Tarou ta Mak 7:3 - Nyindrou

³ Tasah iri Parasi ma hawe iri Juwis mari badeh, winiyan baimon nyamon bwe, i buku none iri basikine mine iri bwena bwe, tasah iri an hamon ta kandriyen ta tubu iri.

Tarou ta Mak 7:3 Iomraidhean Croise

Tarou ta Mak 7:13

Ta kandriyen doh le ado atehei sahou ta Kindrei i andri mara-ei, ma hawe lahou ra-on ja badu hawen, ya ado bwese-ei iri kandriyen solo-an ado akohok ta tubu aha iri ja eme loken mara-ei.”

Tarou ta Mak 7:5

Ya eme iri Parasi ma hawe iri lau ta leheya kandriyen tiri Juwis ndremenya Jises i buk doh, “I buku sah oro lau tam aimon nyamon ya oro basikine mine oro bwe, ya oro ba-en hamon ta kandriyen ta tubu ahi iri bwe?”

Tarou ta Luk 11:38

Eme ya iy anyolom Jises badeh, basikine minen bwe, ya iy aimon nyamon, eme ya iy lomondra solo-an labai.

Tarou ta Jon 2:6

Udu loboho doh badeh, bwisi sabok ma onoh udu aliy. Iri Juwis badeh, a-us gwa ili bolon ta sikine iri lakou ta salom ma mine iri na aliy. Bwisi sabok ari ari gwa udu bolon i buku lita rinek (100).

Galesiya 1:14

Ya, oro Juwis rebesem badu hawek badeh, jo sakalau oro ja ta kandriyen ta batanau. Jo sakalau oro ta bolo kandriyen ta tubu ahi, iri asehek eme tahi Juwis. Ma eme, budon tek irih labai ta in hamon ta kandriyen ta tubu ahi iri.

Kolosi 2:8

Ya, aha katondrok aha kamwenen. Kora-on iri lau rayah kadeu sahou laleyah, ma sahou yoyou kewek taha ta iri budon solo-an ta aha ka-en hamon ta aliy. Ma iri kameh kawendreyani aha ta sahou dah, ma aha kameh anuhun boho iri. Iri lau doh badeh, akohok tanan ta tubu iri, ma tiri malawin ndra-in ale atondrok iri lakou badu kandrah, ma kon munyak. Iri tanan sahou ta Krais bwe.

1 Pita 1:18

Ehe, aha katondrok aha kamwenen, ma ka-en hamon ta kandriyen mwasin. Tasah, bwena mene aha a-en hamon ta iri kandriyen ndra-in, aha mene akohok ta tubu aha iri, arile na dah, aha ndratana aha, Kindrei ndrakonohei ma ndrakuhi aha ndrame len ta kandriyen badu bwena. Iy bakonohei aha bame hamon na bek nyikilikin hawe silba bwe. Iri lakou doh, lau badu kon munyak abudon tinan labai. Arile, gol hawe silba badeh, lakou badu kon munyak le. Hamon kameh iri amai au laleyah.