Amos 2:4 - Labrador Inuttitut Heritage Bible

⁴ Imâk oᴋarpok Nâlegak: Idluitulinerit pingasut sitamallônêt pivlugit Jûda pidlartautailititsomângilara; Nâlekab perᴋojangit iperarmagit, tâpsomalo maligaksauᴋojangit malilungimagit, saglonermigle, atâtangita piniarnerilauktanginik malignermingnut tamartitaungmatta;

Amos 2:4 Iomraidhean Croise

II Atannit 17:19

Judakuttauk Nâlekab Gûdimik perkojangit mallilaungilait, agvertarpulle Israelitit illusingit, sennalauktangit malliklugit.

II Kronika 25:14

Amazialo utterame Edomiterit sâlagijauninganit, Seirib ᴋittorngangita Gudingoangit naksarpait Gudiotilugillo ingminut, tuksiarvigilugillo isserluanititsivigilaitalo.

II Kronika 30:7

Atâtagijapsetullo ᴋattangutigijapsetullo idluitullilauktutitut Nalekamut atâtagijamik Gudinganut, tunnilauktangititullo tamanna pivlugo asserornartomut, sorlo nangminek takkogapse, îniarase.

Nehemia 1:7

Idluitullivigilaukpaptigit, perᴋojallo, innatsinerillo, idluarnerillo, perᴋolauktatit kivgaᴋotingnut Mosemut, malilaungilavut.

Nehemia 9:26

Kissianele tappatolerlaukput, akkerartorpâtillo, Malligaksauᴋojattit egipait tunnumingnut, Nallautaijoᴋotitillo nakterpait, kigligiutsijut tapᴋonunga, salertuksaungmatta illingnut, oᴋarnerlutjilutiglo angijomik.

Jesaiase 28:15

Imâk oᴋarapse: Toᴋo angeᴋatigivavut kappianartoviglo issumaᴋatigivavut; issaᴋautiksoaᴋ nungutsijoᴋ aulajâralloarpat, pijauniangilagut, saegloneᴋ ᴋemâvigigaptigo, uivêriklerneᴋ sappudjauvigigaptigo.

Jesaiase 44:20

Argjat (tiktaujut) tigunasuarpait, õmatingata uivêrijaumajub tammartipâ, tarnine piulivlugo sapperpâ, imâglo issumaᴋangilaᴋ: Tallerpiga uivêrinartunik sullijaksaᴋangilâᴋ?

Jeremia 16:11

Oᴋautijaksarivatit: Atâtagilauᴋtapse ᴋemalaungmanga, Nâlagaᴋ oᴋarpoᴋ, malilaungmattalo assimnik gudingoanik, kivgartorlugit, tuksiarvigivlugillo, ᴋemalaungmangalo, perᴋojakka piniarnagit;

Jeremia 16:12

Ilipselo angiluartomik idluitulisimavose atâtagijapsingnit; tagva, ahâk, atunit ilûnase arvertarpose ômatipse idluitut mangaitisimaningit maliklugit, nâlalugaselo uvamnik;

Jeremia 17:27

Nâlagomangikupsingale Sabbate ivsornaititsomavlugo, adjarsitailijomangikupselo oᴋumaitunik iterniarluse Jerusalemib itertarvingitigut Sabbateme; tagva ikomamik ikitsijomavunga itertarvingine, nungutsilârporlo Jerusalemib igloᴋsoanginik, ᴋamitauniarungnaivlune.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Jeremia 8:2

Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Jeremia 8:9

Ilisimajut kangusudlartuksauvut, ᴋoaᴋsârtuksauvut, parngnanairsortaujuksauvullo; ahâk, Nâlakab oᴋausingit naggogivait; ᴋanoelingajomiglo ilisimaneᴋarᴋâ tâpkonanê?

Jeremia 9:14

Arvertalaungmattale ômatimik mangaitoᴋsôningat maliklugo, Baalelo maliklugo, sorlo ajoᴋertortaulaungmatta atâtamingnut;

Hesekiel 13:22

Saglonernut idluartut ômatingit kiksartilungitakka kiksartigapsigik; idluitulijûblo aggangit pitsartutigapsigik, sangutailitilugo apᴋotiminit idluitomit, angervigigapsiuk inôtsemik;

Hesekiel 20:13

Israêlible ᴋitorngangita tapagilauᴋpânga sunaᴋajuitome; arvertalaungilat maligaksauᴋojamne ajaktuivulle perᴋojamnik, inûb tamakkoa piniarpagit inôjûtigilârpait; sabbatikkalo sôngojomik ivsornaijungnaitipait: oᴋarpunga tagva ningaumajârnera kovijomagapko tâpkonunga sunaᴋajuitome, nungutsomavlugit.

