Tarou ta Mak 8:2 - Nyindrou

² “Jo tikisi iri lau dah. Iri an hawek ndra winiya len taloh ai, ma niri nyamon ta aimon bwe.

Tarou ta Mak 8:2 Iomraidhean Croise

Metiu 14:14

Eme Jises anya ki amik, iy atou iri lau solo-an labai, ma iy tikisi iri, ma iy amekes iri lau bada iri ndra-in amwenen.

Metiu 20:34

Eme Jises tikisi uru, ma iy atehei minen i mada uru, ma nawin bwe mada uru amwenen, ma uru anyolom kon ja. Ma uru an hamon ta Jises.

Metiu 9:36

Eme Jises atou iri lau solo-an labai atukum, ma iy tikisi iri. Tasah, budon tiri inyon laleyah ta san ta takaleh Kindrei, ma iri ado ndra-in labai, buku none sipsip lau ta atondrok iri bwe.

Tarou ta Mak 1:41

Eme Jises tikisi iy labai, eme iy atehei minen i badan ma tiye i tan i buku doh, “Jo aseken. Ya ou amwenen.”

Tarou ta Mak 5:19

Arile Jises bwalen, eme iy tiye i tan, “Ou a kon hawe lowam oro, ya ou asehek nyala oro ta lahou tinan Laban ndramesekei ndrawek tam, ma iy tikisi ou, ma iy mesekei ou ndramwenen ja.”

Tarou ta Mak 6:32

Ya eme oro le ala ndron ra-ei, ma oro au ala kon rasi sese len ja, lau aliy bwe.

Tarou ta Mak 6:34

Eme oro anya ka amik le badeh, Jises atou iri lau solo-an labai, ma iy tikisi iri, tasah iri badeh, a buku none sipsip, ari ndramak ta atondrok iri bwe, ma eme iy leheya iri ta lakou solo-an.

Tarou ta Mak 8:3

Ya i buku none jo katiye iri ma son tiri ka-au ka kon tiri, kora-on mada iri kabuluw ya iri kataku kado san, tasah iri rayah mene ame, san tiri lawe-en labai.”

Tarou ta Mak 9:22

San solo-an iy moraha iy i jih ma i gwa anya kamekes iy kimek. Ya i buku none saba lakou ou winiyan mesekei, ya ou tikisi aso, ma ou sebenei aso!”

Tarou ta Luk 15:20

Eme iy suri iy, ma edek iu ili hamon hawe taman. Arile, iy udu ndra len kahis le badeh, taman atou iy ma ndrinen eden tan. Eme taman sakaliye ili badeh, akabah i la-un ma tawi iy.

Tarou ta Luk 7:13

Eme Laban Jises anyolom iy ma iy tikisi badih nyau dah, tinan labai. Ya eme Jises tiye i tan, “Balem sasin.”

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

Hiburu 4:15

Tasah, nyamu taha amwenen winiyan batisih iri kandriyen ndra-in iu bwe. Arile tinan tiri pris tataha amwenen doh, iy le ari winiyan tikisi taha. Tasah, iri maha-an asahan tataha, badeh, mene ndrasahan tan ta none iy ale. Arile iy bamekes ari kandriyen ndra-in bwe.

Hiburu 5:2

Iy tanan, iy nyamun bwe, ma iy winiyan bamekes iri lakou solo-an bwe. Eme ma iy amekes amunum le ili tiri lau tana iri lakou bwe, ma ta iri lau ndramani san mwasin ta Kindrei.