Amos 2:13 - Labrador Inuttitut Heritage Bible

¹³ Ahâk, nênertoromârpapse inigijapsingne, sorlo ᴋamutîk aksaloalîk sanaugaksanik ᴋapitanik usidlartuk nênertaungmanik.

Amos 2:13 Iomraidhean Croise

Genesis 37:7

Perorsêvimgmêdluta ivingnik ᴋippitaksaujunik ᴋippitsivogut; sunaubvalo, ᴋippitakka ingmingnik makilerput nangerlutiglo; avatânêdlutiglo ᴋippitapse ᴋippitakka okkungavigivait.

Hiobe 39:12

“Tattigijungnarᴋiuk kangâsortiksaᴋotitit uttertiniarmagit illingnut, kattersorlugillo ᴋematulliviᴋotingnut?

Imgerut 78:40

ᴋannok unnuktoêrtorlutik ningaksalaukpât sunaᴋajuitome, illuluktilugolo innuᴋajuitome!

Jesaiase 1:14

Taᴋᴋerub nutaulervingit (ivlerijase) uvloᴋsiorviselo tarnima ômigivait, tamakkoa oᴋumaigivakka, akkerartornagit merngortulerpunga.

Jesaiase 43:24

Kênaujanut iviksuit tippitsiariktut pissiarilungilattit uvamnut, tunergutivillo õtaksat orᴋsungannik nãmaksitilungilarma; imâgle: idluinernut pagvisârparma, idluitullinernullo siorniortiparma.

Jesaiase 7:13

Tagva oᴋarpoᴋ: Attê, tussaleritse illipse Dâvidib iglunganẽtose! Nãmaksingilase inuit pagvisârlugit; Gûdigatauᴋ pagvisâromavisiûk?

Hesekiel 16:43

Inôsungnivit uvlungit erᴋaumalunginangne, ningartinamgale tamakkonane tamaine; tamanna pivlugo, ahâk, apᴋutigijatit tikiutijomârpakka niaᴋungnut, oᴋarpoᴋ Nâlegaᴋ Nâlegaujoᴋ: kangunartulineᴋ tamanna piniarnerilaunginangnê maᴋojungnartulinerijarnit tamainît?

Hesekiel 6:9

Tâpkoalo anigoijigijapse erᴋaumajomârpânga inôᴋatigêksuit aularutijauvigilârtangita akorngane, allaigama ômatinginik ajortulilauᴋtunik ᴋemaijuniglo uvamnik, ijinginiglo ajortuligosuktunik gudingoaliarimajanginik: ingmingniglo maᴋojugilârput idluitulinitik piniarnerijatik maᴋojungnartulinermingne tamiane pivlugit.

Mâlaki 2:17

Nâlegak merngortortipase oᴋausipsingnut-Oᴋarposele: Sunamut merngortortipitigô? Oᴋarapse, idluitulijut ilûnatik idluarput Nâlekab takoane, tâpsomalo ᴋuviagivait; imâglônêt: Gude erᴋartuijoᴋ naûk?

Numbers 7:3

Tunergutitiglo âpait Nâlekab sânganut, ᴋamutit aksaloalit pâlertalit sixit, tuktuvaillo 12; ᴋamutik atauseᴋ angajoᴋâᴋsoângnut maggûngnut, tuktuvaglo atauseᴋ atautsemut; tunivaillo tupiub ivsornaitûb sângane.