Hesekiel 20:16

Perᴋojakka ajaktulaungmagit, arvertaratiglo maligaksauᴋojamne, sabbatikkalo ivsornaijungnaitingmagit; ômatingita gudingoaliarimajatik malingmagit.

Hesekiel 20:18

Sunaᴋajuitomelo ᴋitorngangit oᴋautivakka: Arvertarniarase atâtapse maligaksauᴋojangine, nâlengniaraselo perᴋojanginik, ivsornartiniaraselo ilipsingnik gudingoanginut;

Hesekiel 20:24

Malilaungimatta perᴋojamnik, ajaktuimattalo maligaksauᴋojamnik, ivsornaijungnaititsingmattalo sabbatimnik ijingillo sangumatta atâtagijangita gudingoanginut.

Hesekiel 20:30

Tamanna pivlugo Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ivsornartiᴋisê ilipsingnik atâtapse iluserijangit maliklugît? Assiniarᴋisêlo tâpkoa maᴋojungnartuliangit maliklugît?

Hesekiel 22:28

Nelautaijungillo nippitinerᴋusêvut maggarmut ᴋoajuitoᴋangitomut tâpkonunga, piutsangitunik, takovlutik, saglonerniglo nelautaivigivlugit, oᴋarlutik: Imâk oᴋarpoᴋ Nâlegaᴋ Nâlegaujoᴋ; Nâlegaᴋ oᴋarsimatinago.

Hesekiel 22:8

Ivlernartoᴋotikka naggogivase, sabbateᴋotikkalo ivsornaijungnaitipase.

Hosea 12:2

Nâlegaᴋ akkerartûtiksaᴋarpoᴋ Jûdamut, Jâkolo sugiaromârpâ apᴋotigijangit maliklugit; piniarningit maliklugit akkiniaromârpâ.

Hosea 12:3

Igliarmetillugu angajune tigumiarpâ kingmingagut; pitsartunerminelo Gude pâvâ:

Hosea 6:11

Igvittauᴋ, Jûda, katersivik pijarêrpoᴋ ilingnut, inuᴋotikka aularutijaujut utertigupkit.

Amos 1:3

Imâk oᴋarpok Nâlegak: idluitulinerit pingasut sitamallônêt pivlugit Damaskuse pidlartautailititsomângilara Gilead katjungmatsuk ᴋautarnut kikiangojunut;

Amos 3:2

Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Migga 6:12

Akluitungit tataput aksorotjinermik, inungit saglovlutik oᴋarput, oᴋangillo ᴋanermingne nalangaiput.

Habakûb 2:18

Inungoaliarimajak suksaungmât, senajib senamago, inungoarlo kussersimajoᴋ, ajoᴋertuijorlo saglonermik, senajûb senajane tatigingmago, oᴋajuitomik gudingoaliormât?

Rômiunut 1:25

Taipkoa Gûdib mikseᴋârninga mumilauᴋpât saglunermut, pingortitarlo nertorlugo kivgartornersarilauᴋpât Pingortitsijomit; tâmna nertortauvoᴋ issoᴋangitomut. Amen.

I Tessalônikamiunut 4:8

Taimaimat tamattominga nachojoᴋ inungmik nachongilaᴋ, Gûdemigle, Anernerminik ajunginermik ilipsingnut tunijijomik.

I Pêtrusib 1:18

Kaujimavluse nunguniartomit silberemullônêt goldemullônêt piulijaunginapse piusekullupsingnit atâtanut adsiunipsingnit;

Idluarsaijut 10:6

Israelible ᴋitorngangit idluitullilaurivut Nâlekab sângane, kivgartorlutiglo Baalinik, Astarotemiglo, Siriamiullo Gûdinginik, Zidonemiullo Gûdinginik, Moabiterillo Gûdinginik, Amoniblo ᴋitorngangita Gûdinginik, Filisterillo Gûdinginik, Nâlegarlo ᴋemakpât kivgartornagolo.