Tarou ta Mak 9:4 - Nyindrou

⁴ Eme oro lau tan ma taloh nane dah atou Alaija uru Moses asahan, ma asehek sahou hawen.

Tarou ta Mak 9:4 Iomraidhean Croise

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

Tarou ta Jon 5:39

Aha abo gok ta asilah sahou iri torowenei udu bolo buk ndrabun, tasah budon taha anya, iri sahou doh kameh adeu taha kohan handru udu le buku doh. Idoh mwasin, arile sahou iri ndratorowenei badeh, nyarak udu aliy, ma kohan handru ale badeh, udu ndra hawek.

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Tarou ta Luk 24:27

Eme iy asehek nyala lakou mari udu bolo sahou ta Kindrei i turu aleu labai, udu ndra kabatana Moses hawe tarou tiri propet, ano i turu.

Tarou ta Luk 9:19

Eme oro anya, “Iri rayah anya ou Jon ta alomwa, ya iri rayah anya ja, ou Alaija; ma iri rayah anya ja, ou badeh, oro ari propet mene ndramak ndrame loke ja.”

Metiu 11:13

Bwena handru kala Jon basahan bwe le, iri sahou mari ta Moses hawe iri propet badeh, leheya saba lakou Kindrei anya kamekes.

Tarou ta Mak 9:3

Ma awin tan ndra nyikilikin asahan i belen ma sakalawi belen ta lakou mari badu munyak dah, i buku kasikine.

Tarou ta Mak 9:5

Eme Pita atou lakou doh ya iy asehek ta Jises i buku doh, “Ndramak ta leheya, mwasin handru ta aso are ndra kada-ah, ya aso katahi taloh mandron kudu dah, ra-em tam, ra-em ta Moses, ma ra-em ta Alaija.”