jûdit sivorliolutik Grîᴋillotauᴋ.

I Korintemiunut 8:3

Gûdemigle nagligosuktoᴋarpat, tâmna illitarijauvok tâpsomunga.

Deuteronomy 10:15

Nâlekable atâtagijatit ᴋuviagilaukpait nagligijomavlugit, tâpkoalo kingorngane kinguvângit annerivait, tagva ilipse, inôᴋatigêksoarnit tamainit, sorlo uvlome ingmat.

Deuteronomy 26:18

Nâlekablo uvlome kigligiutjivigivâtit inuᴋotigijomagamitit nangminerijomavlutit, sorlo angervigilaungmatit, malitsiartuksaugavillo tâpsoma perᴋojanginik tamainik;

Deuteronomy 32:9

Nâlekab inuᴋotine perᴋutigivait; Jako kingormgutijaksarsiarivâ.

Deuteronomy 4:32

Aperᴋutigikit uvlut ᴋângersimajut, sivunernêtut, uvlormit Gûdib pingortitsivigilauᴋtanganit inungnik nuname, kilaublo issuanit issuata aipânut, mattotunak angitigijoᴋalaungmangât, mattotunarlônêt tusaumajaujoᴋarmangât.

Deuteronomy 7:6

Inuᴋutaugapse ivsornaitut Nâlekamut Gûdipsingnut; Nâlekab Gûdivît annerivâtit inôᴋatigêksoarnit tamainit nunab ᴋânganêtunit inuᴋutauᴋovlutit adseungitok tâpsomunga.

I Pêtrusib 4:17

Neliutingmat erᴋartuinerub pigiarvinga Gûdib iglungane. Uvaptingnele pigiarᴋârpat, okperomangitut Gûdib oᴋausinginik tussarnertunik ᴋanoêtomik naggateᴋaromârᴋât?