Amos 2:8 - Labrador Inuttitut Heritage Bible

⁸ Tunerguservit ilûnatik saningine inangavigivait annorât tauksiutiksaujut, gudingoarmiglo iglungane vainetorput pidlartaujut akkiliutânik.

Amos 2:8 Iomraidhean Croise

Exodus 22:25

Inuᴋotima ilangat aklujoᴋ ilingnêtok atartortigungne kênaujanik, ilingavigijaksarilungilat kênaujaniaromajotut, akilêtitaksarilungilat atautemik.

Jesaiase 57:7

Innangaviksarnik âᴋiksoivotit ᴋaᴋᴋab kingiktub, poᴋtojub ᴋângane, takpaungalo majorarpakpotit, tunergutiksarnik âtsivlutit.

Hesekiel 18:12

Aklujuniglo ajoᴋsartuniglo idluituliviᴋartomik, aksorornermut arᴋtaijomik, satoraksamik utertitsingitomik, ijiminiglo arlortitsijomik gudingoanut, maᴋojungnartulijomik,

Hesekiel 18:7

Oᴋumaiksartitsingikune kinamik, satoraksaᴋ utertikuniuk akkiliksaᴋarvigijiminut, aksorornermut aᴋsârningikune, kâktoᴋ aitoruniuk nerᴋiksaminik ussingajorlo annorârtikuniuk;

Hesekiel 23:41

Iksivavotillo innangavingme piojôdlartome, sângane sâᴋartomik nerᴋiksatalingmik, tâpsomalo ᴋânganut tipigiksautiga orᴋsuᴋotigalo ilivakik.

Hosea 4:8

Nerᴋiksaᴋarput inuᴋotima ajorninginik, kajungilârpullo idluitulinernik.

Hosea 7:14

Omatimingnullo ᴋaigarsugvigilungilânga, inangavingmingne ᴋaggudlaraloartilugit; katimavut senaugaksat vainelo pivlugit, pikablâvigivângale.

Amos 3:14

Uvlorme akkiniariartoromavimne Israêlib tapaninginik tâpsomunga, Betelib tunerguservingit nelipsaromagivakka, tunerguserviublo nakjungit nakkataulârput nunamut kataklutik.

Amos 4:1

Oᴋausek tamanna tusarsiuk, ilipse tuktuvaujose Bâsaneme, Samariab ᴋakᴋanganêtose, tatjartose aklujunik, sêmiksijose ajoksartunik, nâleganginullo oᴋartose: ᴋaitsigitse, imiᴋovluta.

Amos 6:4

Inangavingne tôgâjane inangajose, nalajoselo nalangavipsingne, nerriluse saugâranik saukanit katimgajunit, tuktuvâraniglo tuktuvaᴋautimit;

Amos 6:6

Vainetortose ᴋajûtanit, mingoartoselo ilipsingnik mingoarutinut pionerpânut; kiksauteᴋangitosele Josefib kapiasuktitauninganik.

I Korintemiunut 10:21

Nâlekab ermgusiarsunganit, Sâtanasillo ermgusiarsunganit atautsikut imerungnangilase; Nâlekab nerrimârvianit, Sâtanasillo nerrimârvianit ilangiutijungnangilase.

I Korintemiunut 10:7

Gûdeungitullo nâlengniarasigik taipkoa ilangititut, sorlo aglaksimangmat: Inugasaksuit ingilerput nerrimârlutik imilarmiglo, nikovilerpullo pingoaromavlutik.

I Korintemiunut 8:10

Igvit ilitarsineᴋartotit, naliata takogunitit nerrimârvingme iksivatilutit Gûdeungitub iglungane, tâmna sangêname, issumamigut kajungersartaulingilâk, nerrilune Gûdeungitunut tunergutinîk?

Idluarsaijut 9:27

Annilaukpullo perôrsêvingmut, pejailutiglo Paungaᴋotimingnik Weineliksanik, iptêjailutiglo, okigêserlutiglo, ailarmiglo Gûdimik iglunganut, nerilutiglo immerlarmiglo, oᴋarnerlutigivâllo Abimeleche,