Tarou ta Mak 4:8 - Nyindrou

⁸ Arile buwa wit ra-on taku i bolo ndren mwasin, ma iy ateh i tinan ma iy ato-ou buwan solo-an labai. Eme buwan ra-on ato-ou tonoh (30), ya ra-on ato-ou ndro hanoh (60) ma ra-on ja ato-ou rinek (100).”

Tarou ta Mak 4:8 Iomraidhean Croise

Jenesis 26:12

Ano Aisik badeh tahi baso udu munyak doh, eme uni udu bolo oro baso ari ari nane iy tahi doh, badeh oro ari ari ato-ou rinek rinek sakalawi bwena mene ndra-au, tasah Laban atehei nyosowan i la-un.

Metiu 13:23

Arile, iri buwa wit ale taku in munyak mwasin badeh, i buku le iri lau anuhun sahou ta Kindrei, ya iri tanan katin handru. Eme ya iri ato-ou sali iri, ra-on ato-ou rinek (100), ra-on ndro hanoh (60), ra-on tonoh (30).”

Metiu 13:8

Arile, badu wit ra-on taku i bolo ndren mwasin, ma iy ato-ou buwan. Ra-on ato-ou rinek (100), ra-on ato-ou ndro hanoh (60), ra-on ato-ou tonoh (30).

Tarou ta Mak 4:20

Ya lau rayah ja, i buku none buwa wit ateh in munyak mwasin. Iri anuhun sahou ta Kindrei, eme iri tawiy ma iri ato-ou sali iri. Rayah asahan tonoh (30), rayah ndro hanoh (60), ma rayah asahan rinek (100).”

Tarou ta Mak 4:7

Ya badu wit ra-on ja taku in bolo bada malou bobodon. Bada malou bobodon nane ateh eme loken, ma tubuluhi wit nane ma iy bato-ou buwan bwai.

Tarou ta Mak 4:9

Ano, Jises isan sendrehendreh ta sahou i buku doh, “Ou are lau ndranyem udu aliy, ou anuhun kamwenen.”

Tarou ta Luk 8:15

Arile, buwa wit taku udu munyak mwasin badeh, i buku oro lau anuhun sahou ta Kindrei, eme oro tawi sahou doh, udu ndrine oro ihis labai, ma udu le udu, oro ato-ou sali oro mwasin.

Tarou ta Luk 8:8

Ano rayah ja badeh, taku ili bolo ndren mwasin. Eme ateh eme loken, ato-ou buwan solo-an; ya ra-on ja badeh, ato-ou rinek (100).” Eme iy tiye doh ano badeh, iy aloh anya, “Ou are lau ndranyem udu aliy, ou anuhun.”

Tarou ta Jon 15:5

Jises anya, “Jo bada kei waen handru, ado badeh, andran. Are lau iy ihis badak ma jo ihis badan, idah kameh iy ato-ou salin solo-an labai. Ado winiya bamekes ari lakou bwe, buku ado bahis badak bwe.

Tarou ta Jon 7:17

Buku are lau anya ki-in hamon ta lahou ta Kindrei iy winiyan i tanan sahou nane jo asehek, iy kameh i tanan sahou udu ta Kindrei eme, o, sahou jo asehek na le budon tek amwenen.

Aposel 17:11

Ya eme iri lau badu doh badeh, budon tiri aleu labai ja tiri lau badu Tesalonaika. Tasah, iri badeh, atehei ndranye iri ta anuhun sahou tinan labai, ma na len mari mada iri udu ta tarou anya kanyolom Pol asehek sahou handru deh wasai.

Epesus 2:21

Iri ka-e asiu doh badeh, ihis hawe Krais, ma udu boto-on labai. Kindrei le amekes kahis, ma anya kasahan ki tinan handru, ma kasahan asiu ndrabun ta atudun Laban.

Pilipai 1:11

Ya, i buku none ado adah na kandriyen mwasin ta Kindrei, i san ta Jises Krais aseben ado, idah kameh iri lau anyolom ma iri atudun Kindrei ta aliy.