Amos 1:4 - Labrador Inuttitut Heritage Bible

⁴ Ikomamigle tilikleromavunga Hasailib iglunganut, tâpsomalo Benhâdadib igloksoangit nungulârpait.

Amos 1:4 Iomraidhean Croise

I Atannit 19:15

Nâlekablo oᴋautiva: Uttilermit, ailutillo apᴋotigijarne sunaᴋajuitoᴋut Damaskusemut, itterlutillo Hasaelelo mingoaruk atanningortilugo Siriamut,

II Atannit 13:25

Tagva Joasib Joahasib erningata iglugasaksuit tigulerivait Benhadadib, Hasaelib erningata agganginit, taipsoma tigulauktangit Joahasib atâtame agganginit unnatadlarnerme. Pingasuêrtorlune Joasib sâlagiva Israelitillo iglugasaksoagilauktangit sattortautipait.

II Atannit 13:3

Nâlekablo ningausinga ilunngertulerpok Israelitit pivlugit, tunnilaitalo Hasaelib Siriamiut atanningata agganginut, Benhadadiblo Hasaelib erningata agganginut, innôsingit nâlugit.

II Atannit 6:24

Tamakkoalo kingorngane pijoᴋalaukpok, Benhadadib Siriamiut atanningata sorsuktuksaksoakotine ᴋattitimagit majorarlunelo takpaunga, Samarialo illumavait.

II Kronika 16:2

Assale Nalekab iglungata attanniublo iglungata perᴋotitalingangnit tigusivok Silberemik Goldemiglo, tillikliutigivaillo Benhadademut Siriamiut attanninganut Damaskuseme nunaᴋartomut oᴋautsauᴋovâlo:

Jeremia 17:27

Nâlagomangikupsingale Sabbate ivsornaititsomavlugo, adjarsitailijomangikupselo oᴋumaitunik iterniarluse Jerusalemib itertarvingitigut Sabbateme; tagva ikomamik ikitsijomavunga itertarvingine, nungutsilârporlo Jerusalemib igloᴋsoanginik, ᴋamitauniarungnaivlune.

Jeremia 49:27

Ikitsijomârpungalo ikomamik Damaskusib avaluksoangine, tâpsomalo Benhâdadib iglusoangit nungutsomârpait.

Hesekiel 30:8

Kaujijuksauvullo uvangaugama Nâlegaᴋ, ikomamik ikitsijoᴋ Egipteneme, ikajortingillo ilûnatik serᴋomilauᴋpakka.

Hesekiel 39:6

Ikomamiglo tilikleromârpunga Magogemut, tâpkonungalo terliktulik nunaᴋartunut ᴋikkertane, ᴋaujijuksauvullo uvangaugama Nâlegaᴋ.

Hosea 8:14

Israêle puigormat Pingortitiminik, igloᴋsoaliorlunelo; Jûdab iglugasaksuit sôngojut unuksitipait; uvangale ikomamik tilikleromavunga iglugasaksoanginut, nungutsijuksamik igloᴋsoanginik.

Amos 1:10

Ikomamiglo tilikleromavunga Tirusib ᴋarmaᴋsoanganut, nungutsilârporlo igloksoanginik.

Amos 1:12

Ikomamiglo tilikleromavunga Têmanemut, nungutsilârporlo Bosrab igloksoanginik.

Amos 1:14

Ikitsijomavungale ikomamik Rabbab ᴋarmaᴋsoangane, nungutsilârporlo igloksoanginik, ᴋaggudlartoᴋartilugo unatarnerub uvlungane, suluksuksoaᴋartilugolo akᴋunaksûb uvlungane;

Amos 1:7

Ikomamigle tilikleromavunga Gasab ᴋarmaksoanganut, nungutsilârporlo igloksoanginik:

Amos 2:2

Ikomamigle tilikleromavunga Moabemut, nungutsilârporlo Keriotib igloksoanginik; Moabelo toᴋolârpok pikablâdlartoᴋartilugo, ᴋaggudlartoᴋartilugolo, tiptulausijartoᴋartilugolo;

Amos 2:5

Ikomamigle tilikleromavunga Jûdamut, nungutsilârporlo Jerusalemib igloksoanginik.

Idluarsaijut 9:57

Taimaktauk angutit Sichemiut idluitulliningit taimaita Gûdib akkiniarutigivait niaᴋunginut, tikkitaulutiglo Jothamib Jerub-Baalib erningata ominauteᴋarᴋojininganut.