Tarou ta Mak 4:7 - Nyindrou

⁷ Ya badu wit ra-on ja taku in bolo bada malou bobodon. Bada malou bobodon nane ateh eme loken, ma tubuluhi wit nane ma iy bato-ou buwan bwai.

Tarou ta Mak 4:7 Iomraidhean Croise

Metiu 13:22

Ya iri buwa wit taku ereu ndrokowa iri malou bobodon, idoh leheya iri lau ale anuhun sahou ta Kindrei, arile iri abudon boto-on ta lakou badu kon munyak. Ya iri abudon boto-on labai ta atukum iri luk, ma iri lakou ra-on ja. Ya idoh sokei sahou ta Kindrei eme ma bwidi iri bato-ou sali iri bwe.

Metiu 13:7

Ya badu wit ra-on taku i bolo iri malou bobodon, ma malou bobodon nane ateh eme loken, ma tubuluhi wit nane ma iy bato-ou buwan bwai.

Metiu 13:8

Arile, badu wit ra-on taku i bolo ndren mwasin, ma iy ato-ou buwan. Ra-on ato-ou rinek (100), ra-on ato-ou ndro hanoh (60), ra-on ato-ou tonoh (30).

Tarou ta Mak 4:6

Arile, an anya eme loken nyarahan boto-on labai, ma sulumwi wit nane, tasah kandron bala bolo munyak alih bwe, eme ma iy ame-er mara-ei ma imek.

Tarou ta Mak 4:8

Arile buwa wit ra-on taku i bolo ndren mwasin, ma iy ateh i tinan ma iy ato-ou buwan solo-an labai. Eme buwan ra-on ato-ou tonoh (30), ya ra-on ato-ou ndro hanoh (60) ma ra-on ja ato-ou rinek (100).”

Tarou ta Luk 12:15

Ano Jises tiye i tiri mwan ma badih, “Bale ado kudu tado! Mada ado kaleu tado, ta ado badeh, saseken lakou doh, lakou doh le, tasah koha ndramak badeh, winiyan bado luluwen na lakou solo-an doh, bwe. I buku tan lakou solo-an labai, arile iri lakou mari doh kameh winiyan basebenei koham ta udu le buku doh, bwe le.”

Tarou ta Luk 21:34

“Bale ado ki tado doh! Ado satehei budon hawe ndrine ado sahis ta lakou badu kon munyak, hawe ado sabulum ndrine ado na nyamon hawe a-un gwa boto-on ta amekes manyah tado kudu mwasin. Bwe kameh, len doh asahan kameh i le mani tur.

Tarou ta Luk 8:14

Ya buwa wit taku udu bolo malou bobodon badeh, i buku none oro lau doh, anuhun sahou ta Kindrei, arile oro ado badeh, abudon boto-on ta lakou solo-an badu kon munyak. Ya oro abudon boto-on labai ta atukum iri luk, ma hawe bale oro asin ta kandriyen badu bada oro tinan labai. Eme ma, oro badeh, buni ta budon bwe.

Tarou ta Luk 8:7

Ya rayah ja badeh, taku udu bolo malou bobodon nane ateh eme loken, ma tubuluhi wit nane ma iy bato-ou buwan bwai.