Tarou ta Mak 2:8 - Nyindrou

⁸ Suwi labai Jises ndratanan budon toro, eme iy tiye i toro, “Tasah handru iri budon solo-an doh udu ndrine ado?

Tarou ta Mak 2:8 Iomraidhean Croise

Metiu 12:15

Kala doh Jises i tanan budon tiri Parasi ta oro anya kamekes saba lakou i tan, eme iy ruwani kon tinan nane doh, ma iy edek iu ili. Iri lau mwan ma badih solo-an an hamon tan, eme ma iy mesekei iri mari amwenen ta sik tiri.

Metiu 16:7

Eme oro lau tan asehek sahou ndrokowa oro amwenen, “Sebwe iy amekes sahou doh tasah to bakohok jabi ramen bwe nadeh?”

Metiu 9:4

Arile, Jises tanan budon toro ma iy anya, “Tasah handru ado abudon ndra-in i buku badeh in bolo ndrine ado?

Tarou ta Mak 2:7

“I buku sah handru iy asehek sahou ndra-in i buku doh i ta Kindrei? Ari ndramak winiyan basikine kandriyen ndra-in bwe. Kindrei le ari, kabwe!”

Tarou ta Mak 2:9

Katiye ki manamwun ki buku sah handru ki ta ndramak badan imek dah, ‘Kandriyen ndra-in tam ndrasikine ndra-au,’ deh, bwe katiye, ‘Ou suri ou, ou andrei nyahan tam ma ou adek’?

Tarou ta Mak 7:21

Lakou ala udu bolo budon ta ndramak eme len, ma lolowa ndramak amekes lomondra ndra-in. Lakou buku none, kandriyen mari ta karei, kandriyen ta bahana, kandriyen ta adai ndramak imek, ma kandriyen ta amekes tasou andra-i.

Tarou ta Luk 24:38

Eme iy tiye i toro anya, “Ado anoh ta sasah? I buku sah ado lomondra i buku badeh, udu ndrine ado?

Tarou ta Luk 5:22

Eme Jises badeh, ndratanan budon toro, eme iy tiye i toro, “Tasah handru ado ndremenya solo-an udu ndrine ado?

Tarou ta Luk 6:8

Arile, Jises ndratanan budon toro, eme iy tiye i ta ndramak minen imek dah anya, “Ou are loke mada lau mari dah!” Eme ndramak minen imek dah, suri iy ere loken.

Tarou ta Jon 21:17

Ili san tulusin ai, Jises asehek sahou le nane ili tan ja, “Saimon, nadu Jon, ou kede-eh aso-ok jo handru?” Eme bwidi Pita tikisiy, tasah Jises badeh, ndremenya iy san tulusin ai, ta sahou randra le doh, “Ou kede-eh aso-ok jo handru deh?” Eme iy asehek i tan, “Laban, ou tanam lakou marakon; ou ale ndratanam jo, jo badeh, aso-ok ou labai!” Jises eme asehek sahou ili tan ja, “Mwasin, ou atondrok iri sipsip tek.

Tarou ta Jon 6:64

Arile aha rayah badeh, batehei budon taha bwe.” Jises ndratanan are lau iy batehei budon ba-en tan bwe. Iy i tanan udu ndra bada katin ta are lau handru kameh amekes sa-oh tan.

Aposel 5:3

Ano Pita tiye i ta Ananayas anya, “I buku sah handru tama balik Satan ewek ndrinem ma mesekei ou wasai Malawin Ndrabun. Ya eme ou tone luk ranah mene ta munyak ou atehei i ta sisih.

Aposel 8:22

Ou tubuni ndrinem ta kandriyen ndra-in badeh, ya ou amekes salom ki ta Laban. Sebwe iy winiyan mani budon ndra-in marakon udu ndrinem badeh ano iu.

Hiburu 4:13

Iri lakou marakon Kindrei mesekei, ari winiyan bamai ta madan bwe. Iri lakou marakon ere le lewan, ma udu kon lewan labai ta madan. Ma iy le ari kameh winiyan anyolom iri kandriyen taha amekes, ma taha kanyowonya marakon ki tan.

Rebelesen 2:23

Ma jo ale kameh idi nadu i badih nane mara-ei amak au. Eme ma iri mwan ma badih ta Kindrei kameh winiyan atanan buku, jo badeh, anyolom ma aleben amwenen labai iri lakou udu budon ma ndrine iri mwan ma badih mari. Ma jo kameh edeu ndramas ndra-in labai ewek taha ari ari, i bundruwe le iri kandriyen nane aha amekes.