Tarou ta Mak 4:2 - Nyindrou

² Eme iy asehek sahou solo-an i tiri na sahou sokek, eme udu bolo leheya tan, iy tiye i tiri i buku doh,

Tarou ta Mak 4:2 Iomraidhean Croise

Metiu 13:10

Hamon ta aliy, oro lau ta Jises ame ndremenya i buku doh, “Tasah handru ou amekes sahou sokek ili tiri lau?”

Metiu 13:3

Jises asehek sahou sokek solo-an i tiri. Iy asehek i buku doh, “Ado kanuhun! Ndramak ari ili sabara badu wit ili bolo bilin.

Metiu 7:28

Jises ano ta sehek sahou doh, ya iri lau mari mani iri atur ta leheya tan.

Tarou ta Mak 10:1

Eme ma Jises hawe oro lau tan ruwani kon Kapena-um, ma oro au ala loboho kon Judiya ereu kapa gwa Jodan bilisiu. Eme ma iri lau solo-an solo-an atukum ame hawen ja, ya eme i buku none kandriyen tan ala iy ndramekes ndramekes ndra-au, eme ma iy leheya iri.

Tarou ta Mak 12:1

Eme ya Jises asehek sahou sokek i tiri i buku doh, “Ndramak ari badeh, bwidi bilin ari ta waen, ma iy bwidi kou awudiy. Ma udu bolo bilin tan nane doh, iy ihi lek ari ta atik ma apis buwa waen, ano iy tahi asiu ra-em ta atondrok bilin doh. Eme iy ruwani bilin ili mine iri lau salibah ta atondrok. Ma iy iu i kon rakon ja.

Tarou ta Mak 12:38

Jises leheya iri mwan ma badih kahis ma iy tiye tiri udu bolo leheya tan anya, “Mada aha kaleu tiri lau ta leheya kandriyen tiri Juwis. Iri aseken adek ala ame na kolau moroyan lawe tiri, eme iri anya lau mari kasumon iri na len ta baen.

Tarou ta Mak 3:23

Ya eme Jises aloh iri lau ame hawen ma iy asehek sahou sokek ra-on, “Ki buku sah handru tama iri balik Satan katikah Satan?

Tarou ta Mak 4:11

Eme iy tiye i toro, “Kindrei aseken ado lau tek katanan iri sahou mene aton ta nyala tondrok ta Kindrei. Arile iri rayah bare hawe to dah bwe, jo asehek i san ta sahou sokek,

Tarou ta Mak 4:3

“Aha kanuhun! Ndramak ari ili sabara badu wit ili bolo bilin,

Tarou ta Jon 18:19

Uru lau tan ma la-uh nane are ndra manan. Tinan tiri pris eme ndremenya Jises ta oro lau tan ma ta sahou iy ndrasihidiy ndrala tiri lau.