Amos 1:3 - Labrador Inuttitut Heritage Bible

³ Imâk oᴋarpok Nâlegak: idluitulinerit pingasut sitamallônêt pivlugit Damaskuse pidlartautailititsomângilara Gilead katjungmatsuk ᴋautarnut kikiangojunut;

Amos 1:3 Iomraidhean Croise

I Atannit 19:17

Pijoᴋartuksauvorlo, kina Hasaelib saviksoanganik ᴋemaijok, tamna Jehub toᴋotaksariva, Jehublo saviksoanganik ᴋemaijok, tamna Elisab toᴋotaksariva.

II Atannit 13:3

Nâlekablo ningausinga ilunngertulerpok Israelitit pivlugit, tunnilaitalo Hasaelib Siriamiut atanningata agganginut, Benhadadiblo Hasaelib erningata agganginut, innôsingit nâlugit.

II Atannit 13:7

Taipsoma Joahase unnurnersanik amiakoᴋarkolaungimago ablangajunit 50 ginit horsit ᴋângine, kamutinillo aksalloalingnit 10 nit, angutinillo pissuktunit 10,000 dinit. Siriamiut atanningata toᴋolaungmagit, illingatilaukpaillo sanniktitut ᴋakᴋojaksat tullertautilugit sorlo.

II Atannit 16:9

Assiriamiullo atanningata nâlekpâ, aularlunelo Damaskusemut, sâlagivaillo, aularutivaillo (Damaskusemiut) Kiremut, toᴋopâlo Rezine.

II Atannit 8:12

Tagva Hasael oᴋarpok: Sôg nâlegara kêava? Tamna oᴋarpok: ᴋaujimavunga ᴋanok igvit Israelib ᴋitorngangit idluitullivigijomârangne. Iglugasaksoangit songojut ikkomamut ikkitsomârpattit anguteᴋotingit innuosuktut toᴋotsomârpattit saviksoarmut, sorrusiârsukotingillo toᴋotsomârpattit, arnakotingillo singaijut ullimârlugit avgoromârpattit.

Hiobe 19:3

Mânna tallimaujortoertorluse mittautigilaukpapsinga, kangusuktaililuselo avavâtinapsinga.

Hiobe 5:19

Kiksarnartune pingasujortune piuliniarpâtit, 7 inganelo idluinerit nelliata aktorniangilâtit.

Salomob Okâl 6:16

Illutsit tapᴋoa 6it Nâlekab omigivait, 7ingallo makkojugiva:

Okaluktok 11:2

Aitortuilerit 7 inut, 8 inullo; ᴋaujimanginavit ᴋanoêtut nelliat tikkiniarmangât nunamut.

Jesaiase 28:27

Tillit ᴋammutinut paungaijartaungilat, taimaktauᴋ kimelit paungaijartaunginivut aksalloamut, kautamulle kissiane tillit katjuktauvut kimelillo kautârsungmut.

Jesaiase 41:15

Ahâk, ᴋamutîktut serᴋalitsijûktut, ipiktûktut, nutâktut, maggungnik kênalîktut illingatitsomârpagit. Kaᴋᴋat tukkarlugit serᴋomitsomârpattit ᴋaᴋᴋârulaillo serᴋalimajutitut illingatillugit.

Jesaiase 7:16

Nukappiarle tukkisilerᴋârtinnago idluitoᴋ nachogivlugo, idluartoᴋ annerivlugo, attanîk magguk sivorajutigijâkpit nunâgik ᴋemaktaujomârpuk.

Jesaiase 7:8

Siriab niaᴋorijaksanga tagva Damaskuse, Damaskusiblo niaᴋorijaksanga tagva Rêtsine. Jârit 65 it nâkpatta, Efraime nungutaujomârpoᴋ nunaᴋatigêksoaᴋarungniarlunelo taikane.

Jesaiase 8:4

Nukappiarârsuk oᴋarungnalerᴋârtinnago: atâtâk, anânâk — tagva Damaskusib akluitoᴋsôningit Samâriamiullo aᴋsârnigarijangit nangmartaujomârput Assiriamiut attaningata sângagut.

Amos 1:11

Imâk oᴋarpok Nâlegak: Idluitulinerit pingasut sitamallônêt pivlugit Edom pidlartautailititsomângilara; ᴋatangutine udlalaungmago saviksoarmut, iperaingmallo ilapsugosungnermik ilûnânik, ningarnerminelo aliktuitsainarmat, ningaumajârninelo sapkotailingmago;

Amos 1:13

Ammonib ᴋitorngangit idluitulinitik pingasut sitamallônêt pivlugit pidlartautailititsomângilakka; arnat singaijut Gileademe sêlaungmagit, ᴋanitatik angijororomavlugo;

Amos 1:6

Imâk oᴋarpok Nâlegak: Idluitulinerit pingasut sitamallônêt pivlugit Gasa pidlartautailititsomângilara, inuit tigujat ilûnaita aularutilaungmagit, Edomemut perᴋutautilugit;

Amos 1:9

Imâk oᴋarpok Nâlegak; Idluitulinerit pingasut sitamallônêt pivlugit Tirus pidlartautailititsomângilara; inuit tigujat ilûnaita perᴋutautilaungmagit Edomemut, ᴋatangutigêt angiᴋatigêngningat erᴋaumanago;

Amos 2:1

Imâk oᴋarpok Nâlegak: Idluitulinerit pingasut sitamallônêt pivlugit Moabe pidlartautailititsomângilara; Edomib ataningata sauningit ôngmagit maggalerijutiksangorlugit;

Amos 2:4

Imâk oᴋarpok Nâlegak: Idluitulinerit pingasut sitamallônêt pivlugit Jûda pidlartautailititsomângilara; Nâlekab perᴋojangit iperarmagit, tâpsomalo maligaksauᴋojangit malilungimagit, saglonermigle, atâtangita piniarnerilauktanginik malignermingnut tamartitaungmatta;

Amos 2:6

Imâk oᴋarpok Nâlegak; Idluitulinerit pingasut sitamallônêt pivlugit Israêl pidlartautailititsomângilara; idluartut aulaingmagit silberemut, ajoksartullo kamiksiniutigilugit;

Saggaria 9:1

Oᴋausek oᴋumaitok Nâlekab oᴋauserijanga Hâdrakib nunanga pivlugo, tôlârporlo Damaskusemut; Nâlekab inuit takonârmagit, Israêliblo kinguvângit tamaita.

Saggaria 9:2

Hâmatiblo kigleᴋatigijanganut, Tirusemullo, Sidonemullo, silatonasugijunut.