Amos 2:10 - Labrador Inuttitut Heritage Bible

¹⁰ Majorartilaukpapselo nunamit Egiptenemit, inuᴋajuitokullo tesiolaukpapse jârit 40 nâvlugit, Amoriterit nunangat perᴋutigilugo piᴋovluse.

Amos 2:10 Iomraidhean Croise

Nehemia 9:21

Jârit 40git nâlugit patangaitilaukpattit Sunaᴋajuitome, ajoksalauᴋonagit sunamiglonêt. Anorângit samgusengorlaungilet, itigangillo puvilerlaungilet;

Imgerut 95:10

Jârinnik 40ginnik innuᴋattigêt taipkoa ᴋuvianailijutigilaukpakka, oᴋarlungalo: Inûvut ômattiggit apᴋome tammarnartome arvertaromatsainartunnik; apᴋosinikkalo illiniaromalaungilait.

Exodus 12:51

Taimaglo uvlorme tâpsomanetsainak Nâlekab Israêlikut tasiorpait nunamit Egiptenemit ilagêngningit maliklugit.

Exodus 20:2

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit.

Exodus 3:8

Akᴋarpungalo, Egiptenemiut agganginit piulijartoromagapkit aulartitsomavlugillo nunamit tamatomangat nunamut ajungitomut nerrotojomullo, nunamut imumik igupsaujârtullo orᴋsuanik kôlingmut, Kânaanemiut Hetiterillo Amoriterillo Feresiterillo Heviterillo Jebusiterillo nunanganut.

Jeremia 2:6

Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Hesekiel 20:10

Taimaimat anitilauᴋpakka nunamit Egiptenemit, tikiutilugillo sunaᴋajuitomut.

Amos 3:1

Tusarsiuk oᴋausek mânna, Nâlekab oᴋauserijanga ilipsingnut Israêlib ᴋitornganginut, ᴋitorngarêksoarnut tamainut majorartitamnut nunamit Egiptenemit, oᴋarlunga:

Amos 9:7

Ilipse Israêlib ᴋitorngangit, uvamnut ilingalungilasê Etiopiamiut ᴋitorngangititût? Oᴋarpok Nâlegak. Tikiutjilaungilangâ Israêlikunik nunamit Egiptenemît, Filisteriniglo Kaftoremît, Siriamiuniglo Kiremît?

Migga 6:4

Tikiutilaurapse nunamit Egiptenemit, piulilauᴋpapse iglomit kipalovingmit; Moseselo Aronelo Miriamelo ilipsingnik sivorliotilauᴋpakka.

Numbers 13:32

Nunalo nautsertoriartorvigijangat oᴋautigiludlarpât Israêlikunut, oᴋarlutik: Nuna ingergarvigilauᴋtavut nautsertoromavlugo, nunauvoᴋ apᴋalajoᴋ inungminik, inuillo takojavut tagvane ilûnatik inôvat angijut.

Numbers 21:25

Iglugasaksuillo tamakkoa tamaita Israêlikut tiguvait; Israêlikullo Amorikut iglugasaksoangit ilûnaita inigivait, Hesbonemelo, iglugasanginelo tamaine.

Numbers 32:13

Nâlekablo ningarninga katsungaipoᴋ Israêlikunut, utitarᴋattarlutiglo arvertartipait sunaᴋajuitome jârit 40 nâvlugit, kinguvârêt tâpkoa idluitulilauᴋtut Nâlekab takkoane nungutauᴋârtinagit.

Apostelit Piniarningit 13:18

Jârillo 40 it nâvlugit iluserivalauktangit kamagingitsertorpait inuᴋajuitomêtilugit.

Apostelit Piniarningit 7:42

Gûdible allarpait, tunilaitalo kivgartorᴋovlugit ᴋilaub uvlorianginik, aglaksimangmat nelautaijut aglangine imâk: Ilipse Israêlib kinguvângit, tunergutiksanik, nergjutiniglo toᴋotaksanik Jârine 40 ne inuᴋajuitome tunitjivigilaukpisingâ?

Deuteronomy 1:39

Kitorngaselo aᴋsârnigauniarnerartase, sorusiselo, uvlome ᴋaujingitut ajungitomik ajortomiglônêt, tâpkoa tagvungartuksauvut, tâpkonungalo tunijomavara, tâpkoalo pigilârpât.

Deuteronomy 2:7

Nâlekab Gûdivit pilluangorᴋosimangmatit aggakpît piniarningine tamaine; ingergarnît sunaᴋajuitokut mattomûna ilisimavâ; jârit makkoa 40 nâvlugit Nâlekab Gûdivît najorpatit; sumiglônêt ajoksalungilatit.

Josua 13:4

Anget Kanaaniterit nunangat illunât, Mearalo Zidonemiunut illingajok Afek tikkilugo Amoriterit kiglilervingat tikkilugo;

Josua 24:8

Uvangalo âlaukpapse Amoriterit, Jordanib akkiane nunaᴋalauktut, nunanganut; unatadlarvigilaungmasselo tunnilaukpakka aggapsingnut, nunanganik perᴋutisiniarluse; nungutilaukpakkalo sivunipsigut.