Amos 2:11 - Labrador Inuttitut Heritage Bible

¹¹ Ernipselo ilangit nalautaijungortilaukpakka, inosuktupselo ilangit Gûdemut ingmiᴋôrtitangordlugit. Taimaingilâk, ilipse ᴋitorngaujose Israêlemût?

Amos 2:11 Iomraidhean Croise

I Atannit 17:1

Elialo Tisbitemiok Gileademiut illangat oᴋarpok Ahabemut: Sorlo mikseᴋârtomik Nâlegak Israelitit Gûdingat, sângiartara inôngmat, jârine tamakkonane mitsungniangilarlonêt, sillalungniangilarlonêt, kisiane uvanga oᴋaruma.

I Atannit 18:4

Isebelible Nâlekab nellautaijoᴋotingit nungutilaungmagit, Obadjab nellautaijut 100 dit tiguvait, ijerpaillo ᴋairosungmut, mâne 50 git, ikkane 50 git, patangaitilaitalo ᴋakᴋojanik, imermiglo.

I Atannit 19:16

Jehulo Nimsib erninga, atanningortilugo Israelitinut, Elisalo Safatib Abelmeholamiub erninga, nellautaijungortilugo innangêrlutit.

I Atannit 20:13

Ahâglo, nellautaijut illangata Ahabe Israelitit atanningat aivigiva, oᴋarlunelo: Imâk Nâlegak oᴋarpok: ᴋatimgajoksuit unuktoksuit ukkoa takkolaukpigit? Ahâk, uvlome tunnijomavakka aggangnut; nellojungnailerᴋovlutit uvanga Nâlegaugama.

I Atannit 20:35

Tagva angutit illangata nellautaijut erninginit sillaline oᴋautiva Nâlekab oᴋausingagut: Nagliktara annaulaunga! Tamnâle ᴋunnulaukpok annaulugo.

I Atannit 20:41

Tagva tuavidlune argsak pêrpa kênaminit; Israelitillo atanningata illitarilerpa nellautaijut illagingmatsuk.

I Atannit 22:8

Israelitit atanningat oᴋarpok Josafatemut: Anguteᴋaralloarpok sulle atautsemik, appertsorungnarutigijaptingnik Nâlekamik, Michamik Jemlab erninganik. Kisiane omigivara, nellautaivigingimanga ajungitomik, idluitomigle kisiane. Josafate oᴋarpok: Atannek taimâk oᴋaniarane.

II Atannit 17:13

Nâlekablo Israelitit Judakullo tennersarlaukpait nallautaijoᴋotimigut ilunnaitigut, takkojoᴋotimigullo, oᴋautsaukovaillo: Utteritse apᴋotipsingnit idluitunit, mallikluselo perkojamnik, innatsinimniglo; perkojat ilunnatik malliklugit atâtagijapsingnut perkolauktakka, tillikliutilauktakkalo illipsingnut kivgakotipkut nallautaijutigut;

II Atannit 6:1

Nallautaijut erningita Elisa oᴋautivât: Ahâk inne innigijavut mâne sângne nimniuluarpok uvaptingnut.

II Kronika 36:15

Nalegarlo atâtagijangita Gudingat tilliklerpok tapᴋonunga, tillijamigut uvlamit. Innuᴋotine iglunelo ivlerigamigit.

Jeremia 11:21

Taimaimat imâk Nâlagaᴋ oᴋarpoᴋ Anatotemiut, inôsernik pinasuartut, pivlugit, oᴋarlutik: Nalautainiarnak Nâlakab attingane, aggaptingnut toᴋotauᴋonak.

Jeremia 2:31

Kinguvârêngojose ilipse, kamagitse Nâlakab oᴋausinganik. Sunaᴋajuitôlauᴋsimavingâ, nunatullônêt tâᴋtoᴋsoaliktut ilingalauᴋsimavingâ Israêlimût? Suna pivlugo inuᴋotikka oᴋarᴋât: Pitûdjarpogut; tikitsomairpogut ilingnût?

Jeremia 2:5

Imâk Nâlagaᴋ oᴋarpoᴋ: Sumik idlaungitomik atâtagilauᴋtase nagvâlauᴋât uvamne ungasidlarmatta, sunaungitullo ungagidlarlugit, piojoridlarlutiglô?

Jeremia 26:11

Ajoᴋertuijullo nalautaijullo oᴋarput angajoᴋâᴋsoarnut inungnullo tamainut, oᴋarlutik: Angut una toᴋotaksauvoᴋ; iglugasaksuit makkoa nalautaijutigingmagit, sorlo tusarapse siutipsingnut.

Jeremia 7:25

Uvlormit taimangat atâtagilauᴋtase aulalaungmattanit Egiptenemit uvloᴋ tamanna tikidlugo, ataruilivlunga tiliklervigilauᴋpapse kivgaᴋotimnik nalautaijoᴋotimniglo;

Jeremiab Ogguarutigijangit 4:7

Gudemut angertaumajungit apumit ivsornainersaulaukput, imungmit ᴋaᴋortauluarput, tautumikut aupalungnersaulaukput ujaratsianit pivianartoᴋutaujunit, ᴋalliningit sorlo ujarait ᴋebleriktut.

Migga 2:6

Nalautaidlarase (oᴋarput): nalautaitsainarput. Nelautaijuksaungilat tâpkonunga; pasiklernerit sorairnialungilat.

Apostelit Piniarningit 4:18

Kaiᴋovakillo, inerterkugiglo, oᴋarᴋonagik ajoᴋertuerᴋonagiglônêt Jesusib atinganik.

Apostelit Piniarningit 5:28

Oᴋarlunelo: Inertilaungilapsê ilungertorluta, ajoᴋertuerᴋonase tâpsoma atinganê? Ahâglo, ilipse Jerusalemiut ilumertipase ajoᴋertûtipsingnut tamattomunga, inûblo tâpsoma aunga uvaptingnut pititsomavase.

Apostelit Piniarningit 7:51

Tapatojoksôjose kipimangitoselo ômatipsigut siutipsigullo, akkerartutsainarpase Anernek ajunginek. Atâtagijapsitut ilipsetauk taimailiorivose.

Deuteronomy 18:18

Nelautaijomik iliktun-itomik ᴋatangutingita akornganit makititsijomârpunga; oᴋausikkalo ilijomârpakka ᴋaninganut, tâpsomalo oᴋarvigijomârpait tamainik perᴋojamnik tâpsomunga.

I Samuel 19:20

Tagva Saule kivgartortunik tilliklerpok tagvunga, aiklerᴋovlugit Davidemik. Tapkoalo takkovait nallautaijut kattimgajut maggoit, nallautaitillugit, Samuelelo aulatsijolaukpok tapkoninga. Tagva Gudib annerningata Saulib tillijangit tikkipait, nallautailerᴋovlugittauk.

I Samuel 3:20

Israelitillo illunamasiatik Danemit Bersaba tikkilugo illitarksilerput Samuele nallautaijôngmat nertornartomik Nalekamut.