Amos 3:10 - Labrador Inuttitut Heritage Bible

¹⁰ Ilisimalungimatta idluartulinermik, oᴋarpok Nâlegak, torᴋuivut aksorotjinermik arᴋtainermiglo igloksoamingne.

Amos 3:10 Iomraidhean Croise

Hiobe 20:21

Nerᴋiksangit simnikoᴋaniatsengilet; tamanna pivlugo ᴋanoêngitsiarninga soᴋosijuiniangilak.

Imgerut 14:4

Idluitullijut illangallonêt mallugosugomangilak tamattominga? innuᴋotimnik nerrijut, innûgutigilugit, Nâlegarle nipliarvigingilât?

Salomob Okâl 1:13

Perᴋutinnik pivianartunik sunatuinarnik Nachvâromavogut; iglovut aksarnigaujunnik tettatitsomavavut.

Salomob Okâl 11:16

Arnak ilusitsiariktok nertornautiksarsivok; pitsartuneliksuillo akluineksarsivut.

Salomob Okâl 28:5

Inuit idluitut idluarnek tukisingilât; Nâlekamigle appertsuteᴋartut tamainik tukisivut.

Okaluktok 4:1

Sangulaukpungalo, takkonârlaukpakkalo ilûnaita idluitulliviojut sekᴋerngûb atâne: ahâglo, idluitulliviojut ᴋugvingit tagvanêlaukput, manigoijeᴋalaungilello; idluitullilauktullo tâpkonunga pitsartuluarlaukput manigoijeᴋarungnarᴋonagit.

Jeremia 4:22

Inuᴋotikka silaidlarmatta, ilitaringilânga; ᴋitorngauvut sujuksimajut, silatuneᴋangilallo mikijomiglônêt; silatudlarput idluitulinermik, idluartulinermigle ilisimaneᴋangilat.

Jeremia 5:4

Oᴋarpungale: Tâpkoa inukullôvut silaidlartut; ᴋaujimangilat Nâlakab apᴋutinganik, Gudiblônêt idluarsaininganik.

Hesekiel 18:7

Oᴋumaiksartitsingikune kinamik, satoraksaᴋ utertikuniuk akkiliksaᴋarvigijiminut, aksorornermut aᴋsârningikune, kâktoᴋ aitoruniuk nerᴋiksaminik ussingajorlo annorârtikuniuk;

Hesekiel 22:29

Nunab inungit aksorotjivut arᴋtaivlutiglo; ilo, aklujut ajoᴋsartullo oᴋumaiksartipait, takorngartallo nênerpait idluangimariktomik.

Hesekiel 8:17

Oᴋautivânga tagva: Tamanna takoviûk, inûb erningâ? Judab ᴋitorngangita oᴋigivatsûk maᴋojungnartuligamik tamânê? nuna tatangmatsuk idluitulinernik, sangulerivullo ningarsâromavlunga; ahâglo, ᴋessertutit ᴋingarmik sânginut aklairautigivait.

Hosea 7:1

Israele, inûlijomagapko, Efraimib idluitoᴋsôninga naipitauvoᴋ, Samariablo ajortoᴋsôninga; saglotiksanik piniarmatta; tigliktorlo itârpoᴋ, arᴋtaijoᴋatigêllo opakput silame.

Amos 4:1

Oᴋausek tamanna tusarsiuk, ilipse tuktuvaujose Bâsaneme, Samariab ᴋakᴋanganêtose, tatjartose aklujunik, sêmiksijose ajoksartunik, nâleganginullo oᴋartose: ᴋaitsigitse, imiᴋovluta.

Amos 5:7

Ilipse idluarsainermik mumiksijose perortotut sungânitotut ilingatilugo, idluarnermiglo egitsijose nunamut;

Amos 6:12

Horsit pangalisôngovât ᴋairtunê? Tagvanelônêt makperteraijoᴋarniarᴋâ tuktuvangnût? Idluarsainek mumigapsiuk sungartut ilingatilugo, idluarnerublo paungangit sungârnitotut;

Amos 6:3

Ilipse ungasiktitsijose ilipsingnit uvlormik idluitomik, iksivavingmiglo idluituliviksamik ᴋanilertitsijose;

Amos 6:8

Nâlegak Nâlegaujok ingminik taivlune oᴋarsimamarikpok, oᴋarpok Nâlegak, Gûde Zebaot: Jâkob pingijaidlarninga maᴋojugivara, igloksoangillo ômigivakka; tamanna pivlugo iglugasaksuit tamaitalo takamanêtut allaromavakka.

Migga 6:10

Idluitulinerub katersortangit idluitulijûb iglunganêᴋât sulle, ôktûllo mikinârtaujoᴋ ôminartôᴋ?

Sefania 1:9

Taipsomanelo pidlaromârivakka tamaita upkoab ablorianganik abluijut, angajoᴋâmik iglunganik tataijut idluitulinermik uivêriklernermiglo.

II Pêtrusib 3:5

Kaujimangilalle, ᴋaujijomanginamik, ᴋilak itsaᴋ Gûdib oᴋausinganut pingmat, nunalo imânit, imânêdlunelo;