Tarou ta Mak 3:7 - Nyindrou

⁷ Ano Jises ma hawe oro lau tan ame gwa li Galili, ma hawe iri lau solo-an labai an hamon tan. Iri lau badeh, badu Galili, badu Judiya,

Tarou ta Mak 3:7 Iomraidhean Croise

Tarou ta Luk 6:17

Ano, iy eme andri hawe oro, ales udu bwele-e munyak nyemesen. Ma hawe iri lau tan solo-an handru ado aliy. Ma ale, iri lau buku liliy badu loboho Judiya, badu loboho Jerusalem, ma hawe lau badu loboho mada ndras ta kon tinan Tair hawe Saidon nane an doh ale. Iri ame badeh, anya kanuhun Jises asehek sahou, ma hawe iri atiye iri lau sik udu tiri ame hawen, ta iy kamekes iri kamwenen.

Metiu 4:25

Eme ma iri lau solo-an badu Galili, ma iri lau badu Dekapolis, ma iri lau badu Jerusalem, ma iri lau badu Judiya, ma hawe iri lau badu kon udu loboho Jodan bilisiu ya iri lau mari doh adek a-en hamon tan.

Metiu 12:15

Kala doh Jises i tanan budon tiri Parasi ta oro anya kamekes saba lakou i tan, eme iy ruwani kon tinan nane doh, ma iy edek iu ili. Iri lau mwan ma badih solo-an an hamon tan, eme ma iy mesekei iri mari amwenen ta sik tiri.

Tarou ta Luk 23:5

Arile, iri sarakau anya, “Iy mene leheya ma amekes ndrokowa iri lau badu loboho Judiya bado mwasin bwe. Iy mene amekes kandriyen doh, udu ndra Galili on, eme taku dah.”

Tarou ta Luk 6:12

Ano len ari, Jises iu i kabede-e mandrei, ma iy udu gwek ben ari, amekes salom i ta Kindrei.

Tarou ta Mak 1:39

Eme ma iy edek ili loboho Galili mara-ei asehek sahou in bolo asiu ta atukum tiri Juwis ma atikah iri malawin ndra-in au.

Metiu 10:23

Ya buku none are lau mwan deh badih badu saba kon tinan amekes ndra-in ewek tado, mwasin, ado katobwak kala kon tinan ari ja. Jo asehek sahou handru ewek tado, ado winiyan babwidi gok dah bano bwe udu bolo iri kon tinan badu Isra-el, ya jo Nadu Ndramak Awas ta Kindrei kameh eme hamon ja.

Aposel 17:14

Eme na le liliy nadu tine Pol oro ame badeh, suni iy ili mada ndras. Arile, Sailas uru Timoti are Beriya are gwek.

Aposel 17:10

Ano kon ilik le badeh, oro lau ta Kindrei suni Pol uru Sailas au ala kon Beriya. Uru ala asahan badeh, uru ala ndrahu atukum tiri Juwis.

Tarou ta Jon 7:52

Iri ame tiye sahou i tan i buku doh, “Neh? Ou badu Galili ale? Buku ou anyolom bolo buk ndrabun amwenen badeh, ari propet winiyan bame loboho Galili bwe-en.” [

Tarou ta Jon 7:41

Iri lau anya, “Iy ndramak kede-eh Mesaya.” Iri rayah ndremenya ja, “I buku sah handru Mesaya udu Galili eme?

Metiu 12:16

Eme Jises batanau iri ta iri sasehek nyaran sala ta ndramak ari ja, ma sasehek nyala gok iy ndramesekei ta aseben iri.

Tarou ta Mak 1:45

Arile bwai, ndramak nane dah ili asehek i tiri lau mari. Eme handru labai iy asehek san solo-an labai, eme Jises winiyan bala kon tinan bwe. Arile iy udu ndra kon nane lau aliy bwe doh, eme ma iri lau badu heh, badu heh ame le hawen.

Tarou ta Mak 3:20

Eme Jises iu i kon. Udu ja, lau solo-an labai atukum, eme Jises hawe oro lau tan ari len ta aimon nyamon bwe.

Tarou ta Mak 4:1

Ano ja, Jises leheya iri lau an kapa gwa li Galili. Iri lau solo-an labai atukum ta anuhun iy, eme iy sandroh in ndron ra-ei ma manyah udu bolo ndron ere bwele-e gwa, ya iri lau mari nane dah, an kapa gwa amik ai.